ಈ ಚಿನ್ನ ಹಾಗೇ ಕೊಟ್ಟು ಎಲ್ಲಿತ್ತು ಅಂತ ಹೇಳಿದ್ರೆ ಮುಟ್ಟೋಕೂ ಅಸಹ್ಯ ಅನಿಸಬಹುದು!

ತಮಿಳುನಾಡು: ಬೆಲೆಬಾಳುವ ಬಂಗಾರವನ್ನು ಆಭರಣವಾಗಿ ಬಳಸುತ್ತಾರೆ, ಅಗತ್ಯಕ್ಕಿಂತ ಹೆಚ್ಚು ತೊಟ್ಟವರು ನಾಲ್ಕು ಜನ ನೋಡಲಿ ಎಂದು ಶೋಕಿಗಾಗಿಯೂ ಧರಿಸಿರಬಹುದು. ಆದರೆ ಇವರು ಕೆ.ಜಿ.ಗಟ್ಟಲೆ ಚಿನ್ನವನ್ನು ಯಾರೂ ನೋಡದ ಜಾಗದಲ್ಲಿ ಇರಿಸಿಕೊಂಡಿದ್ದರು. ಒಂದು ವೇಳೆ ಈ ಚಿನ್ನವನ್ನು ಹಾಗೇ ಯಾರದ್ದಾದರೂ ಕೈಗಿಟ್ಟು ಎಲ್ಲಿಂದ ಸಿಕ್ಕಿತು ಎಂದರೆ ಮುಟ್ಟಲಿಕ್ಕೂ ಅಸಹ್ಯ ಅನಿಸಬಹುದು!

ಹೌದು.. ಇದು ಚಿನ್ನ ಕಳ್ಳಸಾಗಣೆಯ ವಿಷಯ. ಇದರಲ್ಲಿ ಇಬ್ಬರು ಪ್ರತ್ಯೇಕವಾಗಿ ತೊಡಗಿಸಿಕೊಂಡಿದ್ದು, ಇಬ್ಬರೂ ಕೊನೆಗೂ ಸಿಕ್ಕಿಬಿದ್ದಿದ್ದಾರೆ. ಚೆನ್ನೈನ ಕಸ್ಟಮ್ಸ್​ ಅಧಿಕಾರಿಗಳು ನಡೆಸಿದ ಕಾರ್ಯಾಚರಣೆಯಲ್ಲಿ ಒಟ್ಟು 1.97 ಕೋಟಿ ರೂಪಾಯಿ ಮೌಲ್ಯದ ಚಿನ್ನ ವಶಪಡಿಸಿಕೊಳ್ಳಲಾಗಿದೆ. ದುಬೈ/ಶಾರ್ಜಾ ವಿಮಾನದಿಂದ ಬಂದಿದ್ದ ಇವರು ಕಸ್ಟಮ್ಸ್ ಅಧಿಕಾರಿಗಳು ತಪಾಸಣೆಗೆ ಒಳಪಡಿಸಿದ್ದರು. ಆ ಪೈಕಿ ಒಬ್ಬಳು ಮಹಿಳೆ 600 ಗ್ರಾಮ್​ ಚಿನ್ನವನ್ನು ಚಾಕಲೇಟ್​ ಪ್ಯಾಕೆಟ್ ಒಳಗಿರಿಸಿ ಕಳ್ಳಸಾಗಣೆ ಮಾಡುತ್ತಿದ್ದಳು. ಮತ್ತೊಬ್ಬ ಪ್ರಯಾಣಿಕ 3.18 ಕೆ.ಜಿ. ತೂಕದ ಚಿನ್ನವನ್ನು ಗುದದ್ವಾರದಲ್ಲಿ ಇಟ್ಟುಕೊಂಡು ಕಳ್ಳಸಾಗಣೆ ಮಾಡುತ್ತಿದ್ದ. ಇಬ್ಬರ ವಿರುದ್ಧವೂ ಪ್ರಕರಣ ದಾಖಲಿಸಿಕೊಂಡಿರುವ ಕಸ್ಟಮ್ಸ್ ಅಧಿಕಾರಿಗಳು ಆ ಚಿನ್ನವನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/shocking-incident-has-come-to-light-with-a-tenth-student-going-to-coaching/

https://www.vijayavani.net/stepmother-father-daughter-son-2nd-marriage/

https://www.vijayavani.net/transfer-of-money-from-yuvraj-to-radhika-kumaraswamy-and-actresses/