ಆಕೆ ಸೌಂದರ್ಯಕ್ಕೆ ಸಹ ಕ್ರೀಡಾಪಟುಗಳು ಫಿದಾ.. ಸ್ವದೇಶಕ್ಕೆ ವಾಪಸ್​ ಕಳುಹಿಸಿದ ತಂಡ!

ಪ್ಯಾರಿಸ್: ಆಕೆ ಸೌಂದರ್ಯದ ಗಣಿ, ಜತೆಗೆ ಕ್ರೀಡಾಪಟು. ಆದರೆ ಆಕೆಯ ಚೆಲುವೇ ಕ್ರೀಡೆಗೆ ಕುತ್ತು ತಂದಿದೆ. ಒಲಿಂಪಿಕ್ಸ್ ನಲ್ಲಿ ಆಕೆ ವೈಯ್ಯಾರದಿಂದ ನಡೆದುಕೊಂಡು ವಿವಾದದ ಕೇಂದ್ರಬಿಂದುವಾದಳು. ಈ ಸುಂದರಿ.. ತನ್ನ ನಡತೆಯಿಂದ ಸಹ ಕ್ರೀಡಾಪಟುಗಳಿಗೆ ತೊಂದರೆ ಕೊಟ್ಟಿದ್ದಾಳೆ ಎಂದು ಆ ದೇಶದ ಅಧಿಕಾರಿಗಳು ಕ್ರಮ ಕೈಗೊಂಡು ಆಕೆಯನ್ನು ಒಲಿಂಪಿಕ್ಸ್ ಗ್ರಾಮದಿಂದ ಮನೆಗೆ ಕಳುಹಿಸಿದರು. ಪರಾಗ್ವೆಯ ಈಜುಗಾರ್ತಿಗೆ ಈ ವಿಚಿತ್ರ ಅನುಭವವಾಗಿದೆ.

ಇದನ್ನೂ ಓದಿ: ಆ ವೈಖರಿಯಿಂದಲೇ ವಿನೇಶ್‌ ಫೋಗಟ್​ಗೆ ಮೆಡಲ್​ ದಕ್ಕಲಿಲ್ಲ: ಕೋಚ್ ಕೃಪಾ ಹೀಗೆನ್ನಲು ಕಾರಣ ಇದೇ..

ಪರಾಗ್ವೆಯ ಲುವಾನಾ ಅಲೋನ್ಸೊ (20) ಈಜು ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದಳು. ಆಕೆ ಜುಲೈ 27 ರಂದು 100 ಮೀಟರ್ ಮಹಿಳೆಯರ ಬ್ರೆಸ್ಟ್ ಸ್ಟ್ರೋಕ್ ನಲ್ಲಿ ಸೋಲು ಅನುಭವಿಸಿದಳು. ಸೆಮಿಫೈನಲ್‌ನಲ್ಲಿ 0.24 ಸೆಕೆಂಡ್‌ಗಳಿಂದ ವಂಚಿತಳಾಗಿದ್ದರೂ, ಅವರ ತಂಡವು ಗೇಮ್ಸ್‌ನ ಅಂತ್ಯದವರೆಗೆ (ಆಗಸ್ಟ್ 11) ಪ್ಯಾರಿಸ್‌ನಲ್ಲಿ ಉಳಿಯುತ್ತದೆ. ಹಾಗಾಗಿ ವಿವಿಧ ಪಂದ್ಯಗಳನ್ನು ವೀಕ್ಷಿಸುತ್ತಾ ಅಲ್ಲೇ ಉಳಿದುಕೊಂಡಿದ್ದಳು.

ಹೀಗಾಗಿ ಸುಂದರಿ ಲುವಾನಾ ಬಗೆ ಬಗೆಯ ಉಡುಪುಗಳನ್ನು ಧರಿಸುತ್ತ ಕ್ರೀಡಾ ಗ್ರಾಮದಲ್ಲಿ ಕನಸಿನ ಸುಂದರಿಯಾಗಿಬಿಟ್ಟಳು. ಸ್ವಿಮ್ ಸೂಟ್ ನಲ್ಲಿ ಕಾಣಿಸಿಕೊಂಡು ಎಲ್ಲರ ಗಮನ ಸೆಳೆದಿದ್ದಾಳೆ. ಇದರಿಂದಾಗಿ ಆಕೆಯ ಅಭಿಮಾನಿಗಳ ಸಂಖ್ಯೆಯೂ ಹೆಚ್ಚಿದೆ. ಇದು ಅವರದೇ ತಂಡವನ್ನು ಸ್ವಲ್ಪಮಟ್ಟಿಗೆ ಕೆರಳಿಸಿತು. ಲುವಾನಾ ತನ್ನ ಸೌಂದರ್ಯದಿಂದ ಆಟಗಾರರನ್ನು ತಬ್ಬಿಬ್ಬುಗೊಳಿಸುತ್ತಿದ್ದಾಳೆ ಎಂದು ಪರಾಗ್ವೆ ತಂಡ ಭಾವಿಸಿ ಆಕೆಯನ್ನು ತನ್ನ ದೇಶಕ್ಕೆ ವಾಪಸ್​ಕಳುಹಿಸಿತು.

ಪ್ಯಾರಿಸ್‌ನಿಂದ ಮನೆಗೆ ಹಿಂದಿರುಗಿದ ನಂತರ, ಮರುದಿನ ಲುವಾನಾ ಅನಿರೀಕ್ಷಿತ ಘೋಷಣೆ ಮಾಡಿದಳು. ಈಜಿಗೆ ನಿವೃತ್ತಿ ಘೋಷಿಸುವ ಮೂಲಕ ಎಲ್ಲರಿಗೂ ಶಾಕ್ ನೀಡಿದ್ದಾಳೆ. ತನಗೆ ಬೆಂಬಲ ನೀಡಿದ ದೇಶದ ಜನತೆಗೆ ಧನ್ಯವಾದ ಅರ್ಪಿಸಿದ್ದಾಳೆ. ಆದರೆ, ಒಲಿಂಪಿಕ್ಸ್‌ನಲ್ಲಿ ನಡೆದ ವಿವಾದದ ಬಗ್ಗೆ ಆಕೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎಂಬುದು ಗಮನಾರ್ಹ.

https://www.vijayavani.net/nagachaitanya-sobhita-when-met-for-the-first-time