ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ಕಾಟೇರ’ ಸಿನಿಮಾಗೆ ಪ್ರೇಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್ ಬರುತ್ತಿದೆ. ಪ್ರದರ್ಶನ ಕಂಡಿರುವ ಎಲ್ಲೆಡೆ ಹೌಸ್ ಫುಲ್ ಆಗುತ್ತಿದ್ದು, ಬಾಕ್ಸ್ ಆಫೀಸ್ನಲ್ಲಿ ಭಾರಿ ಕಲೆಕ್ಷನ್ ಮಾಡ್ತಿದೆ. ಕಾಟೇರ ವೀಕ್ಷಣೆ ನಂತರ ಅಭಿಮಾನಿಗಳು ಸಿನಿಮಾ ಅತ್ಯುತ್ತಮವಾಗಿ ಮೂಡಿಬಂದಿದೆ ಎಂದು ಮೆಚ್ಚುಗೆ ಮಾತುಗಳನ್ನಾಡುತ್ತಿದ್ದಾರೆ. ಒಟ್ಟಾರೆ ಚಿತ್ರ ಪ್ರೇಕ್ಷಕರ ಮನಗೆದ್ದಿದೆ. ಈ ನಡುವೆ ಕಾಟೇರ ಸಿನಿಮಾಗೆ ಸಂಬಂಧಿಸಿದ ಒಟಿಟಿ ಅಪ್ಡೇಟ್ ಹೊರಬಿದ್ದಿದೆ.
ಇದನ್ನೂ ಓದಿ: ಕಾಂಗ್ರೆಸ್ ಸೇರಲಿದ್ದಾರೆ ಶರ್ಮಿಳಾ..ಆಂಧ್ರಪ್ರದೇಶ ಪಿಸಿಸಿ ಮುಖ್ಯಸ್ಥೆ!
ಸಿನಿಮಾ ರಿಲೀಸ್ ಆಗಿ 5 ದಿನ ಕಳೆದಿದೆ. ಉತ್ತಮ ರೆಸ್ಪಾನ್ಸ್ ಸಹ ಸಿಗುತ್ತಿದೆ. ಈ ನಡುವೆ ಸಿನಿಮಾ ಒಟಿಟಿ ಫ್ಲ್ಯಾಟ್ಫಾರಂಗೆ ಯಾವಾಗ ಬರುತ್ತದೆ. ಯಾವ ಒಟಿಟಿಯಲ್ಲಿ ಸ್ಟ್ರೀಮಿಂಗ್ ಆಗಲಿದೆ ಎನ್ನುವ ಲೆಕ್ಕಾಚಾರ ಅಭಿಮಾನಿಗಳಲ್ಲಿತ್ತು. ಇಂತಹವರಿಗೆ ಗುಡ್ನ್ಯೂಸ್ ಹೊರಬಿದ್ದಿದೆ. ಕಾಟೇರ ಒಟಿಟಿ ಕುರಿತಾದ ಸುದ್ದಿ ಸ್ಯಾಂಡಲ್ವುಡ್ ಅಂಗಳದಲ್ಲಿ ಸದ್ದು ಮಾಡ್ತಿದೆ.
ಥಿಯೇಟರ್ಗಳಲ್ಲಿ ಚಿತ್ರದ ಓಟ ಮುಗಿದ ನಂತರ ಓಟಿಟಿಗೆ ಬರಲಿದೆ ಎನ್ನಲಾಗುತ್ತಿದೆ. ಈ ಸಿನಿಮಾದ ಒಟಿಟಿ ಹಕ್ಕು ಜೀ5 ಖರೀದಿಸಿದೆ ಎನ್ನಲಾಗುತ್ತಿದೆ. ಇದನ್ನು ಚಿತ್ರತಂಡ ಸಹ ಶೀಘ್ರ ಘೋಷಣೆ ಮಾಡಲಿದೆ. ಒಟಿಟಿಯಲ್ಲಿ ಸಹ ಕಾಟೇರ ದಾಖಲೆ ಬರೆಯುತ್ತದೆ ಎನ್ನಲಾಗುತ್ತಿದೆ. ಶಿವರಾಜ್ ಕುಮಾರ್ ಘೋಸ್ಟ್ ಸಿನಿಮಾ ಕೂಡ ಜಿ5 ನಲ್ಲೇ ಪ್ರಸಾರ ಕಂಡಿತ್ತು.
ಭಾರೀ ಕಲೆಕ್ಷನ್: ಕಾಟೇರ ಸಿನಿಮಾ ಸಿನಿ ಪ್ರಿಯರ ಮನಗೆದ್ದಿದೆ. ಎಲ್ಲೆಡೆ ಹೌಸ್ಫುಲ್ ಪ್ರದರ್ಶನ ಕಾಣ್ತಿದೆ. ಸಾಲು ಸಾಲು ರಜೆ ಹಿನ್ನೆಲೆ ಸಿನಿಮಾ ಕಲೆಕ್ಷನ್ ಕೂಡ ಜೋರಾಗಿದೆ. 3 ದಿನಕ್ಕೆ ಕಾಟೇರ ಸಿನಿಮಾ 58.8 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ನಾಲ್ಕನೇ ದಿನವೂ ದರ್ಶನ್ ಸಿನಿಮಾ 18.20 ಕೋಟಿ ರೂ.ಕಲೆಕ್ಷನ್ ಮಾಡಿದ್ದು, ಒಟ್ಟು 75.6 ಕೋಟಿ ರೂ. ಆಗಿದೆ.
ಪಾಕ್ ಪಂದ್ಯಕ್ಕೂ ಮುನ್ನ ವಾರ್ನರ್ ಗ್ರೀನ್ ಕ್ಯಾಪ್ ಕಳುವು!: ಹುಡುಕಿಕೊಡಲು ಮನವಿ-ಈ ಕ್ಯಾಪ್ಗೇಕೆ ಅಷ್ಟೊಂದು ಮಹತ್ವ?