ಕೋಟಿ ಕೋಟಿ ದುಡ್ಡು ಕೊಡುತ್ತೇನೆಂದರೂ ಕಂಗನಾ ನಿರಾಕರಿಸಿದ್ದೇಕೆ?

ಮುಂಬೈ: ಬಾಲಿವುಡ್​ನ ನಟ-ನಟಿಯರು ಯಾರದ್ದೋ ಮದುವೆಗಳಲ್ಲಿ ಡ್ಯಾನ್ಸ್​ ಮಾಡುವುದು ಹೊಸ ವಿಷಯವಲ್ಲ. ಹಾಗೆ ಡ್ಯಾನ್ಸ್​ ಮಾಡಿ ಸಾಕಷ್ಟು ಹಣ ಸಂಪಾದಿಸಿದ ಹಲವರಿದ್ದಾರೆ. ಆದರೆ, ತನಗೆ ಅಂತಹ ಅವಕಾಶಗಳಿದ್ದರೂ ತಾನು ಯಾರದ್ದೇ ಮದುವೆಯಲ್ಲೂ ನೃತ್ಯ ಮಾಡಲಿಲ್ಲ, ಒಂದು ಪಕ್ಷ ಮಾಡಿದ್ದರೆ ಕೋಟಿ ಕೋಟಿ ಸಂಪಾದಿಸುತ್ತಿದ್ದೆ ಎಂದು ಬಾಲಿವುಡ್​ ನಟಿ ಕಂಗನಾ ರಣಾವತ್​ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ನನ್ನ ಗುರಿ ಏನಿದ್ರು ರೆಸ್ಟ್ ಆಫ್ ದಿ ವರ್ಲ್ಡ್ ಎಂದು ಗುಡುಗಿದ ರಾಕಿ ಭಾಯ್​: ಜಗತ್ತು ಗೆಲ್ಲಲು ಹೊರಟ ಯಶ್​

ಕಂಗನಾ ಹಾಗೆ ಹೇಳುವುದಕ್ಕೂ ಕಾರಣವಿದೆ. ಬಾಲಿವುಡ್​ನ ಖ್ಯಾತ ಗಾಯಕಿ ಆಶಾ ಭೋಂಸ್ಲೆ ಒಂದು ವೀಡಿಯೋ ಹಂಚಿಕೊಂಡಿದ್ದರು. ಅದರಲ್ಲಿ ಅವರು ತಮ್ಮ ಹಿರಿಯ ಸಹೋದರಿ ದಿವಂಗತ ಲತಾ ಮಂಗೇಶ್ಕರ್​ ಕುರಿತು ಮಾತನಾಡಿದ್ದರು. ಲತಾ ಮಂಗೇಶ್ಕರ್​ ಅವರಿಗೆ ಒಂದು ಮದುವೆಯಲ್ಲಿ ಹಾಡುವುದಕ್ಕೆ ಒಂದು ಮಿಲಿಯನ್​ ಡಾಲರ್​ ಸಂಭಾವನೆ ಕೊಡುವುದಕ್ಕೆ ಆಯೋಜಕರು ಒಪ್ಪಿಕೊಂಡಿದ್ದರೂ, ಲತಾ ಅವರು ಅದನ್ನು ನಿರಾಕರಿಸಿದ್ದರಂತೆ.

ಇದನ್ನೂ ಓದಿ: ತೆಲುಗು ಚಿತ್ರರಂಗದ ದಿಗ್ಗಜ ಕೈಕಲ ಸತ್ಯನಾರಾಯಣ ಇನ್ನಿಲ್ಲ

ಈ ವೀಡಿಯೋ ಶೇರ್​ ಮಾಡಿಕೊಂಡಿರುವ ಕಂಗನಾ, 'ನಾನು ಸಹ ಯಾವುದೇ ಖಾಸಗೀ ಪಾರ್ಟಿಗಳಲ್ಲಿ ಅಥವಾ ಮದುವೆಗಳಲ್ಲಿ ಡ್ಯಾನ್ಸ್​ ಮಾಡುವುದಕ್ಕೆ ಹೋಗಿಲ್ಲ. ಹಾಗೆ ನೋಡಿದರೆ, ನಾನು ಹಲವು ಜನಪ್ರಿಯ ಹಾಡುಗಳಲ್ಲಿ ಕಾಣಿಸಿಕೊಂಡಿದ್ದೇನೆ. ಆ ಹಾಡುಗಳಿಗೆ ಡ್ಯಾನ್ಸ್​ ಮಾಡಿ ಎಂದು ಹಲವರು ಕೇಳಿಕೊಂಡಿದ್ದಾರೆ. ದೊಡ್ಡ ರೊಕ್ಕ ಕೊಡುವುದಕ್ಕೆ ಬಂದಿದ್ದಾರೆ. ಆದರೆ, ನಾನು ಅವೆಲ್ಲವನ್ನೂ ನಿರಾಕರಿಸಿದ್ದೇನೆ' ಎಂದು ಹೇಳಿಕೊಂಡಿದ್ದಾರೆ.

https://www.vijayavani.net/hombale-films-to-invest-3000-crores-for-next-5-yrs/