More

    ಭಾರತದ ನಂಬರ್​ 1 ಶ್ರೀಮಂತ ಅಂಬಾನಿಯ ಆಸ್ತಿ ಮೌಲ್ಯ ಎಷ್ಟು? ಜಗತ್ತಿನ ಕುಬೇರ ಯಾರು?

    ಮುಂಬೈ: ಮುಂಬೈ: ರಿಲಯನ್ಸ್​ ಇಂಡಸ್ಟ್ರೀಸ್​ ಲಿಮಿಟೆಡ್​ (RIL) ಷೇರುಗಳಲ್ಲಿ 9 ಪ್ರತಿಶತದಷ್ಟು ಲಾಭ ಮತ್ತು ಷೇರು ಮಾರುಕಟ್ಟೆಯಲ್ಲಿ ಜಿಯೋ ಫೈನಾನ್ಷಿಯಲ್‌ ಪಟ್ಟಿ ಆಗುವುದರೊಂದಿಗೆ ರಿಲಯನ್ಸ್ ಇಂಡಸ್ಟ್ರೀಸ್‌ನ ಅಧ್ಯಕ್ಷ ಮುಕೇಶ್ ಅಂಬಾನಿ ಅವರು 2023ರಲ್ಲಿ 9.98 ಶತಕೋಟಿ ಡಾಲರ್​ಗಳಷ್ಟು ಹೆಚ್ಚು ಶ್ರೀಮಂತರಾಗಿದ್ದಾರೆ ಎಂದು ಬ್ಲೂಮ್‌ಬರ್ಗ್ ದತ್ತಾಂಶಗಳು ತಿಳಿಸಿವೆ.

    ಭಾರತದ ನಂಬರ್​ 1 ಶ್ರೀಮಂತ ಭಾರತೀಯ ಮತ್ತು ವಿಶ್ವದ 13 ನೇ ಶ್ರೀಮಂತ ವ್ಯಕ್ತಿಯಾಗಿರುವ ಮುಕೇಶ್​ ಅವರ ಆಸ್ತಿಯ ಮೌಲ್ಯವು ಈ ವರ್ಷ 97.1 ಶತಕೋಟಿ ಡಾಲರ್ (8,08,346 ಕೋಟಿ ರೂಪಾಯಿ)​ ಆಗಿದೆ.

    ಬ್ಲೂಮ್‌ಬರ್ಗ್ ಮಾಹಿತಿಯ ಪ್ರಕಾರ, 500 ಶ್ರೀಮಂತ ವ್ಯಕ್ತಿಗಳ ಸಾಮೂಹಿಕ ನಿವ್ವಳ ಮೌಲ್ಯವು 2023 ರಲ್ಲಿ 1.5 ಲಕ್ಷ ಕೋಟಿ ಡಾಲರ್​ ಏರಿಕೆಯಾಗಿದೆ, ಹಿಂದಿನ ವರ್ಷದಲ್ಲಿ 1.4 ಲಕ್ಷ ಕೋಟಿ ಡಾಲರ್​ ನಷ್ಟವಾಗಿದ್ದು, ಈ ವರ್ಷ ಈ ನಷ್ಟ ತುಂಬಿದಂತಾಗಿದೆ.

    ಎಲೋನ್ ಮಸ್ಕ್ ಅವರು ಫ್ರೆಂಚ್ ಐಷಾರಾಮಿ ವಸ್ತುಗಳ ಉದ್ಯಮಿ ಬರ್ನಾರ್ಡ್ ಅರ್ನಾಲ್ಟ್ ಅವರಿಂದ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಂಬ ಬಿರುದನ್ನು ಮರಳಿ ಪಡೆದಿದ್ದಾರೆ. 2022 ರಲ್ಲಿ 138 ಶತಕೋಟಿ ಡಾಲರ್​ ಕಳೆದುಕೊಂಡ ನಂತರ ಮಸ್ಕ್​ ಅವರು ಟೆಸ್ಲಾ ಮತ್ತು ಸ್ಪೇಸ್‌ಎಕ್ಸ್‌ನ ಯಶಸ್ಸಿನಿಂದ 95.4 ಶತಕೋಟಿ ಡಾಲರ್​ ಗಳಿಸಿದ್ದಾರೆ.

