ಮಯಾಂಕ್​ರನ್ನು ಔಟ್​ ಮಾಡಿ ಫ್ಲೈಯಿಂಗ್​ ಕಿಸ್ ಕೊಟ್ಟಂತೆಕೊಹ್ಲಿಗೂ​ ಕೊಡ್ತೀರಾ? ಹರ್ಷಿತ್​ ರಾಣ ಉತ್ತರ ವೈರಲ್​

ನವದೆಹಲಿ: ಕಳೆದ ತಿಂಗಳು ಮುಕ್ತಾಯವಾದ ಐಪಿಎಲ್​ ಟೂರ್ನಿಯ ಅಂಗವಾಗಿ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಆ ತಂಡದ ಬ್ಯಾಟರ್ ಮಯಾಂಕ್ ಅಗರ್ವಾಲ್ ಅವರನ್ನು ಔಟ್ ಮಾಡಿದ ಬಳಿಕ ಕೋಲ್ಕತ ನೈಟ್​ ರೈಡರ್ಸ್​ ಆಟಗಾರ ಹರ್ಷಿತ್​ ರಾಣ ಫ್ಲೈಯಿಂಗ್ ಕಿಸ್ ನೀಡಿ ಸಂಭ್ರಮಿಸಿದರು. ಈ ಘಟನೆಯ ವಿಡಿಯೋ ವೈರಲ್ ಆಗಿತ್ತು. ಅದಕ್ಕೆ ಹರ್ಷಿತ್ ರಾಣ ಕೂಡ ಭಾರೀ ಬೆಲೆ ತೆತ್ತಿದ್ದರು. ಆದರೆ ಇತ್ತೀಚೆಗೆ ಪಾಡ್‌ಕಾಸ್ಟ್‌ನಲ್ಲಿ ಮಾತನಾಡಿದ ಅವರು ಈ ಘಟನೆಯ ಬಗ್ಗೆ ಆಸಕ್ತಿದಾಯಕ ಸಂಗತಿಗಳನ್ನು ಬಹಿರಂಗಪಡಿಸಿದರು. ವಿರಾಟ್ ಕೊಹ್ಲಿಗೂ ಫ್ಲೈಯಿಂಗ್ ಕಿಸ್ ಕೊಡ್ತೀರಾ? ಎಂಬ ಪ್ರಶ್ನೆಗೆ ಅವರ ಕೊಟ್ಟ ಉತ್ತರ ವೈರಲ್ ಆಗಿದೆ.

ಕೆಕೆಆರ್ ತಂಡ ಐಪಿಎಲ್ 2024 ಪ್ರಶಸ್ತಿ ಗೆಲ್ಲುವಲ್ಲಿ ಯುವ ವೇಗಿ ಹರ್ಷಿತ್ ರಾಣ ಪ್ರಮುಖ ಪಾತ್ರ ವಹಿಸಿದ್ದಾರೆ. ಈ ಸೀಸನ್​ನಲ್ಲಿ ಅವರು 13 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 19 ವಿಕೆಟ್​​​ಗಳನ್ನು ಪಡೆದರು. ಈ ಪಂದ್ಯಾವಳಿಯಲ್ಲಿ ಅವರ ಪ್ರದರ್ಶನದ ಹೊರತಾಗಿ, ಅವರ ಓವರ್ ಆಕ್ಷನ್‌ಗಾಗಿ ಟೀಕೆಗೆ ಒಳಗಾದರು. ಈ ಲೀಗ್​ನಲ್ಲಿ ಸನ್ ರೈಸರ್ಸ್ ವಿರುದ್ಧದ ಪಂದ್ಯದಲ್ಲಿ ಮಯಾಂಕ್ ಅಗರ್ವಾಲ್ ಔಟ್ ಆದ ಬಳಿಕ ಫ್ಲೈಯಿಂಗ್ ಕಿಸ್ ನೀಡಿ ಹರ್ಷಿತ್​ ರಾಣ ಅದ್ಧೂರಿಯಾಗಿ ಸಂಭ್ರಮಿಸಿದರು. ಈ ಹಿನ್ನೆಲೆಯಲ್ಲಿ ಹರ್ಷಿತ್ ಗೆ ಬಿಸಿಸಿಐ ಛೀಮಾರಿ ಹಾಕಿತು. ಆ ಬಳಿಕ ಈ ಯುವ ವೇಗಿ ಈ ರೀತಿ ವರ್ತಿಸಿರಲಿಲ್ಲ.

