ಮುಂಬೈ: ಬಾಲಿವುಡ್ನ ಅತ್ಯಂತ ವಿವಾದಾತ್ಮಕ ಕಾರ್ಯಕ್ರಮಗಳು ಯಾವುದು ಎಂದರೆ ಮೊದಲಿಗೆ ಕೇಳಿ ಬರುವ ಹೆಸರು ಕಾಫಿ ವಿತ್ ಕರಣ್. ಕರಣ್ ಜೋಹರ್ ನಡೆಸಿಕೊಡುವ ಈ ಕಾರ್ಯಕ್ರಮ ಸದಾ ವಿವಾದದ ಕೇಂದ್ರ ಬಿಂದುವಾಗಿದ್ದು, ಒಂದಿಲ್ಲೊಂದು ವಿಚಾರಕ್ಕೆ ಸದ್ದು ಮಾಡುತ್ತಿರುತ್ತದೆ. ಇದಕ್ಕೆ ಪೂರಕವೆಂಬಂತೆ ಕಾಫಿ ವಿತ್ ಕರಣ್ ಕಾರ್ಯಕ್ರಮದ ಹಳೇ ವಿಡಿಯೋ ಒಂದು ವೈರಲ್ ಆಗಿದ್ದು, ನಟಿಯರಾದ ದೀಪಿಕಾ ಪಡುಕೋಣೆ ಹಾಗೂ ಪ್ರಿಯಾಂಕ ಚೋಪ್ರಾ ನೀಡಿರುವ ಹೇಳಿಕೆ ಎಲ್ಲರ ಗಮನ ಸೆಳೆಯುತ್ತಿದೆ.
ಮೊದಲಿಗೆ ಪ್ರಿಯಾಂಕಾ ಚೋಪ್ರಾ ಅವರಿಗೆ ಪ್ರಶ್ನೆ ಕೇಳುವ ಕರಣ್, ನಿಮ್ಮ ಕೈಮೇಲೆ ಈ ಹಿಂದೆ ಹಾಕಿಸಲಾಗಿದ್ದ ಟ್ಯಾಟೂ ಈಗಲೂ ಇದೆಯಾ ಎಂದು ಕೇಳುತ್ತಾರೆ. ಇದಕ್ಕೆ ಉತ್ತರಿಸುವ ಪ್ರಿಯಾಂಕಾ ತಮ್ಮ ಕೈ ಮೇಲಿರುವ ಟ್ಯಾಟೂವನ್ನು ಕ್ಯಾಮರಾದತ್ತ ತೋರಿಸುತ್ತಾರೆ. ಇದಾದ ಬಳಿಕ ದೀಪಿಕಾರನ್ನು ಪ್ರಶ್ನೆ ಕೇಳುವ ಕರಣ್ಗೆ ಸಿಡಿಮಿಡಿಕೊಂಡ ದೀಪಿಕಾ ಕೋಪದಲ್ಲೇ ಉತ್ತರ ಕೊಡುತ್ತಾರೆ.
ಇದನ್ನೂ ಓದಿ: ಗ್ಯಾರಂಟಿ ಯೋಜನೆಗಳ ಸವಲತ್ತು ಪಡೆದರೆ ಸ್ವಾಭಿಮಾನ ಮಾರಿಕೊಂಡಂತೆ: ನಟ ಜಗ್ಗೇಶ್
ಇದಾದ ಬಳಿಕ ಮಾತನಾಡುವ ಕರಣ್ ಈಗ ರಾಜೀವ್ ಖಂಡೇಲ್ವಾಲ್ ನಿನ್ನೊಂದಿಗೆ ಡೇಟ್ ಮಾಡಬೇಕಾಗಬಹುದು, ಎಂದು ಹೇಳುತ್ತಾರೆ. ಇದಕ್ಕೆ ಕೋಪಗೊಂಡ ದೀಪಿಕಾ ಈಗ ನಾನು ಅವನಿಗೆ ಕಪಾಳಕ್ಕೆ ಹೊಡೆಬಹುದೇ ಎಂದು ಕೇಳುತ್ತಾಳೆ. ಜೊತೆಯಲ್ಲಿ ಕುಳಿತಿದ್ದ ಪ್ರಿಯಾಂಕಾ ಚೋಪ್ರಾ ನೀವಲ್ಲದೇ ಈ ಕೆಲಸವನ್ನು ಬೇರೆ ಯಾರಾದರೂ ಮಾಡಲೇಬೇಕು ಎಂದು ಹೇಳುತ್ತಾರೆ.
ಈ ವಿಡಿಯೋ ಪ್ರಸ್ತುತ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಕರಣ್ ಜೋಹರ್ ಪ್ರಶ್ನೆ ಕೇಳಿದ ರೀತಿಗೆ ಹಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಮೊದಲಿಗೆ ಸಲೆಬ್ರಿಟಿಗಳು ಕಾಫಿ ವಿತ್ ಕರಣ್ ಕಾರ್ಯಕ್ರಮಕ್ಕೆ ಹೋಗುವುದನ್ನು ನಿಲ್ಲಿಸಿದರೆ ಯಾವುದೇ ವಿವಾದವಾಗುವುದಿಲ್ಲ ಎಂದು ಕಮೆಂಟ್ ಮಾಡಿದ್ದಾರೆ.