ವಿಮಾನಗಳಲ್ಲಿ ಇನ್ನು ಮಾಸ್ಕ್ ಕಡ್ಡಾಯವಲ್ಲ; ಉಭಯ ಸಚಿವಾಲಯಗಳ ಸಭೆ ಬಳಿಕ ನಿರ್ಣಯ..

Published on:

16 Nov 2022, 1:31 pm

ನವದೆಹಲಿ: ಕೋವಿಡ್ 19 ಹಿನ್ನೆಲೆಯಲ್ಲಿ ಕಡ್ಡಾಯಗೊಳಿಸಲಾಗಿದ್ದ ಮಾಸ್ಕ್ ಧರಿಸುವಿಕೆಯನ್ನು ಸದ್ಯ ಭಾರತದಲ್ಲಿ ಹಿಂಪಡೆಯಲಾಗಿದೆ. ಆದರೆ ಇದು ದೇಶದ ಎಲ್ಲೆಡೆಯೂ ಅಲ್ಲ, ಕೇವಲ ವಿಮಾನದಲ್ಲಿ ಮಾತ್ರ. ಈ ಕುರಿತಂತೆ ಇಂದು ಮಹತ್ವದ ನಿರ್ಣಯವನ್ನು ಕೈಗೊಳ್ಳಲಾಗಿದೆ.

ಕೋವಿಡ್ 19 ಪ್ರಕರಣಗಳಲ್ಲಿ ಗಣನೀಯ ಇಳಿಕೆ ಆಗಿರುವುದರಿಂದ ವಿಮಾನಗಳಲ್ಲಿ ಮಾಸ್ಕ್ ಕಡ್ಡಾಯ ಎಂಬ ನಿಯಮ ತೆಗೆದುಹಾಕಲಾಗಿದೆ. ಆರೋಗ್ಯ ಸಚಿವಾಲಯದೊಂದಿದೆ ಇಂದು ನಾಗರಿಕ ವಿಮಾನಯಾನ ಸಚಿವಾಲಯ ನಡೆಸಿದ ಸಭೆ ಬಳಿಕ ಈ ನಿರ್ಣಯ ತಳೆಯಲಾಗಿದೆ.

ಹೀಗಾಗಿ ಇನ್ನುಮುಂದೆ ವಿಮಾನಗಳಲ್ಲಿ ಘೋಷಣೆ ಮಾಡುವ ವೇಳೆ ಎಲ್ಲ ಪ್ರಯಾಣಿಕರು ಮಾಸ್ಕ್ ಬಳಸಬೇಕು ಎಂದು ಸೂಚಿಸಲಾಗುತ್ತದೆಯೇ ವಿನಃ ಧರಿಸದಿದ್ದರೆ ಯಾವುದೇ ದಂಡ ವಿಧಿಸುವುದಿಲ್ಲ ಇಲ್ಲವೇ ಕ್ರಮ ಜರುಗಿಸುವುದಿಲ್ಲ ಎಂಬುದಾಗಿ ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.