2008 ರ ಮುಂಬೈ ದಾಳಿ ಸೇರಿದಂತೆ ನಂತರದ ದಿನಗಳ ಬಗ್ಗೆ ಮಾತನಾಡಿದ ಕಿರಿಯಾಕೌ, ಪಾಕಿಸ್ತಾನ ಬೆಂಬಲಿತ ಕಾಶ್ಮೀರಿ ಭಯೋತ್ಪಾದಕ ಗುಂಪುಗಳು ಈ ರೀತಿಯ ಘಟನೆಗೆ ನೇರ ಕಾರಣವಾಗಿವೆ, ಪಾಕ್ ದ್ವಂದ್ವತೆ ಮತ್ತು ಜಾಗತಿಕ ನಿಷ್ಕ್ರಿಯತೆಯೇ ದೊಡ್ಡ ಸಮಸ್ಯೆಯಾಗಿದ್ದು, ಪಾಕಿಸ್ತಾನ ಭಾರತದಲ್ಲಿ ಭಯೋತ್ಪಾದನೆಯನ್ನು ನಡೆಸುತ್ತಿದ್ದರು, ಅದರ ಕುರಿತಾಗಿ ಯಾರೂ ಗಮನಹರಿಸಲಿಲ್ಲ ಎಂದರು. ಸಂಸತ್ತು ಮತ್ತು ಮುಂಬೈ ದಾಳಿಯ ನಂತರ ಭಾರತ ಸಂಯಮವನ್ನು ತೋರಿಸಿತು, ಆದರೆ ಅದರ ಕಾರ್ಯತಂತ್ರದ ತಾಳ್ಮೆಯನ್ನು ಅನೇಕರು ದೌರ್ಬಲ್ಯವೆಂದು ತಪ್ಪಾಗಿ ಭಾವಿಸಿದರು. ಭಾರತದೊಂದಿಗಿನ ಯಾವುದೇ ಸಾಂಪ್ರದಾಯಿಕ ಯುದ್ಧದಲ್ಲಿ ಪಾಕಿಸ್ತಾನ ಸೋಲುತ್ತದೆ ಎಂದ ಕಿರಿಯಾಕೌ, ಪಾಕ್ ತನ್ನ ಮುಖಾಮುಖಿ ಮನಸ್ಥಿತಿಯನ್ನು ಬದಲಾಯಿಸಿಕೊಳ್ಳುವಂತೆ ಒತ್ತಾಯಿಸಿದರು.
