ಮಾಗಡಿ ರಸ್ತೆಯ ಜಿಟಿ ವರ್ಲ್ಡ್​ ಮಾಲ್​ 3ನೇ ಮಹಡಿಯಿಂದ ಬಿದ್ದು ಯುವಕ ದುರಂತ ಸಾವು! GT World Mall

ಬೆಂಗಳೂರು: ಯುವಕನೊಬ್ಬ ಮೂರನೇ ಮಹಡಿಯಿಂದ ಬಿದ್ದು ದುರಂತ ಸಾವಿಗೀಡಾಗಿರುವ ಘಟನೆ ಮಾಗಡಿ ರಸ್ತೆಯಲ್ಲಿರುವ ಜಿಟಿ ವರ್ಲ್ಡ್​ ಮಾಲ್ ( GT World Mall ) ​ನಲ್ಲಿ ಇಂದು (ಅ.20) ಬೆಳಗ್ಗೆ ಸಂಭವಿಸಿದೆ.

ಬೆಳಗ್ಗೆ ಮಾಲ್​ ತೆರೆಯುತ್ತಿದ್ದಂತೆ ಮೂರನೇ ಮಹಡಿಯಿಂದ ಕೆಳಗೆ ಬಿದ್ದು ಸಾವಿಗೀಡಾಗಿದ್ದಾನೆ. ಮೃತ ಯುವಕನ ಗುರುತು ಇನ್ನೂ ಪತ್ತೆಯಾಗಿಲ್ಲ. ಸದ್ಯಕ್ಕೆ ಸ್ಥಳಕ್ಕೆ ಕೆಪಿ ಅಗ್ರಹಾರ ಠಾಣಾ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದು, ಮಾಹಿತಿ ಕಲೆ ಹಾಕುತ್ತಿದ್ದಾರೆ.

ಸದ್ಯ ಮಾಲ್​ನ ಪ್ರವೇಶವನ್ನು ನಿರ್ಬಂಧಿಸಲಾಗಿದೆ. ಸಾರ್ವಜನಿಕರು ಒಳಗೆ ಬಾರದಂತೆ ಮಾಲ್​ ಅನ್ನು ಮುಚ್ಚಲಾಗಿದೆ. ಮೃತಪಟ್ಟ ಯುವಕ ಆಯತಪ್ಪಿ ಕೆಳಗೆ ಬಿದ್ದನಾ? ಬೇಕು ಅಂತಾನೇ ಕೆಳಗೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡನಾ? ಅಥವಾ ಯಾರಾದರೂ ಕೆಳಗಡೆ ನೂಕಿದರಾ? ಎಂಬುದನ್ನು ತಿಳಿಯಲು ಪೊಲೀಸರು ಮಾಲ್​ ಒಳಗಡೆ ಇರುವ ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲಿಸುತ್ತಿದ್ದಾರೆ.

ಇದನ್ನೂ ಓದಿ: ರನ್ ಗಳಿಸುವುದು ಬ್ಯಾಟ್ಸ್​ಮನ್​ಗಳ ಕೆಲಸ… ಟೀಮ್​ ಇಂಡಿಯಾ ವಿರುದ್ಧ ಆಕ್ರೋಶ ಹೊರಹಾಕಿದ ಅಶ್ವಿನ್​! Ravichandran Ashwin

ಸದ್ಯ ತನಿಖೆ ನಡೆಯುತ್ತಿದ್ದು ಹೆಚ್ಚಿನ ಮಾಹಿತಿ ಬರಬೇಕಿದೆ. ಈ ಹಿಂದೆಯೂ ಜಿಟಿ ಮಾಲ್​ ವಿವಾದವೊಂದಕ್ಕೆ ಗುರಿಯಾಗಿತ್ತು. ಅದೇನೆಂದರೆ, ಪಂಚೆ ಧರಿಸಿ ಬಂದಿದ್ದ ರೈತನೊಬ್ಬನನ್ನು ಒಳಗಡೆ ಬಿಡದಿದ್ದಕ್ಕೆ ಮಾಲ್​ ವಿರುದ್ಧ ಜನಾಕ್ರೋಶ ವ್ಯಕ್ತವಾಗಿತ್ತು. ಬಳಿಕ ಮಾಲ್​ಗೆ ಒಂದು ವಾರಗಳ ಕಾಲ ಬೀಗ ಕೂಡ ಜಡಿಯಲಾಗಿತ್ತು. ಇದೀಗ ಯುವಕನ ಸಾವಿನಿಂದಾಗ ಜಿಟಿ ಮಾಲ್​ ಮತ್ತೆ ಸುದ್ದಿಯಾಗಿದೆ.

https://www.vijayavani.net/how-high-can-mosquitoes-fly-which-floor-is-free-from-mosquitoes

https://www.vijayavani.net/ind-vs-aus-brother-dont-give-popcorn-to-rohit-sharma-abhishek-nair