ಬಿಜೆಪಿಯಿಂದ ಲಿಂಗಾಯತರಿಗೆ ಅನ್ಯಾಯವಾಗಿದೆ, ಯಡಿಯೂರಪ್ಪರನ್ನು ಕಣ್ಣೀರು ಹಾಕಿಸಲಾಯಿತು, ಶೆಟ್ಟರ್, ಸವದಿಗೆ ಟಿಕೆಟ್ ಕೊಡದೇ ಅನ್ಯಾಯ ಮಾಡಲಾಯಿತು ಎಂದು ಪುನಃ ಪುನಃ ಬಿಂಬಿಸಲಾಯಿತು. ಇನ್ನು ಪ್ರಮುಖ ಪರಿಣಾಮ ಬೀರಿದ್ದು, ಮುಸ್ಲಿಂ, ಕುರುಬ ಸಮುದಾಯದ ಮತಗಳು ಚದುರದಂತೆ ನೋಡಿಕೊಳ್ಳಲಾಗಿತ್ತು. ಬಜರಂಗದಳ ನಿಷೇಧ ಮಾಡುತ್ತೇವೆಂಬ ಸಂಗತಿಯನ್ನು ಪ್ರಣಾಳಿಕೆಯಲ್ಲಿ ಭರವಸೆ ರೂಪದಲ್ಲಿ ನೀಡುವ ಮೂಲಕ ಮುಸ್ಲಿಂ ಮತ ಅತ್ತಿತ್ತ ಹೋಗದಂತೆ ಮಾಡಿ ಜೆಡಿಎಸ್ ಮತ ಗಳಿಕೆಗೂ ಬ್ರೇಕ್ ಹಾಕಲಾಯಿತು. ಜತೆಗೆ ಬಿಜೆಪಿಯ ಮೀಸಲು ವರ್ಗೀಕರಣ ಚುನಾವಣೆ ಮೇಲೆ ಪರಿಣಾಮ ಬೀರದಂತೆ ಪ್ರತ್ಯೇಕ ಕ್ಯಾಂಪೇನ್ ಕೂಡ ನಡೆದಿತ್ತು. ಒಟ್ಟಾರೆ, ಈ ಎಲ್ಲ ಅಂಶಗಳು ಕಾಂಗ್ರೆಸನ್ನು ಈ ಸ್ಥಿತಿಗೆ ತಂದು ನಿಲ್ಲಿಸಿದೆ.
