ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, 'ಬಾಲಿವುಡ್ ಬಗ್ಗೆ ಎಲ್ಲರೂ ಕೆಟ್ಟದಾಗಿ ಮಾತನಾಡುತ್ತಿರುವುದನ್ನು ಕೇಳಿದ್ದೇನೆ. ಇಲ್ಲಿ ಯಾವುದೇ ಚಿತ್ರರಂಗ ಮೇಲಲ್ಲ, ಯಾವುದೂ ಕೀಳಲ್ಲ. ಇವತ್ತು ಬಾಲಿವುಡ್ನಲ್ಲಿ ಹೆಚ್ಚು ಚಿತ್ರಗಳು ಗೆಲ್ಲುತ್ತಿಲ್ಲ ಎಂಬ ಕಾರಣಕ್ಕೆ ಅದನ್ನು ಕಡೆಗಣಿಸುವುದು ತಪ್ಪು. ಯಾವುದೇ ಚಿತ್ರರಂಗವನ್ನು ಕೀಳಾಗಿ ನೋಡಬಾರದು. ಹಿಂದೊಮ್ಮೆ ನಾವೇ ಈ ಸಮಸ್ಯೆಯನ್ನು ಎದುರಿಸಿದ್ದೇವೆ. ಪುನಃ ಅಂಥದ್ದೊಂದು ಗೌರವವನ್ನು ಮರಳಿ ಪಡೆಯುವುದಕ್ಕೆ ಸಾಕಷ್ಟು ಕಷ್ಟ ಪಟ್ಟಿದ್ದೇವೆ. ಹೀಗಿರುವಾಗ, ನಾವು ಇನ್ನೊಬ್ಬರನ್ನು ಅಗೌರದಿಂದ ನೋಡಬಾರದು. ನಾವು ಬಾಲಿವುಡ್ ಸೇರಿದಂತೆ ಎಲ್ಲ ಚಿತ್ರರಂಗಗಳನ್ನೂ ಗೌರವಿಸಬೇಕು. ಈ ಉತ್ತರ, ದಕ್ಷಿಣೆ ಎಂಬ ವಿಭಜನೆಯನ್ನು ಬಿಟ್ಟುಬಿಡಬೇಕು' ಎಂದು ಹೇಳಿದ್ದಾರೆ.
