ಕರೊನಾ ವೈರಸ್​ ಪಾಸಿಟಿವ್​ ವರದಿ ತಳ್ಳಿಹಾಕಿದ ಲಾರಾ

ನವದೆಹಲಿ: ಕೋವಿಡ್​-19 ಪಾಸಿಟಿವ್​ ಇರುವ ವರದಿಯನ್ನು ವೆಸ್ಟ್​ ಇಂಡೀಸ್​ ದಿಗ್ಗಜ ಬ್ರಿಯಾನ್​ ಲಾರಾ ತಳ್ಳಿಹಾಕಿದ್ದಾರೆ. ಈ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಸ್ಪಷ್ಟನೆ ನೀಡಿರುವ ಲಾರಾ, ಕೋವಿಡ್​-19ರ ಪರೀಕ್ಷೆಗೆ ಒಳಗಾಗಿದ್ದು ನನ್ನ ವರದಿ ನೆಗೆಟಿವ್​ ಬಂದಿದೆ. ಆದರೆ, ಪಾಸಿಟಿವ್​ ವರದಿ ಬಂದಿದೆ ಎಂದು ತಪ್ಪು ಮಾಹಿತಿ ಹರಿದಾಡುತ್ತಿದೆ ಎಂದು ಲಾರಾ ಹೇಳಿದ್ದಾರೆ. ನನ್ನ ಕೋವಿಡ್​ -19ರ ವರದಿ ಪಾಸಿಟಿವ್​ ವರದಿ ಬಂದಿದೆ ಎಂದು ಎಲ್ಲೆಡೆ ಸುದ್ದಿಯಾಗುತ್ತಿದೆ. ಇದು ತಪ್ಪು ಮಾಹಿತಿ. ಈಗಾಗಲೇ ಕೋವಿಡ್​ -19 ರಿಂದ ಎಲ್ಲೆಡೆ ಜನರು ಭಯಭೀತರಾಗಿದ್ದಾರೆ. ಸುಳ್ಳು ಸುದ್ದಿಗಳನ್ನು ಹಬ್ಬಿಸಬೇಡಿ ಎಂದು ಲಾರಾ ಮನವಿ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: ಐಪಿಎಲ್‌ಗೆ ನಷ್ಟದ ಭೀತಿ, ಇನ್ನಷ್ಟು ಚೀನಾ ಕಂಪನಿಗಳು ಪ್ರಾಯೋಜಕತ್ವ ತ್ಯಜಿಸುವ ಸಾಧ್ಯತೆ

ಇದರಿಂದ ಜನ ಮತ್ತಷ್ಟು ಆತಂಕಕ್ಕೆ ಒಳಗಾಗಿದ್ದಾರೆ. ಎಂದು ಲಾರಾ ಇನ್​ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ. ತಪ್ಪು ಮಾಹಿತಿ, ಅನಗತ್ಯವಾಗಿ ತಪ್ಪು ಮಾಹಿತಿ ಹರಡುವುರಿಂದ ಜನರ ಮನಸು ಘಾಸಿಗೊಳಿಸಿದಂತೆ ಎಂದು ಲಾರಾ ಹೇಳಿದ್ದಾರೆ. ನನಗೆ ವೈಯಕ್ತಿಕವಾಗಿ ಸಮಸ್ಯೆಯಾಗದಿದ್ದರೂ ಸಮುದಾಯದ ದೃಷ್ಟಿಯಿಂದ ಇಂಥ ತಪ್ಪು ವರದಿಗಳು ಒಳ್ಳೆಯದಲ್ಲ. ಎಲ್ಲರಿಗೂ ಒಳ್ಳೆದಾಗಲಿ, ಆದಷ್ಟು ಬೇಗ ಈ ಮಹಾಮಾರಿ ದೂರವಾಗಲಿ ಎಂದು 51 ವರ್ಷದ ಲಾರಾ ಬರೆದುಕೊಂಡಿದ್ದಾರೆ. ಲಾರಾಗೆ ಕರೊನಾ ವೈರಸ್​ ಪಾಸಿಟಿವ್​ ಬಂದಿದೆ ಎಂದು ಸುಳ್ಳು ವರದಿ ಪ್ರಕಟವಾದ ಬೆನ್ನಲ್ಲೇ ಕಳೆದ 24 ಗಂಟೆಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸಂಚಲನವೇ ಮೂಡಿತ್ತು.

ಇದನ್ನೂ ಓದಿ: ಯುಎಸ್ ಓಪನ್‌ಗೆ ನೇರಪ್ರವೇಶ ಪಡೆದ ಸುಮಿತ್ ನಗಾಲ್

2007ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಹೇಳಿದ ಲಾರಾ, ಅಂತಾರಾಷ್ಟ್ರೀಯ ಪಂದ್ಯಗಳಿಂದ 53 ಶತಕ ಒಳಗೊಂಡಂತೆ 22,358 ರನ್​ ಪೇರಿಸಿದ್ದಾರೆ. 2004ರಲ್ಲಿ ಇಂಗ್ಲೆಂಡ್​ ಎದುರು ಟೆಸ್ಟ್​ ಕ್ರಿಕೆಟ್​ನಲ್ಲಿ ಲಾರಾ 400 ರನ್​ ಸಿಡಿಸಿರುವುದು ಇದುವರೆಗೂ ವೈಯಕ್ತಿಕ ವಿಶ್ವದಾಖಲೆಯಾಗಿ ಉಳಿದಿದೆ.