    ಹಿಂಡೆನ್‌ಬರ್ಗ್​ ಆರೋಪಗಳ ಹಿನ್ನೆಲೆಯಲ್ಲಿ ನಷ್ಟ ಅನುಭವಿಸಿರುವ ಎರಡನೇ ಶ್ರೀಮಂತ ಭಾರತೀಯ ಗೌತಮ್ ಅದಾನಿ ಅವರು ಈ ವರ್ಷ 37.3 ಶತಕೋಟಿ ಡಾಲರ್​ ಕಳೆದುಕೊಂಡಿದ್ದಾರೆ. ಸೂಚ್ಯಂಕದ ಪ್ರಕಾರ ಅವರ ನಿವ್ವಳ ಮೌಲ್ಯವು 83.2 ಶತಕೋಟಿ ಡಾಲರ್​ ಆಗಿದೆ, ಇದು 31 ಪ್ರತಿಶತ ಕುಸಿತ ಕಂಡಿದೆ.

    ಅದಾನಿ ಅವರನ್ನು ಹೊರತುಪಡಿಸಿ, ಡಿ-ಮಾರ್ಟ್‌ನ ರಾಧಾಕಿಶನ್ ದಮಾನಿ ಅವರು 18.7 ಕೋಟಿ ಡಾಲರ್​ ಕಳೆದುಕೊಂಡು ಸಂಪತ್ತಿನ ಕುಸಿತವನ್ನು ಕಂಡ ಮತ್ತೊಬ್ಬ ಪ್ರಮುಖ ಭಾರತೀಯರಾಗಿದ್ದಾರೆ. ಅವೆನ್ಯೂ ಸೂಪರ್‌ಮಾರ್ಟ್ಸ್ (ಡಿ-ಮಾರ್ಟ್‌ನ ಮೂಲ ಕಂಪನಿ) ಷೇರುಗಳು 2023 ರಲ್ಲಿ ಹೆಚ್ಚಳ ಕಂಡಿಲ್ಲ.

    ಶ್ರೀಮಂತ ಪಟ್ಟಿಯಲ್ಲಿರುವ ಇತರ ಪ್ರಮುಖ ಭಾರತೀಯ ಹೆಸರುಗಳೆಂದರೆ ಎಚ್​ಸಿಎಲ್​ ಟೆಕ್ ಸಂಸ್ಥಾಪಕ ಶಿವ ನಾಡಾರ್. ಇವರು ಈ ವರ್ಷ 9.47 ಶತಕೋಟಿ ಡಾಲರ್​ ಗಳಿಸಿದ್ದು ಇವರ ಆಸ್ತಿ ಮೌಲ್ಯ 34 ಶತಕೋಟಿ ಡಾಲರ್​ ತಲುಪಿದೆ. ಎಚ್‌ಸಿಎಲ್ ಟೆಕ್ ಷೇರುಗಳು ಈ ವರ್ಷ ಶೇ.41ರಷ್ಟು ಜಿಗಿತ ಕಂಡಿವೆ.

    ಭಾರತದ ಅತ್ಯಂತ ಶ್ರೀಮಂತ ಮಹಿಳೆ, ಒಪಿ ಜಿಂದಾಲ್ ಗ್ರೂಪ್‌ನ ಮಾಜಿ ಅಧ್ಯಕ್ಷೆ ಸಾವಿತ್ರಿ ಜಿಂದಾಲ್ ಅವರು 8.93 ಶತಕೋಟಿ ಡಾಲರ್​ ಹಣವನ್ನು ಈ ವರ್ಷ ತಮ್ಮ ಆಸ್ತಿಗೆ ಸೇರಿಸಿದ್ದಾರೆ. ಅವರು ಭಾರತದ ಅಗ್ರ 3ನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಜಿಂದಾಲ್‌ನ ಒಟ್ಟು ನಿವ್ವಳ ಮೌಲ್ಯವು 24.7 ಶತಕೋಟಿ ಡಾಲರ್​ ಆಗಿದೆ.

    ಆದಿತ್ಯ ಬಿರ್ಲಾ ಗ್ರೂಪ್‌ನ ಕುಮಾರ್ ಮಂಗಳಂ ಬಿರ್ಲಾ ಅವರು 7.09 ಶತಕೋಟಿ ಡಾಲರ್, ಸನ್ ಫಾರ್ಮಾದ ದಿಲೀಪ್ ಶಾಂಘ್ವಿ 5.26 ಶತಕೋಟಿ ಡಾಲರ್​, ಮತ್ತು ಏರ್‌ಟೆಲ್‌ನ ಸುನಿಲ್ ಮಿತ್ತಲ್ 3.62 ಶತಕೋಟಿ ಡಾಲರ್​ ಗಳಿಕೆಯನ್ನು 2023 ರಲ್ಲಿ ಮಾಡಿದ್ದಾರೆ.

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts