ಮಗುವಿಗೆ ಹಾಲು ಖರೀದಿಸಲು ಕೆಳಗಿಳಿದಾಗ ಹೊರಟ Train; ಮುಂದೆ ನಡೆದಿದ್ದು ಮಾತ್ರ ನಿಮ್ಮ ಮನಮುಟ್ಟುವುದು ಗ್ಯಾರಂಟಿ

ನವದೆಹಲಿ: ನಾವು ನೋಡಿರುವಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಆಗಿಂದಾಗೆ ಮನಕಲುಕುವ ವಿಡಿಯೋಗಳು ಆಗಿಂದಾಗೆ ವೈರಲ್​ ಆಗುತ್ತಿರುತ್ತವೆ. ಇದೀಗ ಅದೇ ರೀತಿಯ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ನೆಟ್ಟಿಗರು ಮಹಿಳೆ ಹಾಗೂ ರೈಲ್ವೆ (Train) ಸಿಬ್ಬಂದಿಯ ನಡೆಯನ್ನು ಮೆಚ್ಚಿ ಟ್ವೀಟ್​ ಮಾಡುತ್ತಿದ್ದಾರೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ತನ್ನ ಮಗು ಹೊಟ್ಟೆ ಹಸಿವಿನಿಂದ ಅಳುತ್ತಿರುವುದನ್ನು ನೋಡಿದ ತಾಯಿಯೊಬ್ಬರು ರೈಲು (Train) ಸ್ಟೇಷನ್​ ತಲುಪಿದಾಗ ಇಳಿದು ಪ್ಲಾಟ್​ಫಾರ್ಮ್​ನಲ್ಲಿ ಹಾಲು ಖರೀದಿಸಲು ಮುಂದಾಗಿದ್ದಾರೆ. ಈ ವೇಳೆ ರೈಲು (Train) ದಿಢೀರ್​ ಹೊರಟ್ಟಿದ್ದು, ಅದನ್ನು ಹತ್ತಲು ತಾಯಿ ವಿಫಲರಾಗಿದ್ದಾರೆ.

ಬಳಿಕ ಆಕೆ ತನ್ನ ಮಗುವನ್ನು ನೆನೆಸಿಕೊಂಡು ಅಳಲು ಶುರು ಮಾಡಿದ್ದು, ಇದನ್ನು ಗಮನಿಸಿದ ಸಿಬ್ಬಂದಿ ಹಾಗೂ ಸಾರ್ವಜನಿಕರು ಆಕೆಗೆ ಸಮಾಧಾನ ಮಾಡಿದ್ದಾರೆ. ತಾಯಿ ರೈಲು (Train) ಹತ್ತಲು ಯತ್ನಿಸುತ್ತಿರುವುದನ್ನು ಗಮನಿಸಿದ ಸಿಬ್ಬಂದಿ ಕೂಡಲೇ ಟ್ರೈನ್​ಅನ್ನು ನಿಲ್ಲಿಸಿದ್ದು, ತಾಯಿ ಮತ್ತು ಮಗುವನ್ನು ಒಂದು ಮಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್​ ಆಗಿದೆ.

ಘಟನೆ ಯಾವ ರಾಜ್ಯದಲ್ಲಿ ನಡೆದಿದೆ ಎಂಬುದು ಈವರೆಗೆ ತಿಳಿದು ಬಂದಿಲ್ಲ. ಆದರೆ, ವಿಡಿಯೋ ನೋಡಿರುವಂತಹ ನೆಟ್ಟಿಗರು ರೈಲ್ವೆ (Train) ಸಿಬ್ಬಂದಿ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಮಾನವೀಯತೆ ಇನ್ನೂ ಜೀವಂತವಾಗಿದೆ ಎಂದು ಕಮೆಂಟ್​ ಹಾಕಿದ್ದಾರೆ. ಡಾ. ಶೀತಲ್​ ಯಾದವ್​ ಎಂಬುವವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಈವರೆಗೆ 166.2K ವೀವ್ಸ್​ ಪಡೆದುಕೊಂಡಿದೆ.

https://www.vijayavani.net/will-chaitra-be-eliminated-form-biggboss-house

https://www.vijayavani.net/6-naxals-surrender-themselves-on-behalf-of-cm-siddaramaiah