ಈ ನಟ ಮಿಲಿಯನೇರ್; ಓಡಾಡೋದು ಮಾತ್ರ ಸೆಕೆಂಡ್ ಹ್ಯಾಂಡ್‌ ಕಾರಲ್ಲಿ

ಮುಂಬೈ: ಸಿನಮಾ ತಾರೆಯರು ಕಾರು,  ಬಂಗಲೆ ಎಂದು ಐಷಾರಾಮಿ ಜೀವನ ನಡೆಸುತ್ತಾರೆ. ಆದರೆ ಹಾಲಿವುಡ್‌ನ ಶ್ರೀಮಂತ ನಟ ಕ್ರಿಶ್ಚಿಯನ್ ಬೇಲ್ ಮಿಲಿಯನೇರ್‌. ಆದರೂ ಕೂಡ ಸರಳ ಜೀವನ ನಡೆಸುತ್ತಾರೆ.

ಮಿಲಿಯನೇರ್ ಆಗಿದ್ದರೂ, ಅವರು ಇನ್ನೂ 20 ವರ್ಷ ಹಳೆಯ ಸೆಕೆಂಡ್ ಹ್ಯಾಂಡ್ ಕಾರನ್ನು ಓಡಿಸುತ್ತಾರೆ. ಆಗಾಗ್ಗೆ ಸಾರ್ವಜನಿಕ ಸಾರಿಗೆಯಲ್ಲಿ ಕೂತು ಓಡಾಡುತ್ತಾರಂತೆ. ಈ ನಟ 2023 ರ ಹೊತ್ತಿಗೆ 120 ಮಿಲಿಯನ್ ಡಾಲರ್ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ.

ಈ ನಟನು 2003 ರ ಟೊಯೋಟಾ ಟಕೋಮಾ ಪಿಕ್-ಅಪ್ ಟ್ರಕ್ ಅನ್ನು ಹೊಂದಿದ್ದಾರೆ. “ಇದು ತುಂಬಾನೇ ಅನುಕೂಲಕರವಾಗಿದೆ ಮತ್ತು ನನ್ನ ಎಲ್ಲಾ ಸ್ನೇಹಿತರಿಗೆ ಇದನ್ನು ಚಲಾಯಿಸಲು ಬರುತ್ತದೆ. ಒಮ್ಮೆ ನೀವು ಪಿಕಪ್ ಟ್ರಕ್ ಹೊಂದಿದ್ದರೆ, ನೀವು ಬೇರೆ ಯಾವುದರ ಬಗ್ಗೆಯೂ ಚಿಂತೆ ಮಾಡಬೇಕಿಲ್ಲ. ನಾನು ಅದನ್ನು ಸೆಕೆಂಡ್ ಹ್ಯಾಂಡ್ ಖರೀದಿಸಿದೆ ಮತ್ತು ನಾನು ಅದನ್ನು 13 ವರ್ಷಗಳಿಂದ ಬಳಸುತ್ತಿದ್ದೇನೆ” ಎಂದು ಅವರು ಒಮ್ಮೆ ಸಂದರ್ಶನವೊಂದರಲ್ಲಿ ಹೇಳಿದ್ದರು.

ನಟ ಕ್ರಿಶ್ಚಿಯನ್ ಬೇಲ್ ಒಮ್ಮೆ ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರಾಗಿದ್ದರು. ನಟ ಡಾರ್ಕ್ ನೈಟ್ ಟ್ರೈಲಾಜಿ ಮತ್ತು ಟರ್ಮಿನೇಟರ್ ಫಿಲ್ಮ್‌ಗಳಂತಹ ದೊಡ್ಡ ಫ್ರಾಂಚೈಸಿಗಳ ಮುಖ್ಯಸ್ಥರಾಗಿದ್ದರು, ಜೊತೆಗೆ ಥಾರ್ ಲವ್ ಮತ್ತು ಥಂಡರ್‌ನಲ್ಲಿ ಮಾರ್ವೆಲ್ ಖಳನಾಯಕನಾಗಿ ನಟಿಸಿದ್ದಾರೆ.