ಬೆಂಗಳೂರು: ರಾಜ್ಯದಲ್ಲಿ ನಡೆದಿದೆ ಎನ್ನಲಾದ ಸ್ಟಿಂಗ್ ಆಪರೇಷನ್ ಕುರಿತಂತೆ ಬಿಜೆಪಿಯೇ ಅದನ್ನು ಮಾಡಿಸಿದ್ದು ಎಂಬ ಕಾಂಗ್ರೆಸ್ ಆರೋಪಕ್ಕೆ ಪ್ರತಿಕ್ರಿಯಿಸಿರುವ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ.ವಿಜಯೇಂದ್ರ, ಕಾಂಗ್ರೆಸ್ ಪಕ್ಷದಲ್ಲಿನ ಅಗ್ಗಜಗ್ಗಾಟದಿಂದಲೇ ಸ್ಟಿಂಗ್ ಆಪರೇಷನ್ ನಡೆದಿದ್ದು, ಅವರೇ ಸಿಲುಕೊಂಡಿದ್ದಾರೆ ಎಂದು ಹೇಳಿದ್ದಾರೆ.
ಬೆಂಗಳೂರಿನ ಬಿಜೆಪಿ ಪ್ರಧಾನ ಕಚೇರಿಯಲ್ಲಿ ಮಾತನಾಡಿರುವ ಅವರು, ಸ್ಟಿಂಗ್, ಡಿಂಗ್ ಎಲ್ಲದರಲ್ಲೂ ತಗಲಾಕಿಕೊಂಡಿರೋದು ಕಾಂಗ್ರೆಸ್ನವರು. ಒಂದು ಅಂತು ನಿಜಾ ಕ್ಯಾಬಿನೆಟ್ ಸಚಿವರು ಆತಂಕದಲ್ಲಿರೋದಂತು ಸತ್ಯ. ಇದರಿಂದ ಅವರು ಹೊರಗೆ ಬರಲಿ. ರವಿ ಗಣಿಗ ಹೇಳಿಕೆ ನೋಡಿದೆ, ಅವರ ಗುರುಗಳೇ ಸಿಕ್ಕಿಹಾಕಿಕೊಂಡಿರುವ ಆತಂಕವಿದೆ. ಸರ್ಕಾರವಿದೆ, ತನಿಖೆ ಮಾಡಿಸಲಿ ಎಂದಿದ್ದಾರೆ.
