ಬೆಂಗಳೂರು: ನೋಡಲು ತೆಳ್ಳಗೆ, ಬೆಳ್ಳಗೆ, ಚೆನ್ನಾಗಿರಬೇಕು ಎಂದು ಕೆಲವೊಂದು ಉದ್ಯೋಗ ನೀಡುವಾಗ ಪರಿಗಣಿಸುವುದು ಸಾಮಾನ್ಯ. ಆದರೆ ಇಲ್ಲೊಬ್ಬಳು ಯುವತಿಯನ್ನು ಎಲ್ಲರಿಗಿಂತ ಬೆಳ್ಳಗಿದ್ದಾಳೆ ಎಂಬ ಕಾರಣಕ್ಕೆ ಉದ್ಯೋಗಕ್ಕೆ ತೆಗೆದುಕೊಳ್ಳಲು ಕಂಪನಿಯೊಂದು ನಿರಾಕರಿಸಿದೆ.
ಈ ಕುರಿತು ಆ ಯುವತಿಯೇ ಲಿಂಕ್ಡ್ಇನ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾಳೆ. ಪ್ರತೀಕ್ಷಾ ಜಿಚ್ಕರ್ ಎಂಬ ಈಕೆ ನಾನು ಸಂದರ್ಶನದ ಅಂತಿಮ ಸುತ್ತಿಗೆ ಬಂದಿದ್ದು, ಅವರ ಟೀಮ್ನಲ್ಲಿನ ಎಲ್ಲರಿಗಿಂತ ಬೆಳ್ಳಗಿದ್ದೇನೆ ಎಂಬ ಕಾರಣಕ್ಕೆ ನನಗೆ ಉದ್ಯೋಗ ನಿರಾಕರಿಸಲಾಗಿದೆ ಎಂದು ಹೇಳಿಕೊಂಡಿದ್ದಾಳೆ.
ಮೂರು ಸುತ್ತಿನ ಸಂದರ್ಶನ ನಡೆದು, ಒಂದು ಸುತ್ತಿನ ಅಸೈನ್ಮೆಂಟ್ ಕೂಡ ಆಗಿ, ಎಲ್ಲ ಅಗತ್ಯ ಕೌಶಲ, ಅರ್ಹತೆ ಹಾಗೂ ಅನುಭವ ಇದ್ದರೂ ನಾನು ಅಲ್ಲಿನ ಕೆಲಸಕ್ಕೆ ಯೋಗ್ಯಳಾಗಿಲ್ಲವಂತೆ. ಈಗ ಅಲ್ಲಿ ಕೆಲಸದಲ್ಲಿರುವ ಟೀಮ್ನಲ್ಲಿನ ಎಲ್ಲರಿಗಿಂತ ನಾನು ಬೆಳ್ಳಗಿದ್ದೇನೆ ಎಂಬುದೇ ಅದಕ್ಕೆ ಕಾರಣವಂತೆ ಎಂಬುದಾಗಿ ಈಕೆ ಹೇಳಿಕೊಂಡಿದ್ದಾಳೆ.
ನಾವು ಎಂಥ ಜಗತ್ತಿನಲ್ಲಿದ್ದೇವೆ ಎಂದು ನಾನು ಆಘಾತಕ್ಕೆ ಒಳಗಾಗಿದ್ದೇನೆ. ಬಣ್ಣ, ಜಾತಿ, ಧರ್ಮ ಇತ್ಯಾದಿಗಳಿಂದ ಮನುಷ್ಯರನ್ನು ನಿರ್ಧರಿಸುವ ಪರಿಸ್ಥಿತಿ ಬಗ್ಗೆ ಈಕೆ ಬೇಸರ ವ್ಯಕ್ತಪಡಿಸಿರುವ ಈಕೆ, ಆ ಕಂಪನಿಯಿಂದ ಬಂದಿರುವ ಮೇಲ್ನ ಸ್ಕ್ರೀನ್ಶಾಟ್ ಕೂಡ ಹಂಚಿಕೊಂಡಿದ್ದಾಳೆ.
ಪಾಕ್ಗೆ ತೆರಳಿದ ಭಾರತದ ಅಂಜು ಇನ್ಮುಂದೆ ಫಾತಿಮಾ: ಮತಾಂತರಗೊಂಡು ನಸ್ರುಲ್ಲಾನನ್ನು ಮದ್ವೆಯಾದ ವಿವಾಹಿತೆ!