ಇತ್ತೀಚೆಗೆ ಶುಭಂಕರ್ ಮಿಶ್ರಾ ಅವರ ಪಾಡ್‌ಕಾಸ್ಟ್‌ನಲ್ಲಿ ಹರ್ಷಿತ್ ರಾಣ ಈ ವಿಷಯದ ಬಗ್ಗೆ ಮಾತನಾಡಿದರು. ಚೆಂಡು ಗಾಳಿಯಲ್ಲಿ ಮೇಲಕ್ಕೆ ಹೋದಾಗ, ನಾನು ಮಯಾಂಕ್​ ಅವರ ಬಳಿ ಹೋಗಿ ವಿಕೆಟ್ ಬಿದ್ದ ಖುಷಿಯನ್ನು ಆಚರಿಸಿದೆ. ಕ್ಯಾಮರಾಮನ್ ಕೂಡ ನನ್ನತ್ತ ಗಮನ ಹರಿಸಿದರು. ಆದರೆ, ಫೈನಲ್ ಪಂದ್ಯದ ವೇಳೆ ಮಯಾಂಕ್ ಭಯ್ಯಾ ಜೊತೆ ನಿಮಗೆ ಅಗೌರವ ತೋರುವ ಉದ್ದೇಶ ನನಗಿರಲಿಲ್ಲ, ಕ್ಷಮಿಸಿ ಎಂದು ಕೇಳಿದ್ದೆ. ಅವರು ಕೂಡ ಚೆನ್ನಾಗಿ ಮಾತನಾಡಿದರು ಎಂದರು. ವಿರಾಟ್ ಕೊಹ್ಲಿಗೆ ಫ್ಲೈಯಿಂಗ್ ಕಿಸ್ ಕೊಡುತ್ತೀರಾ? ಎಂದು ಇದೇ ಸಂದರ್ಭದಲ್ಲಿ ಪ್ರಶ್ನಿಸಲಾಯಿತು.

ನಾನು ಉದ್ದೇಶಪೂರ್ವಕವಾಗಿ ಏನನ್ನೂ ಮಾಡುವುದಿಲ್ಲ. ಆರ್‌ಸಿಬಿ ವಿರುದ್ಧದ ಪಂದ್ಯದಲ್ಲೂ ನಾನು ಫ್ಲೈಯಿಂಗ್ ಕಿಸ್ ನೀಡುತ್ತೇನೆ ಎಂದು ಹಲವರು ನಿರೀಕ್ಷಿಸಿದ್ದರು. ನನಗೂ ಸವಾಲಾಗಿತ್ತು. ಆದರೆ ನಾನು ವಿರಾಟ್ ಕೊಹ್ಲಿಯನ್ನು ಎಂದಿಗೂ ಕೀಟಲೆ ಮಾಡುವುದಿಲ್ಲ. ನನಗೆ ಕೊಹ್ಲಿ ಭಯ್ಯಾ ಬಗ್ಗೆ ತುಂಬಾ ಗೌರವವಿದೆ. ಕೊಹ್ಲಿ ಮಾತ್ರವಲ್ಲ ಪ್ರತಿಯೊಬ್ಬ ಆಟಗಾರನ ಬಗ್ಗೆ ನನಗೆ ಗೌರವವಿದೆ ಎಂದು ಉತ್ತರಿಸಿದರು. (ಏಜೆನ್ಸೀಸ್)

https://www.vijayavani.net/producer-umapathy-srinivasa-gowda-gives-taunt-to-darshan-fans

https://www.vijayavani.net/actress-sunny-leone-reacts-darshan-arrest-case