ಪುದುಕೊಟ್ಟೈ: ನೀಟ್ ಪರಿಕ್ಷಾರ್ಥಿಯಾಗಿದ್ದ 17ವರ್ಷದ ಯುವತಿಯೋರ್ವಳು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ನೀಟ್ ಪರೀಕ್ಷೆ ಬರೆಯುವ ಸಿದ್ಧತೆಯಲ್ಲಿದ್ದ ಇವಳಿಗೆ ತನ್ನ ಹಾಲ್ಟಿಕೆಟ್ ಡೌನ್ಲೋಡ್ ಮಾಡಿಕೊಳ್ಳಲು ವಿಫಲವಾಗಿದ್ದಲ್ಲದೆ, ಇದೇ ವಿಚಾರಕ್ಕೆ ತಂದೆಯೊಂದಿಗೂ ಜಗಳವಾಡಿಕೊಂಡಿದ್ದಳು. ನಂತರ ಕೀಟನಾಶಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಘಟನೆ ನಡೆದಿದ್ದು ತಮಿಳುನಾಡಿನ ಪುದುಕೊಟ್ಟೈನಲ್ಲಿ. ಆದರೆ ಹಾಲ್ಟಿಕೆಟ್ ಡೌನ್ಲೋಡ್ ಆಗದೆ ಇರಲು ಕಾರಣ ಯುವತಿಯೇ. ಆಕೆ ತನ್ನ ಅಪ್ಲಿಕೇಶನ್ ನಂಬರ್ ಮತ್ತು ಸೆಕ್ಯೂರಿಟಿ ಪಿನ್ ಸಂಖ್ಯೆಯನ್ನು ತಪ್ಪಾದ ಜಾಗದಲ್ಲಿ ನಮೂದಿಸಿದ್ದರಿಂದ ಹಾಲ್ಟಿಕೆಟ್ ಡೌನ್ಲೋಡ್ ಆಗಿರಲಿಲ್ಲ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ಪಬ್ಜಿ ಬ್ಯಾನ್ ಆದ ಬೆನ್ನಲ್ಲೇ ಟ್ವಿಟರ್ನಲ್ಲಿ ಹರಿದುಬಂದ ಮೀಮ್ಸ್ ನೋಡಿದ್ರೆ ನೀವು ನಗದೇ ಇರಲಾರಿರಿ!
ಯುವತಿಯ ಹೆಸರು ಹರಿಷ್ಮಾ. ಈಕೆಗೆ ತಾನು ವೈದ್ಯೆಯಾಗಬೇಕು ಎಂಬ ಕನಸಿತ್ತು. ದ್ವಿತೀಯ ಪಿಯು ಪರೀಕ್ಷೆಯಲ್ಲಿ 400 ಅಂಕ ಗಳಿಸಿದ್ದರಿಂದ ಆಕೆಯ ತಂದೆ ಇಂಜಿನಿಯರಿಂಗ್ ಮಾಡುವಂತೆ ಹೇಳಿದ್ದರು. ಆದೆರ ಹರಿಷ್ಮಾ ಖಡಾಖಂಡಿತವಾಗಿ ನಿರಾಕರಿಸಿದ್ದಳು. ನಾನು ಮೊದಲು ನೀಟ್ ಪರೀಕ್ಷೆ ಬರೆದು, ಉತ್ತೀರ್ಣಳಾಗಬೇಕು ಎಂದಿದ್ದಳು.
ಆದರೆ ನೀಟ್ ಅಡ್ಮಿಟ್ ಕಾರ್ಡ್ ಡೌನ್ಲೋಡ್ ಮಾಡಿಕೊಳ್ಳಲು ಮರೆತೇಹೋಗಿದ್ದಳು. ಅದನ್ನೂ ತಂದೆಯೇ ನೆನಪು ಮಾಡಿದ್ದರು. ಆದರೆ ಹರಿಷ್ಮಾಗೆ ಇನ್ನೊಂದು ಸಮಸ್ಯೆಯಾಗಿತ್ತು. ತಾನು ಸಲ್ಲಿಸಿದ್ದ ಅರ್ಜಿ ನಂಬರ್ ಕೂಡ ಅವಳು ಮರೆತಿದ್ದಳು. ಅವಳ ತಂದೆ ಗಣೇಶನ್, ನಾವು ವಿದ್ಯಾಲಯಕ್ಕೇ ಹೋಗಿ ಅಡ್ಮಿಟ್ ಕಾರ್ಡ್ ಪಡೆಯೋಣ ಎಂದು ಹೇಳಿದರೂ, ಮಗಳ ಮೇಲೆ ಕೂಗಾಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಇದನ್ನೂ ಓದಿ: ಮಸೀದಿಗೆ ಹೊರಟಿದ್ದ ಸಂಸದ ಪೊಲೀಸ್ ವಶ; ಶಿವನ ದೇವಸ್ಥಾನಕ್ಕೂ ಹೋಗುತ್ತೇನೆ ಎಂದಿದ್ರು..!
ಆದರೆ ಅರ್ಜಿ ಸಂಖ್ಯೆ ಪಡೆಯಲು ವಿದ್ಯಾಲಯಕ್ಕೆ ಹೋದರೆ ಅಲ್ಲಿ ಶಿಕ್ಷಕರು ಇರಲಿಲ್ಲ. ಹಾಗಾಗಿ ಮನೆಗೆ ವಾಪಸ್ ಬಂದನಂತರ ತಂದೆ ಗಣೇಶನ್ ಮತ್ತೆ ಮಗಳ ಮೇಲೆ ಕೋಪದಿಂದ ಕೂಗಾಡಿದ್ದಾರೆ.
ಇದೆಲ್ಲದರಿಂದ ಬೇಸತ್ತ ಹರಿಷ್ಮಾ ಕೀಟನಾಶಕ ಸೇವಿಸಿದ್ದಾಳೆ. ಆಕೆಯ ತಂದೆ ರೈತರಾಗಿದ್ದು, ಬೆಳೆಗಳಿಗೆ ಬೇಕೆಂದು ತಂದಿಟ್ಟಿದ್ದರು. ಅದನ್ನೇ ಕುಡಿದು ಮೃತಪಟ್ಟಿದ್ದಾಳೆ. ನೋವಿನ ಮಡುವಿನಲ್ಲಿದ್ದ ಮಗಳನ್ನು ಪಾಲಕರು ಆಸ್ಪತ್ರೆಗೆ ದಾಖಲಿಸಿದ್ದರೂ ಅವಳು ಬದುಕುಳಿಯಲಿಲ್ಲ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದೇವೆ ಎಂದು ಅಲಾಂಗುಡಿ ಡಿಎಸ್ಪಿ ಮಥುರಾಜಾ ತಿಳಿಸಿದ್ದಾರೆ.
ಟ್ರೆಕ್ಕಿಂಗ್‌ಗೆ ಹೋಗಿದ್ದ ಕ್ರಿಕೆಟಿಗ 250 ಅಡಿ ಎತ್ತರದಿಂದ ಬಿದ್ದು ಮೃತ್ಯು, ಮುಳುವಾಯಿತೇ ಸೆಲ್ಫಿ?