ಬೆಂಗಳೂರು: ಕನ್ನಡದ ಬಹುನಿರೀಕ್ಷಿತ ಸಿನಿಮಾ ಕೆಜಿಎಫ್ ಚಾಪ್ಟರ್ 2 ಕಳೆದ ವಾರವಷ್ಟೇ ಶೂಟಿಂಗ್ ಮುಗಿಸಿಕೊಂಡು ಕುಂಬಳಕಾಯಿ ಒಡೆದಿದೆ. ಇತ್ತ ಪ್ರಶಾಂತ್ ನೀಲ್ ಸಲಾರ್ ಸಿನಿಮಾಕ್ಕೆ ತಯಾರಿ ನಡೆಸುತ್ತಿದ್ದರೆ, ಹೊಂಬಾಳೆ ನಿರ್ಮಾಣ ಸಂಸ್ಥೆ ಆ ಚಿತ್ರದ ಬಗ್ಗೆ ಒಂದಷ್ಟು ರೂಪುರೇಷೆಗಳನ್ನು ಸಿದ್ಧಪಡಿಸುತ್ತಿದೆ. ಹಾಗಾದರೆ, ಯಶ್ ಏನು ಮಾಡುತ್ತಿದ್ದಾರೆ? ಸದ್ಯಕ್ಕೆ ಅವರಿನ್ನು ಮನೆ ಸೇರಿಲ್ಲ!
ಇದನ್ನೂ ಓದಿ: ಹೊಸ ಚಿತ್ರದ ಸಿದ್ಧತೆಯಲ್ಲಿ ಕೆ. ಮಂಜು ಮಗ ಶ್ರೇಯಸ್
ಹೌದು, ಕೆಜಿಎಫ್ ಚಾಪ್ಟರ್ 2 ಚಿತ್ರದ ಶೂಟಿಂಗ್ ಮುಗಿದು ವಾರ ಕಳೆದರೂ, ಯಶ್ ಈ ವರೆಗೂ ಮನೆಯತ್ತ ಮುಖ ಮಾಡಿಲ್ಲ. ಮುದ್ದು ಮಕ್ಕಳ ಮುಖವನ್ನು ನೋಡಿಲ್ಲ. ಅಪ್ಪಿ ಮುದ್ದಾಡಿಲ್ಲ. ಬದಲಿಗೆ ನಗರದ ಪ್ರತಿಷ್ಟಿತ ಐಷಾರಾಮಿ ಹೋಟೆಲ್ವೊಂದರಲ್ಲಿ ಕಾಲ ಕಳೆಯುತ್ತಿದ್ದಾರೆ. ಅರೇ, ಮನೆಗೆ ತೆರಳುವುದು ಬಿಟ್ಟು ಅಲ್ಲೇನು ಮಾಡುತ್ತಿದ್ದಾರೆ ಎಂಬ ಗುಮಾನಿ ನಿಮ್ಮನ್ನ ಕಾಡಬಹುದು. ಅದಕ್ಕೆ ಅಷ್ಟೇ ಬಲವಾದ ಕಾರಣವೂ ಇದೆ.
ಇದನ್ನೂ ಓದಿ: ಬಾಲಿವುಡ್ನಲ್ಲಿ ಶುರುವಾಯ್ತು ‘ದಿಯಾ’ ರಿಮೇಕ್ ಕೆಲಸ; ಜನವರಿಯಿಂದ ಶೂಟಿಂಗ್ ಶುರು
ಕಳೆದ ಹಲವು ದಿನ ಹೈದರಾಬಾದ್ನಲ್ಲಿ ಶೂಟಿಂಗ್ನಲ್ಲಿಯೇ ಕಾಲ ಕಳೆದಿದ್ದ ಯಶ್, ಚಿತ್ರೀಕರಣ ಕೆಲಸ ಮುಗಿಸಿಕೊಂಡು ಹೋಟೆಲ್ನಲ್ಲಿಯೇ ಠಿಕಾಣಿ ಹೂಡಿದ್ದಾರೆ. ಕರೊನಾ ಹಾವಳಿ ಹಿನ್ನೆಲೆಯಲ್ಲಿ ಮನೆಗೆ ತೆರಳುವ ಬದಲು ಹೋಟೆಲ್ನಲ್ಲಿಯೇ ಕ್ವಾರಂಟೈನ್ ಆಗಿದ್ದಾರೆ. ಮನೆಯಲ್ಲಿ ಪುಟಾಣಿ ಮಕ್ಕಳಿರುವ ಹಿನ್ನೆಲೆಯಲ್ಲಿ ತಮ್ಮಿಂದ ಇತರರಿಗೂ ಸಮಸ್ಯೆ ಆಗಬಾರದೆಂಬ ಕಾರಣಕ್ಕೆ ಯಶ್ ಈ ನಿರ್ಧಾರಕ್ಕೆ ಬಂದಿದ್ದಾರೆ. ಈಗ ಒಂದು ವಾರದ ಐಸೋಲೇಷನ್ ಮುಗಿದಿದ್ದು, ಇನ್ನೊಂದು ವಾರ ಮುಗಿಸಿ ಮನೆಗೆ ತೆರಳಲಿದ್ದಾರೆ.
VIDEO| ಅಜ್ಜಿ ಮನೆಯಲ್ಲಿ ರಾಬರ್ಟ್ ಬೆಡಗಿಯ ಅಡಿಕೆ ಸುಲಿಯುವಿಕೆ ಹೇಗಿದೆ ನೋಡಿ…