ರಾಜ್ಯದಲ್ಲಿ 24ಗಂಟೆಯಲ್ಲಿ 101 ಹೊಸ ಕೊವಿಡ್​-19 ಕೇಸ್​ಗಳು; ಯಾವ ಜಿಲ್ಲೆಗಳಲ್ಲಿ ಎಷ್ಟು?

ರಾಜ್ಯದಲ್ಲಿ ಇಂದು ಮಧ್ಯಾಹ್ನ 12ಗಂಟೆಯಿಂದ ಸಂಜೆ 5ಗಂಟೆವರೆಗೆ ಕೇವಲ ಒಂದು ಹೊಸ ಕೊವಿಡ್​-19 ಪ್ರಕರಣ ಪತ್ತೆಯಾಗಿದ್ದು, ಸ್ವಲ್ಪ ನಿರಾಳವೆನಿಸಿದೆ. ಸೋಂಕಿತರ ಸಂಖ್ಯೆ 2283ಕ್ಕೆ ಏರಿದೆ.

ಇದನ್ನೂ ಓದಿ: ಕರ್ನಾಟಕಕ್ಕೆ ಕೊವಿಡ್​-19 ಕಂಟಕ, ಸೋಂಕಿತರ ಸಂಖ್ಯೆ 2282ಕ್ಕೆ ಏರಿಕೆ; ಚಿತ್ರದುರ್ಗಕ್ಕೆ ಶಾಕ್​

ನಿನ್ನೆ ಸಂಜೆ 5ಗಂಟೆಯಿಂದ ಇಂದು ಮಧ್ಯಾಹ್ನ 12ಗಂಟೆಯವರೆಗೆ ಒಟ್ಟು 100 ಜನರಲ್ಲಿ ಕರೊನಾ ದೃಢಪಟ್ಟಿತ್ತು. ಇನ್ನು ಸಂಜೆಯಷ್ಟರಲ್ಲಿ ಮತ್ತಷ್ಟು ಹೆಚ್ಚಾಗಬಹುದು ಎಂಬ ಆತಂಕ ಸಹಜವಾಗಿ ಉಂಟಾಗಿತ್ತು. ಆದರೆ ಒಂದೇ ಪ್ರಕರಣ ಪತ್ತೆಯಾಗಿದೆ. ಕಳೆದ 24ಗಂಟೆಯಲ್ಲಿ ರಾಜ್ಯದಲ್ಲಿ ಒಟ್ಟು 101 ಜನರಲ್ಲಿ ಕೊವಿಡ್​-19 ಸೋಂಕು ಕಾಣಿಸಿಕೊಂಡಿದೆ.

ಇಂದು 43 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು ಒಟ್ಟು ಡಿಸ್​ಚಾರ್ಜ್ ಆದವರ ಸಂಖ್ಯೆ 748ಕ್ಕೆ ಏರಿದೆ. ಮರಣಹೊಂದಿದವರು 44 ಮಂದಿ. ಸಕ್ರಿಯ ಕರೊನಾ ಕೇಸ್​ಗಳು 1489. ಹಾಗೇ 18 ಮಂದಿಗೆ ಐಸಿಯುವಿನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಇದನ್ನೂ ಓದಿ: ‘ನಿರ್ಮಲಾ ಸೀತಾರಾಮನ್​ ಇಚ್ಛಿಸಿದರೆ ನಾನೂ ಸಿದ್ಧ…’: ರಾಹುಲ್​ ಗಾಂಧಿ ಸವಾಲ್​

ಬೆಂಗಳೂರು ನಗರ, ಮಂಡ್ಯ, ಕಲಬುರಗಿ, ಬೆಳಗಾವಿ, ಯಾದಗಿರಿ, ದಾವಣಗೆರೆ, ಚಿಕ್ಕಬಳ್ಳಾಪುರ, ಹಾಸನ, ಉಡುಪಿ, ಬೀದರ್​ ಜಿಲ್ಲೆಗಳು ಈಗಾಗಲೇ 100ರ ಗಡಿ ದಾಟಿ ಹೋಗಿವೆ. ಅದರಲ್ಲೂ ಬೆಂಗಳೂರು ನಗರ ಮತ್ತು ಮಂಡ್ಯದಲ್ಲಿ 250ಕ್ಕೂ ಹೆಚ್ಚು ಸೋಂಕಿತರು ಇದ್ದಾರೆ.

ಯಾವ ಜಿಲ್ಲೆಗಳಲ್ಲಿ ಎಷ್ಟು?

• ಕೋಲಾರ 2
• ಯಾದಗಿರಿ-14
• ಚಿತ್ರದುರ್ಗ-20
• ದಕ್ಷಿಣ ಕನ್ನಡ-3
• ಉಡುಪಿ-3
• ಬಾಗಲಕೋಟೆ-1
• ವಿಜಯಪುರ -6
• ಚಿಕ್ಕಬಳ್ಳಾಪುರ-1
• ಬೀದರ್​-10
• ದಾವಣಗೆರೆ-11
• ಹಾಸನ-13
• ಕೊಪ್ಪಳ-1
• ಬಳ್ಳಾರಿ-1
• ಬೆಂಗಳೂರು ನಗರ-2
• ಬೆಳಗಾವಿ-13