ನಾವು ಭಾರತದ ಈ ಕ್ರೀಡಾಂಗಣಕ್ಕೆ ಇನ್ನೆಂದಿಗೂ ಬರುವುದಿಲ್ಲ; ಬಿಸಿಸಿಐ ವಿರುದ್ಧ ಅಫ್ಘನ್​ ಕ್ರಿಕೆಟ್​ ಮಂಡಳಿ ಕಿಡಿ

ನೋಯ್ಡಾ: ಇತ್ತೀಚಿನ ವರ್ಷಗಳಲ್ಲಿ ಅಫ್ಘಾನಿಸ್ತಾನ ಕ್ರಿಕೆಟ್​ ತಂಡವು ಅಂತಾರಾಷ್ಟ್ರೀಯತ ಮಟ್ಟದಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದು, ಹಲವು ತಂಡಗಳಿಗೆ ಮಣ್ಣು ಮುಕ್ಕಿಸಿದೆ ಎಂದರೆ ತಪ್ಪಾಗಲಾರದು. 2017ರಲ್ಲಿ ಐಸಿಸಿಯಿಂದ ಮಾನ್ಯತೆ ಪಡೆದ ಅಫ್ಘಾನಿಸ್ತಾನ ಕ್ರಿಕೆಟ್​ ತಂಡವನ್ನು ಕ್ರೀಡಾವಲಯದಲ್ಲಿ ಅಂಡರ್​ಡಾಗ್ಸ್​ ಎಂದು ಕರೆಯಲಾಗುತ್ತಿತ್ತು. 09ನೇ ಆವೃತ್ತಿಯ ಟಿ20 ವಿಶ್ವಕಪ್​ನಲ್ಲಿ ನ್ಯೂಜಿಲೆಂಡ್​, ಆಸ್ಟ್ರೇಲಿಯಾದಂತಹ ಬಲಿಷ್ಠ ತಂಡಗಳನ್ನು ಮಣಿಸಿ ಸೆಮಿಫೈನಲ್​ಗೇರಿದ ಅಫ್ಘಾನಿಸ್ತಾನ ತಂಡದ ಯಶಸ್ಸಿನಲ್ಲಿ ಭಾರತ ಪ್ರಮುಖ ಪಾತ್ರ ವಹಿಸಿದೆ ಎಂದು ಹೇಳಬಹುದಾಗಿದೆ.

ಅಫ್ಘಾನಿಸ್ತಾನದ ಯಶಸ್ಸಿನಲ್ಲಿ ಭಾರತೀಯ ಕ್ರಿಕೆಟ್​ ನಿಯಂತ್ರಣ ಮಂಡಳಿ (BCCI) ಪ್ರಮುಖ ಪಾತ್ರ ವಹಿಸಿದೆ ಎಂದು ಹೇಳಿದರೆ ತಪ್ಪಾಗಲಾರದು. ಏಕೆಂದರೆ ಈ ಹಿಂದೆ ಕ್ರಿಕೆಟ್​ ಶಿಶು ಎಂದು ಕರೆಯಲ್ಪಡುತ್ತಿದ್ದ ಅಫ್ಘಾನಿಸ್ತಾನ ತಂಡಕ್ಕೆ ಬಿಸಿಸಿಐ ಪೋಷಿಸಿದ ಪರಿಣಾಮ ಇಂದು ಬಲಿಷ್ಠ ತಂಡಗಳಿಗೆ ಸೋಲುಣಿಸುವಷ್ಟು ಬೆಳೆದಿದ್ದು, ಇದಕ್ಕೆ ಬಿಸಿಸಿಐ ನೀಡಿರುವ ಬೆಂಬಲವೇ ಕಾರಣ ಎಂದು ಹೇಳಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಪ್ರಮುಖ ಕಾರಣಗಳು ಹೀಗಿವೆ.

ಅಫ್ಘಾನಿಸ್ತಾನ ಕ್ರಿಕೆಟ್​ ತಂಡಕ್ಕೆ ಬಿಸಿಸಿಐ ಗ್ರೇಟರ್ ನೋಯ್ಡಾದಲ್ಲಿರುವ ಶಹೀದ್ ವಿಜಯ್ ಸಿಂಗ್ ಪಥಿಕ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ಅನ್ನು 2015ರಲ್ಲಿ ತಾತ್ಕಾಲಿಕವಾಗಿ ಬಿಟ್ಟುಕೊಟ್ಟ ಪರಿಣಾಮ ತನ್ನ ಹೋಮ್​ ಗ್ರೌಂಡ್​ಅನ್ನು ಶಾರ್ಜಾದಿಂದ ಭಾರತಕ್ಕೆ ಸ್ಥಳಾಂತರಿಸಿತು. ಬಳಿಕ 2017ರಲ್ಲಿ ಐರ್ಲೆಂಡ್​ ವಿರುದ್ಧ ಆಂತರಾಷ್ಟ್ರೀಯ ಸರಣಿಯನ್ನು ಆಡಿತ್ತು. ಇದೀಗ ಅಫ್ಘಾನಿಸ್ತಾನ ತಂಡವು ತನಗೆ ನೀಡಲಾದ ಕ್ರೀಡಾಂಗಣದ ಬಗ್ಗೆ ಅಪಸ್ವರ ಎತ್ತಿದ್ದು, ಬಿಸಿಸಿಐ ವಿರುದ್ಧ ಕಿಡಿಕಾರಿದೆ.

