ಭಾರತೀಯ ಷೇರು ಮಾರುಕಟ್ಟೆಗಳಿಗೆ ಸತತ ಮೂರು ದಿನಗಳ ಕಾಲ ರಜೆ ಏಕೆ?

ಮುಂಬೈ: ಜೂನ್ 17, ಸೋಮವಾರದಂದು ಷೇರು ಮಾರುಕಟ್ಟೆಗಳ ಬಂದ್​ ಆಗಿರುತ್ತವೆ. ಬಕ್ರೀದ್ ನಿಮಿತ್ತ ಬಾಂಬೆ ಸ್ಟಾಕ್ ಎಕ್ಸ್​ಚೇಂಜ್​ ಮತ್ತು ನ್ಯಾಷನಲ್ ಸ್ಟಾಕ್ ಎಕ್ಸ್​ಚೇಂಜ್​ಗಳಿಗೆ ರಜೆ ಇರುತ್ತದೆ.

ಈ ದಿನ ಷೇರು ಮಾರುಕಟ್ಟೆಯ ಈಕ್ವಿಟಿ, ಉತ್ಪನ್ನಗಳು, ಸರಕು ಮತ್ತು ಸಾಲ ವಿಭಾಗಗಳಲ್ಲಿ ಯಾವುದೇ ವ್ಯಾಪಾರ- ವಹಿವಾಟು ಇರುವುದಿಲ್ಲ. ಆದರೆ, ಸರಕು ಮಾರುಕಟ್ಟೆಯಲ್ಲಿ ಸೋಮವಾರ ಸಂಜೆ 5 ರಿಂದ ರಾತ್ರಿ 11 ರವರೆಗೆ ವಹಿವಾಟು ನಡೆಯಲಿದೆ. ಬಕ್ರೀದ್ ಸಂದರ್ಭದಲ್ಲಿ ಸೋಮವಾರದಂದು ಹಣದ ಸೆಟಲ್‌ಮೆಂಟ್ ಮತ್ತು ಸೆಕ್ಯುರಿಟಿಗಳ ಸೆಟಲ್‌ಮೆಂಟ್ ಮಾಡಲಾಗುವುದಿಲ್ಲ ಎಂದು ಷೇರು ಮಾರುಕಟ್ಟೆಯು ಹೂಡಿಕೆದಾರರು, ಬ್ಯಾಂಕ್‌ಗಳು ಮತ್ತು ಮರ್ಚೆಂಟ್ ಬ್ಯಾಂಕರ್‌ಗಳಿಗೆ ತಿಳಿಸಿದೆ. ಇದರೊಂದಿಗೆ, ಇಂಟರ್ ಸೆಗ್ಮೆಂಟ್ ಫಂಡ್ ವರ್ಗಾವಣೆಯ ಸೌಲಭ್ಯವೂ ಜೂನ್ 17 ಸೋಮವಾರ ಲಭ್ಯವಿರುವುದಿಲ್ಲ.

ಬಕ್ರೀದ್ ನಿಮಿತ್ತ ರಜೆ ಇದ್ದರೆ, ಇದಕ್ಕೂ ಮೊದಲು, ಜೂನ್ 15 ಮತ್ತು ಜೂನ್ 16, 2024 ರಂದು, ಶನಿವಾರ ಮತ್ತು ಭಾನುವಾರದಂದು ಸಾಪ್ತಾಹಿಕ ರಜಾದಿನಗಳ ಕಾರಣ ಷೇರು ಮಾರುಕಟ್ಟೆ ಮುಚ್ಚಿರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಸತತ ಮೂರು ದಿನಗಳ ಕಾಲ ಷೇರುಪೇಟೆಯಲ್ಲಿ ರಜೆ ಇರಲಿದೆ.

