ಏನಿದು ಟ್ರಂಪ್​ ಗೋಲ್ಡ್​, ಪ್ಲಾಟಿನಮ್​ ಕಾರ್ಡ್​? ಯಾರಿಗೆಲ್ಲ ಇದು ಲಾಭ? ಇಲ್ಲಿದೆ ವಿವರ | Trump Gold Card

Trump Gold Card: ಸದಾ ಜಾಲತಾಣಗಳಲ್ಲಿ ಒಂದಲ್ಲ ಒಂದು ವಿಚಾರಗಳಿಂದ ಸದ್ದು ಮಾಡುವ ಹಾಗೂ ಸುದ್ದಿಯಲ್ಲಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಇದೀಗ H-1B ವೀಸಾ ಕುರಿತು ಪ್ರಮುಖ ನಿರ್ಧಾರವನ್ನೇ ಕೈಗೊಂಡಿದ್ದಾರೆ.

ಇದನ್ನೂ ಓದಿ: ನಿಮ್ಮ ಉಗುರುಗಳ ಮೇಲೆ ಬಿಳಿ ಗೆರೆಗಳಿವೆಯೇ? ಇದು ಈ ಅಪಾಯಕಾರಿ ಕಾಯಿಲೆಯ ಸಂಕೇತ! |Nails

H-1B ವೀಸಾ ಅರ್ಜಿಗಳಿಗೆ ವಾರ್ಷಿಕ ಶುಲ್ಕವನ್ನು ಒಂದು ಲಕ್ಷ ಡಾಲರ್‌ಗೆ ನಿಗದಿಪಡಿಸುವ ಕಾರ್ಯನಿರ್ವಾಹಕ ಆದೇಶಕ್ಕೆ ಟ್ರಂಪ್ ಸಹಿ ಹಾಕಿರುವುದು ಮಹತ್ತರ ಬೆಳವಣಿಗೆ. ಅದೇ ಸಮಯದಲ್ಲಿ, ತಮ್ಮ ಹೆಸರಿನಲ್ಲಿ ಬರುವ ಗೋಲ್ಡ್ ಕಾರ್ಡ್ ಕೂಡ ಘೋಷಿಸಿದ್ದಾರೆ. ಅಮೆರಿಕದ ನಾಗರಿಕರಾಗಲು ಬಯಸುವವರು ಈ ಗೋಲ್ಡ್​ ಕಾರ್ಡ್ ಖರೀದಿಸುವ ಮೂಲಕ ಪೌರತ್ವ ಪಡೆಯಬಹುದು ಎಂದು ಟ್ರಂಪ್ ಸ್ಪಷ್ಟಪಡಿಸಿದ್ದಾರೆ.

ಟ್ರಂಪ್ ಕಾರ್ಡ್​ ಮಯ!

ಪ್ರಕ್ರಿಯೆಗೆ ತಗುಲುವ ಶುಲ್ಕವನ್ನು ಹೊರತುಪಡಿಸಿ ಗೋಲ್ಡ್ ಕಾರ್ಡ್‌ನ ಬೆಲೆಯನ್ನು 1 ಮಿಲಿಯನ್‌ ಡಾಲರ್​ಗೆ ನಿಗದಿಪಡಿಸಿರುವ ಟ್ರಂಪ್​, ಅದನ್ನೇ ಕಂಪನಿಗಳಿಗೆ 2 ಮಿಲಿಯನ್ ಆಗಿರುತ್ತದೆ ಎಂದು ತಿಳಿಸಿದ್ದಾರೆ. ಈ ಸಮಯದಲ್ಲಿ, ಪ್ಲಾಟಿನಂ ಕಾರ್ಡ್ ಅನ್ನು ಸಹ ಪರಿಚಯಿಸಲಾಗಿದೆ. ಇದರ ಮೌಲ್ಯ 5 ಮಿಲಿಯನ್ ಡಾಲರ್​ ಎಂದು ಹೇಳಲಾಗಿದೆ. ವಿದೇಶಿಯರು ಈ ಮೊತ್ತವನ್ನು ಪಾವತಿಸಬಹುದು ಮತ್ತು ಯಾವುದೇ ತೆರಿಗೆಗಳಿಲ್ಲದೆ 270 ದಿನಗಳವರೆಗೆ ಯುಎಸ್‌ನಲ್ಲಿ ಉಳಿಯಬಹುದು ಎಂದು ತಿಳಿಸಲಾಗಿದೆ. ಆದಾಗ್ಯೂ, ಯುಎಸ್‌ನಲ್ಲಿ ಗಳಿಸಿದ ಹಣದ ಮೇಲೆ ತೆರಿಗೆಗಳನ್ನು ಪಾವತಿಸಬೇಕಾಗುತ್ತದೆ ಎಂಬುದನ್ನೂ ಹೇಳಲಾಗಿದೆ.

