ಮುಂಬೈ: ಬಾಲಿವುಡ್ನಲ್ಲಿ ಈ ಮೊದಲು ಫ್ಯಾಷನ್ ಐಕಾನ್ ಎನ್ನಿಸಿಕೊಂಡಿದ್ದ ಸೋನಮ್ ಕಪೂರ್ ತಮ್ಮ ವೃತ್ತಿಜೀವನದುದ್ದಕ್ಕೂ ಹಲವು ಸಮಸ್ಯೆಗಳ ಬಗ್ಗೆ ಧ್ವನಿಯೆತ್ತಿದ್ದಾರೆ. ಸದ್ಯ ನಟಿ ಭಾರತದ ನೆರೆಯ ದೇಶ ಬಾಂಗ್ಲಾದ ಪ್ರಸ್ತುತ ಪರಿಸ್ಥಿತಿ ಬಗ್ಗೆ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಬಾಂಗ್ಲಾದೇಶದ ದುರದೃಷ್ಟಕರ ಸ್ಥಿತಿ ಬಗ್ಗೆ ಮಾತನಾಡಿದ ಮೊದಲ ಸೆಲಿಬ್ರಿಟಿ ನಟಿ ಸೋನಮ್ ಕಪೂರ್ ಆಗಿದ್ದಾರೆ.
ಇದನ್ನು ಓದಿ: ಸಂಜಯ್ ಲೀಲಾ ಬನ್ಸಾಲಿ ಸಿನಿಮಾಗಳಲ್ಲಿ ನನ್ನಂತಹ ನಟರ ಅಗತ್ಯವಿಲ್ಲ ಎಂದಿದ್ದೇಕೆ ಮನೋಜ್ ಬಾಜಪೇಯಿ
ಬಾಂಗ್ಲಾದೇಶದಲ್ಲಿ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಒಂದೇ ದಿನದಲ್ಲಿ 66 ಜನರು ಮೃತಪಟ್ಟಿದ್ದಾರೆ. ಪರಿಸ್ಥಿತಿ ಬಹಳ ಭೀಕರವಾಗಿದೆ. ನಾವೆಲ್ಲರೂ ಬಾಂಗ್ಲಾದೇಶದ ಜನರಿಗಾಗಿ ಪ್ರಾರ್ಥಿಸೋಣ ಎಂದು ನಟಿ ಸೋನಮ್ ಕಪೂರ್ ಸಾಮಾಜಿಕ ಜಾಲತಾಣದಲ್ಲಿ ಮಾಡಿರುವ ಪೋಸ್ಟ್ನಲ್ಲಿ ಬರೆದಿದ್ದಾರೆ
ಸರ್ಕಾರಿ ಉದ್ಯೋಗದಲ್ಲಿನ ಮೀಸಲಾತಿ ವ್ಯವಸ್ಥೆಯನ್ನು ರದ್ದುಗೊಳಿಸಬೇಕೆಂದು ವಿದ್ಯಾರ್ಥಿ ಗುಂಪುಗಳಿಂದ ಜುಲೈನಲ್ಲಿ ಪ್ರಾರಂಭವಾದ ಪ್ರತಿಭಟನೆ ಹಿಂಸಾತ್ಮಕ ರೂಪವನ್ನು ಪಡೆದುಕೊಂಡಿದೆ. ಪ್ರತಿಭಟನಾಕಾರರನ್ನು ಚದುರಿಸಲು ಭಾನುವಾರ ಪೊಲೀಸರು ಅಶ್ರುವಾಯು ಮತ್ತು ರಬ್ಬರ್ ಬುಲೆಟ್‌ಗಳನ್ನು ಬಳಸಿದರು. ಆ ಸಮಯದಲ್ಲಿ ಕನಿಷ್ಠ 91ಮಂದಿ ಮೃತಪಟ್ಟಿದ್ದಾರೆ ಮತ್ತು 100 ಜನರು ಗಾಯಗೊಂಡಿದ್ದಾರೆ.
ಸರ್ಕಾರ ಭಾನುವಾರ ಸಂಜೆಯಿಂದ ರಾಷ್ಟ್ರವ್ಯಾಪಿ ಕರ್ಫ್ಯೂ ವಿಧಿಸಲಾಗಿದೆ. ಸೋಮವಾರದಿಂದ ಮೂರು ದಿನಗಳ ಸಾರ್ವತ್ರಿಕ ರಜೆಯನ್ನು ಘೋಷಿಸಿತು. ರೈಲು ಸೇವೆಗಳನ್ನು ಸ್ಥಗಿತಗೊಳಿಸಲಾಯಿತು ಮತ್ತು ದೇಶದ ಜವಳಿ ಉದ್ಯಮವನ್ನು ಮುಚ್ಚಲಾಗಿದೆ. ಪ್ರತಿಪಕ್ಷಗಳು ಬಹಿಷ್ಕರಿಸಿದ ಚುನಾವಣೆಯಲ್ಲಿ ಜನವರಿಯಲ್ಲಿ ನಾಲ್ಕನೇ ಬಾರಿಗೆ ಗೆದ್ದ ಪ್ರಧಾನಿ ಶೇಖ್ ಹಸೀನಾ ಅವರನ್ನು ಪದಚ್ಯುತಗೊಳಿಸುವ ಅಭಿಯಾನವಾಗಿ ಪ್ರತಿಭಟನೆಗಳು ಉಲ್ಬಣಗೊಂಡಿವೆ ಎಂದು ಹೇಳಲಾಗುತ್ತಿದೆ.
ಕೊನೆಯದಾಗಿ ಬ್ಲೈಂಡ್ ಚಿತ್ರದಲ್ಲಿ ಕಾಣಿಸಿಕೊಂಡ ನಟಿ ಸೋನಮ್ ಕಪೂರ್ ವೈಯಕ್ತಿಕ ವಿಚಾರಗಳಿಂದ ಸಿನಿಮಾದಿಂದ ದೂರ ಉಳಿದರು. ನಟಿ ಸೋನಮ್ ತಮ್ಮ ಪತಿ ಆನಂದ್ ಅಹುಜಾ ಮತ್ತು ಮಗ ವಾಯು ಅವರೊಂದಿಗೆ ಲಂಡನ್‌ನಲ್ಲಿ ವಾಸಿಸುತ್ತಿದ್ದಾರೆ. (ಏಜೆನ್ಸೀಸ್)
ಮುಸ್ಲಿಮರ ಬಗ್ಗೆ ಬಿಜೆಪಿಗಿರುವ ಚಿಂತನೆ ಸಂವಿಧಾನ ವಿರೋಧಿ; ಅಖಿಲೇಶ್ ಯಾದವ್
