ಬೆನ್ನಿನ ಸಾಮರ್ಥ್ಯ ಬಲಪಡಿಸುವ ಯೋಗಾಭ್ಯಾಸ

ಕಚೇರಿಯಲ್ಲಿ ಕೆಲಸ ನಿರ್ವಹಿಸುವವರು ತಮ್ಮ ದಿನಗಳನ್ನು ಮೇಜಿನ ಬಳಿ ಆರರಿಂದ ಎಂಟು ಗಂಟೆಗಳಿಗಿಂತ ಹೆಚ್ಚು ಕಾಲ ಕಳೆಯುತ್ತಾರೆ. ಡೆಸ್ಕ್ ಕೆಲಸ ಮಾಡುತ್ತಿರುವುದರಿಂದ ಇಡೀ ದಿನ ಕಂಪ್ಯೂಟರ್​ನ ಮುಂದೆ ಕುಳಿತಿರುವುದರಿಂದ ಕುತ್ತಿಗೆ, ಭುಜಗಳು, ಬೆನ್ನುನೋವು ಸಹಜವಾಗಿ ಕಾಡುವುದು ಅಥವಾ ನೋವನ್ನು ಉಂಟುಮಾಡುತ್ತದೆ. ನೀವು ಮುಂಜಾನೆ ನಲವತೆôದು ನಿಮಿಷ ನಿಯಮಿತವಾಗಿ ವ್ಯಾಯಾಮ, ಯೋಗ, ಧ್ಯಾನ, ಪ್ರಾಣಾಯಾಮ ಮಾಡಿ. ಇದರ ಹೊರತಾಗಿ ನಿಮ್ಮ ದೇಹವನ್ನು ಚೈತನ್ಯಗೊಳಿಸಲು, ಒತ್ತಡವನ್ನು ನಿವಾರಿಸಲು, ದೇಹದ ನೋವುಗಳನ್ನು ಕಡಿಮೆ ಮಾಡಲು ಮತ್ತು ನಿಮ್ಮ ಮನಸ್ಸನ್ನು ಶಾಂತಗೊಳಿಸಲು ಮೇಜಿನ ಬಳಿ ಕೆಲಸದ ಮಧ್ಯೆ ಬಿಡುವಿನ ವೇಳೆಯಲ್ಲಿ ನೆಕ್ ರೊಟೇಶನ್, ಭುಜಗಳ ವ್ಯಾಯಾಮ, ಕೈಗಳನ್ನು ಪರಸ್ಪರ ಹೆಣೆದು ಶಿರಸ್ಸಿನ ಮೇಲಕ್ಕೂ ಕೆಳಕ್ಕೆ ತರುವುದು, ರಿಸ್ಟ್ ರೊಟೇಶನ್, ಹಾಗೂ ಬೆನ್ನು, ಕುತ್ತಿಗೆ, ಶಿರಸ್ಸು ನೇರ ಮಾಡಿ ಉಸಿರನ್ನು ಗಮನಿಸುವ ಚಿಕ್ಕ ಧ್ಯಾನ ದಿನಕ್ಕೆ 2-3 ಬಾರಿ ಮಾಡಿ. ಇದರಿಂದ ರಕ್ತ ಪರಿಚಲನೆ ಜರುಗುತ್ತದೆ. ನಮ್ಯತೆಯನ್ನು ಸುಧಾರಿಸುತ್ತದೆ. ಕಚೇರಿಯಲ್ಲಿ ವಿರಾಮಗಳನ್ನು ತೆಗೆದುಕೊಳ್ಳುವುದು ಆತಂಕವನ್ನು ಕಡಿಮೆ ಮಾಡುವ ಅತ್ಯಂತ ಪರಿಣಾಮ ಮಾರ್ಗಗಳಲ್ಲಿ ಒಂದಾಗಿದೆ. ಉದ್ಯೋಗಿಗಳಿಗೆ ಸ್ಟ್ರೆಚ್ ಹಾಗೂ ಬ್ರೇಕ್​ಗಳು ಬಹಳ ಮುಖ್ಯವಾಗಿವೆ.