ಕೇಕ್ ಎಂದು ಭಾವಿಸಿ ಇಲಿ ಪಾಶಾಣ ತಿಂದ ಬಾಲಕಿ ಮೃತ್ಯು

ಪುದುಚೇರಿ: ಮನೆಯಲ್ಲಿದ್ದ ಇಲಿ ಪಾಶಾಣವನ್ನು ಚಾಕೋಲೇಟ್ ಕೇಕ್ ಎಂದು ಸೇವಿಸಿದ 14 ವರ್ಷದ ಬಾಲಕಿಯೊಬ್ಬಳು ಮೃತಪಟ್ಟ ಘಟನೆ ದಕ್ಷಿಣ ಪುದುಚೇರಿಯಲ್ಲಿ ನಡೆದಿದೆ.

ಬಾಲಕಿ ಆರ್. ಸಲೋತ್ ನಿತಿಕ್ಷಿಣ ಭಾನುವಾರ ವಾಂತಿ ಮಾಡುತ್ತಿದ್ದಳು. ಈ ವೇಳೆ ತಾಯಿ ಬಾಲಕಿಯನ್ನು ಪ್ರಶ್ನಿಸಿದಾಗ ಮನೆಯ ಕಿಟಕಿಯಲ್ಲಿದ್ದ ಚಾಕೋಲೇಟ್ ಕೇಕ್ ತಿಂದಿರುವುದಾಗಿ ಹೇಳಿಕೊಂಡಿದ್ದಾಳೆ. ಇಲಿಗೆ ಎಂದು ಇಟ್ಟಿದ್ದ ವಿಷವನ್ನು ಮಗಳು ಸೇವಿಸಿರುವುದು ತಕ್ಷಣ ತಾಯಿಯ ಅರಿವಿಗೆ ಬಂದಿದೆ. ಕೂಡಲೇ ಆಕೆಯನ್ನು ಕೊಟ್ಟುಚೇರಿಯ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಸರ್ಕಾರಿ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ನೀಡಿದ ಬಳಿಕೆ ಹೆಚ್ಚಿನ ಚಿಕಿತ್ಸೆಗಾಗಿ ಕಾರೈಕಲ್‌ನ ಆಸ್ಪತ್ರೆಯ ತೀವ್ರ ನಿಗಾ ಘಟಕಕ್ಕೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಬಾಲಕಿ ಮೃತಪಟ್ಟಿದ್ದಾಳೆ. ಈ ಬಗ್ಗೆ ಸೆಕ್ಷನ್ 174ರ ಅಡಿಯಲ್ಲಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/s-cyrus-mistry-death-mercedes-experts-from-hong-kong-reach-mumbai/

https://www.vijayavani.net/r-in-maharashtra-4-sadhus-assaulted-on-suspicion-of-being-child-lifters/

https://www.vijayavani.net/ncert-exam-belthangadi-taluk-b-s-deeksha-first-rank/