ಗದ್ದುಗೆ ಒಳಗೆ ಮಗು ಅಳುವ ಶಬ್ದ ಕೇಳಿಸುತ್ತಿತ್ತು... ಕುತೂಹಲದಿಂದ ಹೋದವರಿಗೆ ಶಾಕ್​ ಕಾದಿತ್ತು!

ಯಾದಗಿರಿ: ಅಬ್ಬೆತುಮಕೂರ ಗ್ರಾಮದ ವಿಶ್ವರಾಧ್ಯ ಆಂಗ್ಲಾ ಶಾಲಾ ಮುಂಭಾಗದ ವಿಶ್ವಾರಾಧ್ಯರ ಗದ್ದುಗೆ ಬಳಿ ಮಗು ಅಳುತ್ತಿದ್ದ ಶಬ್ದ ಕೇಳಿಸುತಿತ್ತು. ಕುತೂಹಲದಿಂದ ಸ್ಥಳಕ್ಕೆ ಹೋದ ಸ್ಥಳೀಯರು ಅಲ್ಲಿದ್ದ ಮಗು ಕಂಡು ಅರೆಕ್ಷಣ ಶಾಕ್​ ಆದರು!

ಹೌದು, ತಾಲೂಕಿನ ಮುಂಡರಗಿ ಸಮೀಪದ ಮಳ್ಳುಕಂಟಿಯಲ್ಲಿ ಇತ್ತೀಚಿಗೆ ನವಜಾತ ಶಿಶು ಪತ್ತೆಯಾದ ಬೆನ್ನಲ್ಲೇ ಮತ್ತೊಂದು ಅನಾಥ ನವಜಾತ ಗಂಡುಶಿಶು ಅಬ್ಬೆತುಮಕೂರ ಗ್ರಾಮದಲ್ಲಿ ಸಿಕ್ಕಿದೆ. ಯಾರೋ ಕಿಡಿಗೇಡಿಗಳು ನವಜಾತ ಶಿಶುವನ್ನು ಬಟ್ಟೆಯಲ್ಲಿ ಸುತ್ತಿ ಗದ್ದುಗೆಯೊಳಗೆ ಇಟ್ಟು ಹೋಗಿರುವ ಘಟನೆ ಸೋಮವಾರ ಬೆಳಗ್ಗೆ 9.30ರ ಸುಮಾರಿನಲ್ಲಿ ನಡೆದಿದೆ.

ಸದ್ಯ ಜಿಲ್ಲಾಸ್ಪತ್ರೆಯ ಐಸಿಯುನಲ್ಲಿ ಇಡಲಾಗಿದೆ. ವಿಶ್ವಾರಾಧ್ಯ ಗದ್ದುಗೆ ಬಳಿ ಸಿಸಿ ಕ್ಯಾಮರಾ ಇದೆ. ಇಲ್ಲಿಗೆ ಮಗು ತಂದಿಟ್ಟವರು ಯಾರು ಎಂದು ಪರಿಶೀಲಿಸುವುದಾಗಿ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪನಿರ್ದೇಶಕ ಪ್ರಭಾಕರ ಕವಿತಾಳ ತಿಳಿಸಿದ್ದಾರೆ.

https://www.vijayavani.net/b-sriramulu-bsy-dk-shivakumar/

https://www.vijayavani.net/cm-bsy-sriramulu-private-car/