ಇದನ್ನೂ ಓದಿ: ರೇಣುಕಸ್ವಾಮಿ ಪ್ರಕರಣದ ಚಾರ್ಜ್​ಶೀಟ್​ ಏನು ಸೀಕ್ರೆಟ್​ ಡಾಕ್ಯೂಮೆಂಟ್​ ಅಲ್ಲಾ: ಗೃಹ ಸಚಿವ ಪರಮೇಶ್ವರ್

ಅಫ್ಘಾನಿಸ್ತಾನ ತಂಡವು ನ್ಯೂಜಿಲೆಂಡ್​ ವಿರುದ್ಧ ಏಕೈಕ ಟೆಸ್ಟ್​ ಸರಣಿ ಆಡಲು ಗ್ರೇಟರ್​ ನೋಯ್ಡಾಗೆ ಬಂದಿಳಿದಿದ್ದು, ಮೊದಲ ದಿನದ ಆಟಕ್ಕೆ ಮಳೆ ಅಡ್ಡಿಪಡಿಸಿದೆ. ಇದಕ್ಕೆ ಸಂಬಂಧಿಸಿದಂತೆ ಅಪಸ್ವರ ತೆಗೆದಿರುವ ಅಫ್ಘಾನಿಸ್ತಾನ ಕ್ರಿಕೆಟ್​ ತಂಡವು ಇಲ್ಲಿ ಯಾವುದೇ ಸೌಲಭ್ಯಗಳಿಲ್ಲ. ನಾವು ಮತ್ತೆ ಇಲ್ಲಿಗೆ ಬರುವುದಿಲ್ಲ. ನಮ್ಮ ಆದ್ಯತೆ ಲಖನೌ ಕ್ರೀಡಾಂಗಣವಾಗಿದ್ದು, ಇಲ್ಲಿ ಯಾವುದೇ ಮೂಲಭೂತ ಸೌಕರ್ಯಗಳನ್ನು ನೀಡಲಾಗಿಲ್ಲ. ಆಟಗಾರರು ಇಲ್ಲಿನ ಸೌಲಭ್ಯಗಳ ಬಗ್ಗೆ ಬೇಸರಗೊಂಡಿದ್ದಾರೆ ಎಂದು ಅಫ್ಘನ್​ ಕ್ರಿಕೆಟ್​ ಮಂಡಳಿಯ ಸದಸ್ಯರು ಬಿಸಿಸಿಐ ವಿರುದ್ಧ ಪರೋಕ್ಷವಾಗಿ ಕಿಡಿಕಾರಿದ್ದಾರೆ.

ನೋಯ್ಡಾ ಕ್ರೀಡಾಂಗಣದಲ್ಲಿ ಒಳಚರಂಡಿ ಸಾಕಷ್ಟು ಕಳಪೆ ಗುಣಮಟ್ಟದಾಗಿದ್ದು, 2017ರಲ್ಲಿ ಬಿಸಿಸಿಐ ಈ ಕ್ರೀಡಾಂಗಣವನ್ನು ನಿಷೇಧಿಸಿತ್ತು. ಅಫ್ಘಾನಿಸ್ತಾನವು ಭಾರತದಲ್ಲಿ ಟೆಸ್ಟ್ ಪಂದ್ಯವನ್ನು ಆಯೋಜಿಸುತ್ತಿರುವುದು ಇದು ಮೂರನೇ ಬಾರಿ. 2019 ರಲ್ಲಿ ಐರ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್​ ವಿರುದ್ಧ ಕ್ರಮವಾಗಿ ಡೆಹ್ರಾಡೂನ್ ಮತ್ತು ಲಕ್ನೋದಲ್ಲಿ ಆಯೋಜಿಸಲಾಗಿತ್ತು.

https://www.vijayavani.net/high-court-restricts-media-not-to-telecast-and-print-darshan-related-news

https://www.vijayavani.net/everyone-knows-your-potential-but-shubman-gill-comments-on-test-form-ahead-of-bangladesh-series