ಟ್ರಂಪ್ ಈ ವರ್ಷದ ಫೆಬ್ರವರಿಯಲ್ಲಿ ಫಲಾನುಭವಿಗಳಿಗೆ ಐದು ಮಿಲಿಯನ್ ಡಾಲರ್‌ ಮೌಲ್ಯದ ಪ್ಲಾಟಿನಮ್​ ಕಾರ್ಡ್ ಅನ್ನು ಪರಿಚಯಿಸಿದರು. ಆದಾಗ್ಯೂ, ಪ್ಲಾಟಿನಂ ಕಾರ್ಡ್‌ಗೆ ಯುಎಸ್ ಕಾಂಗ್ರೆಸ್‌ನ ಅನುಮೋದನೆ ಕಡ್ಡಾಯವಾಗಿದೆ. ಗೋಲ್ಡ್ ಕಾರ್ಡ್ ಅಮೆರಿಕಕ್ಕೆ 100 ಬಿಲಿಯನ್ ಡಾಲರ್ ಗಳಿಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಟ್ರಂಪ್ ಹೇಳಿದ್ದು, ಗೋಲ್ಡ್ ಕಾರ್ಡ್ ನಿಧಿಯನ್ನು ತೆರಿಗೆ ಕಡಿತ, ಅಭಿವೃದ್ಧಿ ಯೋಜನೆಗಳು ಮತ್ತು ಸಾಲ ಮರುಪಾವತಿಗೆ ಬಳಸಲಾಗುವುದು ಎಂದಿದ್ದಾರೆ.

ಟ್ರಂಪ್ ಗೋಲ್ಡ್ ಕಾರ್ಡ್ ಪಡೆಯುವುದೇಗೆ?

ಟ್ರಂಪ್ ಗೋಲ್ಡ್ ಕಾರ್ಡ್ ಪಡೆಯಲು ನೀವು 1 ಮಿಲಿಯನ್ ಡಾಲರ್ (ಅಂದರೆ ಸುಮಾರು 8.8 ಕೋಟಿ ರೂ.) ಪಾವತಿಸಬೇಕು. ಈ ಕಾರ್ಡ್ ಪಡೆಯಲು ಬಯಸುವವರು ಮರುಪಾವತಿಸಲಾಗದ ಪ್ರಕ್ರಿಯೆ ಶುಲ್ಕದೊಂದಿಗೆ ಅರ್ಜಿಗಳನ್ನು ಸಲ್ಲಿಸಬೇಕು. ಈ ಗೋಲ್ಡ್ ಕಾರ್ಡ್ ಪಡೆದ ನಂತರ, ನೀವು ಅಮೆರಿಕದ ಎಲ್ಲಾ 50 ರಾಜ್ಯಗಳಲ್ಲಿ ಎಲ್ಲಿ ಬೇಕಾದರೂ ಹೋಗಿ ಕಾರ್ಡ್​ ಅನ್ನು ಬಳಸಬಹುದಾಗಿದೆ.

ಪ್ಲಾಟಿನಂ ಕಾರ್ಡ್ ಲಾಭವೇನು?

ಟ್ರಂಪ್ ಪ್ಲಾಟಿನಂ ಕಾರ್ಡ್ ಪಡೆಯಲು, ನೀವು 5 ಮಿಲಿಯನ್ ಡಾಲರ್ (ಅಂದರೆ ಸುಮಾರು 44 ಕೋಟಿ ರೂ.) ಪಾವತಿಸಬೇಕು. ಈ ಕಾರ್ಡ್‌ಗಾಗಿ ನೋಂದಣಿ ಪ್ರಕ್ರಿಯೆ ಇನ್ನೂ ಪ್ರಾರಂಭವಾಗಿಲ್ಲ. ಆದಾಗ್ಯೂ, ಒಬ್ಬ ವ್ಯಕ್ತಿಯು ಈ ಪ್ಲಾಟಿನಂ ಕಾರ್ಡ್‌ಗೆ ಸೈನ್ ಅಪ್ ಮಾಡಿ ಕಾಯುವ ಪಟ್ಟಿಯಲ್ಲಿ ತನ್ನ ಸ್ಥಾನವನ್ನು ಪಡೆಯಬೇಕು. ಇಲ್ಲಿ ಪ್ರಕ್ರಿಯೆ ಶುಲ್ಕವನ್ನು ಪಾವತಿಸಬೇಕು ಮತ್ತು ಹೋಮ್‌ಲ್ಯಾಂಡ್ ಸೆಕ್ಯುರಿಟಿ ಇಲಾಖೆಯು ಅದನ್ನು ಪರಿಶೀಲಿಸಲು ಕಾಯಬೇಕು. ಈ ಕಾರ್ಡ್ ಪಡೆದರೆ, ನೀವು ಇತರ ದೇಶಗಳಲ್ಲಿ ಗಳಿಸಿದ ಆದಾಯದ ಮೇಲೆ ತೆರಿಗೆ ಪಾವತಿಸದೆ ಅಮೆರಿಕದಲ್ಲಿ 270 ದಿನಗಳವರೆಗೆ ಸಮಯ ಕಳೆಯಬಹುದಾಗಿದೆ,(ಏಜೆನ್ಸೀಸ್).

https://www.vijayavani.net/oil-kumar-survives-only-by-drinking-engine-oil