Virat Kohli ಅಲ್ಲವೇ ಅಲ್ಲ... 2025ರಲ್ಲಿ ಆರ್​ಸಿಬಿ ತಂಡವನ್ನು ಮುನ್ನಡೆಸುವವನು ಈತನೇ ನೋಡಿ!

ಬೆಂಗಳೂರು: 18ನೇ ಆವೃತ್ತಿಯ ಐಪಿಎಲ್​ಗೆ (IPL) ಸಂಬಂಧಿಸಿದಂತೆ ಮೆಗಾ ಹರಾಜು ಪ್ರಕ್ರಿಯೆ ನವೆಂಬರ್​ 24-25ರಂದು ಪೂರ್ಣಗೊಂಡಿದ್ದು, ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (Royal Challengers Bengaluru) ತಂಡವು 19 ಆಟಗಾರರನ್ನು ಖರೀದಿ ಮಾಡಿದೆ.  2025ರಲ್ಲಿ ಬಲಿಷ್ಠ ತಂಡವನ್ನು ಕಟ್ಟುವ ಮೂಲಕ ಹೊಸ ಅಧ್ಯಾಯ ಬರೆಯುವ ಮುನ್ಸೂಚನೆಯನ್ನು ನೀಡಿರುವ ಆರ್​ಸಿಬಿ ಫ್ರಾಂಚೈಸಿಯು ಅಬಿಮಾನಿಗಳ ಬಹುವರ್ಷಗಳ ಕನಸ್ಸನ್ನು ಸಾಕಾರಗೊಳಿಸುವ ಮುನ್ಸೂಚನೆಯನ್ನು ನೀಡಿದೆ.

ಕಳೆದ ಮೂರು ಆವೃತ್ತಿಗಳಲ್ಲಿ ತಂಡವನ್ನು ಮುನ್ನಡೆಸಿದ್ದ ಫಾಫ್​ ಡು ಪ್ಲೆಸಿಸ್​ (Faf Du Plessis) ಈ ಬಾರಿ ಮೆಗಾ ಹರಾಜಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ಸೇರಿಕೊಂಡಿದ್ದು, ಈಗ ಆರ್​ಸಿಬಿಯನ್ನು (RCB) ಯಾರು ಮುನ್ನಡೆಸಲಿದ್ದಾರೆ ಎಂಬ ಪ್ರಶ್ನೆ ಮೂಡಲು ಶುರುವಾಗಿದೆ. ನಾಯಕತ್ವದ ವಿಚಾರಕ್ಕೆ ಬರುವುದಾದರೆ ವಿರಾಟ್​ ಕೊಹ್ಲಿ (Virat Kohli) ಅವರ ಹೆಸರು ಮುಂಚೂಣಿಯಲ್ಲಿದ್ದು, ವಿರಾಟ್​ರನ್ನೇ ನಾಯಕನನ್ನಾಗಿ ನೇಮಿಸುವಂತೆ ಅಭಿಮಾನಿಗಳು ಫ್ರಾಂಚೈಸಿಗೆ ಬೇಡಿಕೆಯನ್ನು ಇರಿಸಿದ್ದಾರೆ.

