ವೇಗಿ ಅರ್ಷದೀಪ್ ಸಿಂಗ್, ಸ್ಪಿನ್ನರ್ಗಳಾದ ಅಕ್ಷರ್ ಪಟೇಲ್ ಮತ್ತು ವಾಷಿಂಗ್ಟನ್ ಸುಂದರ್ ತಲಾ ಒಂದು ವಿಕೆಟ್ ಪಡೆದರು. ಈ ಹಿನ್ನೆಲೆಯಲ್ಲಿ ಅಶ್ವಿನ್ ಅವರು ಟೀಮ್ ಇಂಡಿಯಾದ ಬ್ಯಾಟಿಂಗ್ ಮತ್ತು ಬೌಲಿಂಗ್ ವೈಫಲ್ಯದ ಬಗ್ಗೆ ಮಾತನಾಡಿದ್ದಾರೆ. ಸ್ಪಿನ್ನರ್ ಕುಲದೀಪ್ ಯಾದವ್ ಅವರನ್ನು ಹನ್ನೊಂದರ ಬಳಗದಲ್ಲಿ ಸೇರಿಸದಿದ್ದಕ್ಕೆ ತಂಡದ ಮ್ಯಾನೇಜ್ಮೆಂಟ್ ಅನ್ನು ದೂಷಿಸಿದ್ದಾರೆ. ಕೇವಲ ಇಬ್ಬರು ಸ್ಪಿನ್ನರ್ಗಳೊಂದಿಗೆ ಏಕೆ ಆಡಿದರೆಂಬುದು ನನಗೆ ಅರ್ಥವಾಗುತ್ತಿದೆ. ಬ್ಯಾಟಿಂಗ್ ವಿಭಾಗವನ್ನು ಬಲಿಷ್ಠ ಮಾಡಲು ವೇಗಿ ಆಲ್ರೌಂಡರ್ ನಿತೀಶ್ ರೆಡ್ಡಿಯನ್ನು ಆಯ್ಕೆ ಮಾಡಲಾಯಿತು. ಸ್ಪಿನ್ ಆಲ್ರೌಂಡರ್ಗಳಾದ ವಾಷಿಂಗ್ಟನ್ ಸುಂದರ್ ಮತ್ತು ಅಕ್ಷರ್ ಪಟೇಲ್ ಕೂಡ ಬ್ಯಾಟಿಂಗ್ ಮಾಡಬಹುದು, ಆದ್ದರಿಂದ ಅವರು ನಿತೀಶ್ ರೆಡ್ಡಿಯವರನ್ನು ತಮ್ಮ ತಂಡಕ್ಕೆ ಸೇರಿಸಿಕೊಂಡರು. ಬಾಸ್, ನೀವು ಬೌಲಿಂಗ್ ಮೇಲೆ ಏಕೆ ಗಮನ ಹರಿಸುತ್ತಿಲ್ಲ? ಅಷ್ಟು ದೊಡ್ಡ ಮೈದಾನಗಳಲ್ಲಿ ಸಾಧ್ಯವಾಗದಿದ್ದರೆ ಕುಲದೀಪ್ ಯಾದವ್ ಅವರು ಬೇರೆಲ್ಲಿ ಮುಕ್ತವಾಗಿ ಬೌಲಿಂಗ್ ಮಾಡಬಹುದು? ಅವರು ಈ ಪಿಚ್ನಲ್ಲಿ ಚೆಂಡನ್ನು ತಿರುಗಿಸಬಹುದು ಮತ್ತು ಬೌನ್ಸ್ ಕೂಡ ಮಾಡಬಹುದು ಎಂದು ಅಶ್ವಿನ್ ಕಿಡಿಕಾಡಿದ್ದಾರೆ.
