ನಾನಿಲ್ಲಿಯೇ ನನ್ನ ಗಂಡನಿಗೆ ಕಿಸ್​ ಮಾಡ್ತೇನೆ, ತಾಕತ್ತಿದ್ರೆ ತಡೆಯಿರಿ! ಪೊಲೀಸರಿಗೆ ಮಹಿಳೆ ಸವಾಲು

ನವದೆಹಲಿ: ವೀಕೆಂಡ್​ ಲಾಕ್​ಡೌನ್​ ಪಾಲಿಸದೆ ಕೋವಿಡ್​ ನಿಯಮಗಳನ್ನು ಉಲ್ಲಂಘಿಸಿದ ದಂಪತಿ ವಿರುದ್ಧ ದೆಹಲಿ ಪೊಲೀಸರು ಭಾನುವಾರ ಪ್ರಕರಣ ದಾಖಲಿಸಿದ್ದಾರೆ.

ಕಾರಿನ ಒಳಗೆ ಮಾಸ್ಕ್​ ಧರಿಸಿಲ್ಲ ಎಂದು ದಂಪತಿಯನ್ನು ಪೊಲೀಸರು ತಡೆದಿದ್ದಾರೆ. ಅಲ್ಲದೆ, ಕರ್ಫ್ಯೂ ಪಾಸ್​ ಸಹ ಅವರ ಬಳಿಯಿರಲಿಲ್ಲ. ಈ ವೇಳೆ ತಾವು ಮಾಡಿದ ತಪ್ಪನ್ನು ತಿದ್ದುಕೊಂಡು ಸೌಮ್ಯವಾಗಿ ವರ್ತಿಸದ ದಂಪತಿ ಪೊಲೀಸರೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದಾರೆ.

“ನಾನು ಇಲ್ಲಿಯೇ ನನ್ನ ಗಂಡನಿಗೆ ಕಿಸ್​ ಮಾಡುತ್ತೇನೆ. ನೀವು ನನ್ನನ್ನು ತಡೆಯಬಹುದೇ? ಎಂದು ಮಹಿಳೆ ಕೂಗಾಡುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿರಿ: ಅವನ ಕಥೆಯಲ್ಲಿ ಬಹುಭಾಷಾ ನಟಿ ಪ್ರಿಯಾಮಣಿ!

ಈ ಘಟನೆ ದೆಹಲಿಯ ದರಿಯಾಗಂಜ್​ ಏರಿಯಾದಲ್ಲಿ ಭಾನುವಾರ ಸಂಜೆ 4 ಗಂಟೆ ಸುಮಾರಿಗೆ ನಡೆದಿದೆ. ನಮ್ಮ ಕಾರನ್ನೇಕೆ ನಿಲ್ಲಿಸಿದ್ದೀರಿ? ನಾನು ನನ್ನ ಪತ್ನಿಯ ಜತೆ ಕಾರಿನ ಒಳಗಡೆ ಇದ್ದೆನು ಎಂದು ವ್ಯಕ್ತಿ ಪೊಲೀಸರಿಗೆ ಹೇಳುವುದು ವಿಡಿಯೋದಲ್ಲಿದೆ.

ಕರೊನಾ ನಿಯಮ ಪಾಲಿಸಿಲ್ಲ ಎಂದು ಕಾರು ತಡೆದ ದೆಹಲಿ ಪೊಲೀಸರಿಗೆ ನಾನಿಲ್ಲಿಯೇ ನನ್ನ ಗಂಡನಿಗೆ ಕಿಸ್​ ಮಾಡ್ತೇನೆ, ತಾಕತ್ತಿದ್ರೆ ತಡೆಯಿರಿ ಎಂದು ಮಹಿಳೆ ಸವಾಲಾಕಿದ ಘಟನೆ ಭಾನುವಾರ ನಡೆದಿದೆ. #Wife #Husband #DelhiCouple #DelhiPolice #Misbehave #CovidRules pic.twitter.com/GOdHWb0i07

— Vijayavani (@VVani4U) April 19, 2021

ಕಾರಿನಲ್ಲಿದ್ದಾಗಲೂ ಮಾಸ್ಕ್​ ಧರಿಸಬೇಕೆಂದು ಇತ್ತೀಚೆಗೆ ಹೈಕೋರ್ಟ್​ ಸಹ ಆದೇಶದ ನೀಡಿದೆ ಎಂದು ಪೊಲೀಸರು ಮನವರಿಕೆ ಮಾಡಿದರೂ ಸುಮ್ಮನಾಗದ ದಂಪತಿ, ಅವರೊಂದಿಗೆ ವಾಗ್ವಾದ ಮುಂದುವರಿಸಿದರು. ಅಲ್ಲದೆ, ತಾಕತ್ತಿದ್ದರೆ ಕ್ರಮ ಕೈಗೊಳ್ಳುವಂತೆ ಸವಾಲು ಹಾಕಿದರು. ಬಳಿಕ ಮಹಿಳಾ ಪೊಲೀಸರನ್ನು ಕರೆಸಿ ಏರು ಧ್ವನಿಯಲ್ಲಿ ಮಾತನಾಡುತ್ತಿದ್ದ ಮಹಿಳೆಯನ್ನು ಹತ್ತಿರದ ಪೊಲೀಸ್​ ಠಾಣೆಗೆ ಕರೆದೊಯ್ಯಲಾಯಿತು. ಇದೀಗ ದಂಪತಿ ವಿರುದ್ಧ ಪ್ರಕರಣ ದಾಖಲಾಗಿದೆ. (ಏಜೆನ್ಸೀಸ್​)

ಕಾರ್ತಿಕ್​ನನ್ನೂ ಕಾಡಬೇಡಿ!; ಕರಣ್​ಗೆ ಕಂಗನಾ ತರಾಟೆ

ಮತ್ತೆ ನಷ್ಟದ ಭೀತಿ; ಉದ್ಯಮಕ್ಕೆ ಪೂರಕ ವಾತಾವರಣ ಸೃಷ್ಟಿಯಾಗಲಿ

ಮತ್ತೊಮ್ಮೆ ಕರೊನಾ ಸೋಲಿಸಿ, ನಾವು ಗೆಲ್ಲಬೇಕಿದೆ!