ಶ್ರೀನಗರ: ಜಮ್ಮು-ಕಾಶ್ಮೀರದ (Jammu Kashmir) ಅನಂತ್ನಾಗ್ (AnantNag) ಜಿಲ್ಲೆಯಲ್ಲಿ ಉಗ್ರರು ಇಬ್ಬರು ಸೇನಾ ಯೋಧರನ್ನು (Army Jawans) ಅಪಹರಿಸಿರುವ (Abduct) ಬಗ್ಗೆ ವರದಿಯಾಗಿದೆ. ಪ್ರಾದೇಶಿಕ ಸೇನೆಯ (Territorial Army) ಯೋಧರನ್ನು ಉಗ್ರರು (Terrorists) ಅಪಹರಿಸಿದ್ದು, ಭದ್ರತಾ ಪಡೆಗಳು (Security Forces) ವಿಶೇಷ ಕಾರ್ಯಾಚರಣೆ ನಡೆಸುತ್ತಿವೆ.
ಸುದ್ದಿ ಮೂಲಗಳ ಪ್ರಕಾರ ಅನಂತ್ನಾಗ್ ಜಿಲ್ಲೆಯ ಅರಣ್ಯ ಪ್ರದೇಶದಲ್ಲಿ (Forest Area) ಉಗ್ರರು ಇಬ್ಬರು ಸೈನಿಕರನ್ನು ಅಪಹರಿಸಿದ್ದು, ಓರ್ವ ಯೋಧ ತಪ್ಪಿಸಿಕೊಂಡು ಅಧಿಕಾರಿಗಳಿಗೆ ವಿಚಾರವನ್ನು ತಿಳಿಸಿದ್ದಾರೆ. ಇನ್ನೋರ್ವ ಯೋಧನಿಗಾಗಿ ಭದ್ರತಾ ಪಡೆಗಳು ಶೋಧ ಕಾರ್ಯಾರಣೆ ಆರಂಭಿಸಿದ್ದಾರೆ.
ಈ ಕುರಿತು ಮಾತನಾಡಿರುವ ಹಿರಿಯ ಅಧಿಕಾರಿಯೊಬ್ಬರು, ಅನಂತ್‌ನಾಗ್‌ನ ಅರಣ್ಯ ಪ್ರದೇಶದಲ್ಲಿ ಇಬ್ಬರು ಟೆರಿಟೋರಿಯಲ್ ಆರ್ಮಿಯ ಯೋಧರಿಬ್ಬರನ್ನು ಅಪಹರಿಸಿದ್ದಾರೆ. , ಆದರೆ ಒಬ್ಬರು ಅದೃಷ್ಟವಶಾತ್ ಮರಳಿದ್ದಾರೆ. ಇನ್ನೋರ್ವ ಯೋಧನಿಗಾಗಿ ಹುಡುಕಾಟ ನಡೆಯುತ್ತಿದೆ ಎಂದು ತಿಳಿಸಿದ್ದಾರೆ.
ಈ ಅಪಹರಣವು ದೊಡ್ಡ ಪ್ರಮಾಣದ ಭದ್ರತಾ ಕಾರ್ಯಾಚರಣೆಯನ್ನು ಹುಟ್ಟುಹಾಕಿದೆ, ಪಡೆಗಳು ನಾಪತ್ತೆಯಾದ ಯೋಧನಿಗಾಗಿ ಅರಣ್ಯ ಪ್ರದೇಶದಾದ್ಯಂತ ಹುಡುಕಾಟ ನಡೆಸುತ್ತಿದೆ. ಇತ್ತೀಚಿನ ವರ್ಷಗಳಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಉಗ್ರರು ಸೇನಾ ಸಿಬ್ಬಂದಿಯನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸುತ್ತಿದ್ದು, ಇಂತಹ ಘಟನೆಗಳ ಬಗ್ಗೆ ಸಾರ್ವಜನಿಕರು ಕಳವಳ ವ್ಯಕ್ತಪಡಿಸಿದ್ದಾರೆ.