ಷೇರು ಮಾರುಕಟ್ಟೆಯ ಜೊತೆಗೆ, ಸರಕು ಉತ್ಪನ್ನಗಳು ಮತ್ತು ಎಲೆಕ್ಟ್ರಾನಿಕ್ ಚಿನ್ನದ ರಶೀದಿಗಳನ್ನು ಜೂನ್ 17 ರಂದು ಬಕ್ರೀದ್ ಸಂದರ್ಭದಲ್ಲಿ ಬೆಳಗ್ಗೆ 9 ರಿಂದ ಸಂಜೆ 5 ರವರೆಗೆ ಮುಚ್ಚಲಾಗುವುದು. ಆದರೆ ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್ ಆಫ್ ಇಂಡಿಯಾ ಲಿಮಿಟೆಡ್​ನಲ್ಲಿ ಸಂಜೆ ಕೆಲಸ ನಡೆಯಲಿದೆ.

ಷೇರು ಮಾರುಕಟ್ಟೆಯ ಮುಂದಿನ ರಜಾದಿನಗಳು ಹೀಗಿರಲಿವೆ..,

1) ಷೇರು ಮಾರುಕಟ್ಟೆಯಲ್ಲಿ ವಾರದ ದಿನಗಳಲ್ಲಿ ಮುಂದಿನ ರಜಾದಿನವು ಜುಲೈ 17 ರ ಬುಧವಾರ ಇರಲಿದೆ. ಮೊಹರಂ ನಿಮಿತ್ತ ಷೇರು ಮಾರುಕಟ್ಟೆ ಮುಚ್ಚಿರಲಿದೆ.

2) ಸ್ವಾತಂತ್ರ್ಯ ದಿನಾಚರಣೆಯಂದು ಷೇರು ಮಾರುಕಟ್ಟೆಯಲ್ಲಿ ಮುಂದಿನ ರಜೆ ಆಗಸ್ಟ್ 15 ಗುರುವಾರ ಇರಲಿದೆ. ಸ್ವಾತಂತ್ರ್ಯ ದಿನ ಮತ್ತು ಪರ್ಷಿಯನ್ ಹೊಸ ವರ್ಷದ ಸಂದರ್ಭದಲ್ಲಿ ಷೇರು ಮಾರುಕಟ್ಟೆಗಳು ಮುಚ್ಚಲ್ಪಡುತ್ತವೆ.

3) ಮಹಾತ್ಮಾ ಗಾಂಧಿಯವರ ಜನ್ಮದಿನವಾದ ಅಕ್ಟೋಬರ್ 2 ರ ಬುಧವಾರದಂದು ಷೇರು ಮಾರುಕಟ್ಟೆಯನ್ನು ಮುಚ್ಚಲಾಗುವುದು.

4) ನವೆಂಬರ್ 1 ರ ಶುಕ್ರವಾರದಂದು ದೀಪಾವಳಿ ಸಂದರ್ಭದಲ್ಲಿ ಷೇರು ಮಾರುಕಟ್ಟೆಗೆ ರಜೆ ಇದೆ, ಆದರೆ, ದೀಪಾವಳಿ ಸಂದರ್ಭದಲ್ಲಿ, ಮುಹೂರ್ತದ ವಹಿವಾಟಿಗೆ ಸಂಜೆ ಮಾರುಕಟ್ಟೆ ತೆರೆಯುತ್ತದೆ.

5) ನವೆಂಬರ್ 15 ರಂದು ಗುರುನಾನಕ್ ಜಯಂತಿಯಂದು ಶುಕ್ರವಾರ ಷೇರು ಮಾರುಕಟ್ಟೆಯಲ್ಲಿ ಯಾವುದೇ ಕಾರ್ಯಚಟುವಟಿಕೆ ಇರುವುದಿಲ್ಲ.

6) ಕ್ರಿಸ್ಮಸ್ ಸಂದರ್ಭದಲ್ಲಿ 25 ಡಿಸೆಂಬರ್ 2024 ಬುಧವಾರದಂದು ಷೇರು ಮಾರುಕಟ್ಟೆಯನ್ನು ಮುಚ್ಚಲಾಗುವುದು.

https://www.vijayavani.net/stock-market-bulls-for-3rd-consecutive-day-index-hits-new-all-time-high

https://www.vijayavani.net/andhra-and-naidu-stocks-are-outperforming-modi-stocks