ಒಂದು ವೇಳೆ ವಿರಾಟ್​ ಕೊಹ್ಲಿ (Virat Kohli) ನಾಯಕತ್ವ ವಹಿಸಿಕೊಳ್ಳಲು ಹಿಂದೇಟು ಹಾಕಿದರೆ ತಂಡದ ನಾಯಕ ಯಾರಾಗಲಿದ್ದಾರೆ ಎಂಬ ಪ್ರಶ್ನೆ ಅಭಿಮಾನಿಗಳನ್ನು ಕಾಡಲು ಶುರು ಮಾಡಿದ್ದು, ಅದಕ್ಕೆ ಪರ್ಯಾಯವಾಗಿ ಹೆಸರೊಂದು ಕೇಳಿ ಬಂದಿದೆ. ದೇಶೀಯ ಕ್ರಿಕೆಟ್​ನಲ್ಲಿ ತಮ್ಮ ಸ್ಪೋಟಕ ಬ್ಯಾಟಿಂಗ್​ ಮೂಲಕವೇ ಹೆಸರುವಾಸಿಯಾಗಿರುವ ರಜತ್​​ ಪಾಟಿದಾರ್​ (Rajat Patidar) ಅವರನ್ನು ಆರ್​ಸಿಬಿ ನಾಯಕನನ್ನಾಗಿ ನೇಮಿಸುತ್ತದೆ ಎಂದು ವರದಿಯಾಗಿದ್ದು, ಈ ಬಗ್ಗೆ ಇನ್ನಷ್ಟೇ ಅಧಿಕೃತವಾಗಬೇಕಿದೆ.

ಆರ್​ಸಿಬಿ ತಂಡದಲ್ಲಿ ಪ್ರಸ್ತುತ 22 ಆಟಗಾರರಿದ್ದು,  ನಾಯಕತ್ವದ ಅನುಭವ ಹೊಂದಿರುವವರು ವಿರಾಟ್ ಕೊಹ್ಲಿ (Virat Kohli) ಮಾತ್ರ. ಹೀಗಾಗಿಯೇ ಆರ್​ಸಿಬಿ ಫ್ರಾಂಚೈಸಿ ಕ್ಯಾಪ್ಟನ್ಸಿ ಸ್ಥಾನಕ್ಕೆ ವಿರಾಟ್​ಗೆ ಮಣೆ ಹಾಕುವುಸು ಪಕ್ಕಾ ಆಗಿದೆ. ವಿರಾಟ್​ಗೆ (Virat Kohli) ನಾಯಕನ ಪಟ್ಟ ನೀಡಲು  ಈ ಬಾರಿಯ ಮೆಗಾ ಹರಾಜಿನಲ್ಲಿ ಆರ್​ಸಿಬಿ (RCB) ನಾಯಕನ ಸ್ಥಾನ ತುಂಬಬಲ್ಲ ಯಾವುದೇ ಆಟಗಾರನನ್ನು ಟಾರ್ಗೆಟ್​ ಮಾಡದಿರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ.

ಈಗಾಗಲೇ ಫ್ರಾಂಚೈಸಿ ಕೂಡ ವಿರಾಟ್​ರನನ್ನು (Virat Kohli) ನಾಯಕನನ್ನಾಗಿ ಘೋಷಿಸುವುದು ಪಕ್ಕಾ ಆಗಿದ್ದು, ಈ ವಿಚಾರ ಅಧಿಕೃತವಾಗಬೇಕಿದೆ. 2025ರಲ್ಲಿ ವಿರಾಟ್ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕ್ಯಾಪ್ಟನ್ ಆಗಿ ಕಾಣಿಸಿಕೊಳ್ಳುವುದು ಖಚಿತವಾಗಿದ್ದು, ಈ ಬಾರಿ ವಿರಾಟ್​ ಕೊಹ್ಲಿ (Virat Kohli) ಸಾರಥ್ಯದಲ್ಲಿ ಆರ್​ಸಿಬಿ ಪಡೆ ಕಣಕ್ಕಿಳಿಯಲಿದೆ. ಈ ಮೂಲಕ 17 ವರ್ಷಗಳ ಕಪ್ ಗೆಲ್ಲಬೇಕೆಂಬ ಕನಸನ್ನು ನನಸು ಮಾಡಲಿದೆಯಾ ಎಂದು ಕಾದು ನೋಡಬೇಕಿದೆ.

https://www.vijayavani.net/pavithra-gowdas-daughter-post-goes-viral-in-social-media-after-mother-gets-bail-in-murder-case

https://www.vijayavani.net/bcci-pcb-agree-on-champions-trophy-model-these-are-the-conditions-report