ಆರ್​ಸಿಬಿ ಬೌಲಿಂಗ್​ ಲೈನ್​ಅಪ್​ ಬಗ್ಗೆ 'ಮೋಯೆ ಮೋಯೆ' ಎಂದ ಚಹಲ್; ವಿಡಿಯೋ ವೈರಲ್

ನವದೆಹಲಿ: ಐಪಿಎಲ್​ ಸೀಸನ್​ 17ಕ್ಕೆ ದಿನಗಣನೆ ಆರಂಭವಾಗಿದ್ದು, ಬಲಿಷ್ಠ ತಂಡವನ್ನು ಕಟ್ಟುವ ನಿಟ್ಟಿನಲ್ಲಿ ಫ್ರಾಂಚೈಸಿಗಳು ಈಗಾಗಲೇ ಭರದ ಸಿದ್ಧತೆ ಆರಂಭಿಸಿವೆ. ಈ ಬಾರಿ ಕಪ್​ ಗೆಲ್ಲುವ ನಿರೀಕ್ಷೆಯೊಂದಿಗೆ ಆರ್​ಸಿಬಿ ಕಣಕ್ಕಿಳಿಯುತ್ತಿದ್ದು, ಅಭಿಮಾನಿಗಳ ಆಸೆ ಈಡೇರಿಸುವ ನಿಟ್ಟಿನಲ್ಲಿ ತನ್ನ ಪ್ರಯತ್ನಗಳನ್ನು ಆರಂಭಿಸಿದೆ.

2023ರ ವರ್ಷಾಂತ್ಯದಲ್ಲಿ ದುಬೈನಲ್ಲಿ ನಡೆದ ಮಿನಿ ಹರಾಜಿನಲ್ಲಿ ಆರ್​ಸಿಬಿ 6 ಹೊಸ ಆಟಗಾರರನ್ನು ಖರೀದಿಸಿತ್ತು. ಹರಾಜಿಗೂ ಮುನ್ನ 19 ಆಟಗಾರರನ್ನು ಉಳಿಸಿಕೊಂಡಿದ್ದ ಆರ್​ಸಿಬಿ ತಂಡವು ಈ ಬಾರಿಯ ಆಕ್ಷನ್​ನಲ್ಲಿ ಬೌಲರ್​ಗಳ ಖರೀದಿಗೆ ಒತ್ತು ನೀಡಿತ್ತು. ಆದರೆ, ಆರ್​ಸಿಬಿ ಬೌಲಿಂಗ್​ ಲೈನ್​ ಅಪ್​ ಕುರಿತು ಅಪಸ್ವರ ತೆಗೆದಿರುವ ತಂಡದ ಮಾಜಿ ಆಟಗಾರನೋರ್ವ ಮೋಯೆ ಮೋಯೆ ಎಂದು ಟೀಕಿಸಿದ್ದಾರೆ.

ಇದನ್ನೂ ಓದಿ: ಸಹಚರರಿಂದಲೇ ಕುಖ್ಯಾತ ಗ್ಯಾಂಗ್​ಸ್ಟರ್ ಹತ್ಯೆ​; ವಿಡಿಯೋ ವೈರಲ್

ಆನ್​ಲೈನ್​ ಗೇಮ್​ ಸ್ಟ್ರೀಮಿಂಗ್​ ವೇಳೆ ಆರ್​ಸಿಬಿ ಬೌಲಿಂಗ್​ ಲೈನ್​ಅಪ್​ ಕುರಿತು ಚಹಲ್​ ಅವರನ್ನು ಪ್ರಶ್ನಿಸಲಾಗಿತ್ತು. ಇದಕ್ಕೆ ಉತ್ತರಿಸಿದ ಚಹಲ್​ ಮೋಯೆ ಮೋಯೆ ಎಂದು ಹೇಳುವ ಮೂಲಕ ಮಾಜಿ ತಂಡವನ್ನು ಟ್ರೋಲ್​ ಮಾಡಿದ್ದಾರೆ. ಈ ಬಾರಿಯೂ ಆರ್​ಸಿಬಿ ಬೌಲಿಂಗ್​ ಲೈನ್​ಅಪ್​ ಅನ್ನು ಮೋಯೆ ಮೋಯೆ ಎಂದು ಹೇಳುವ ಮೂಲಕ ಮಾಜಿ ತಂಡದ ವಿರುದ್ಧದ ಮುನಿಸನ್ನು ಪರೋಕ್ಷವಾಗಿ ಹೊರಹಾಕಿದ್ದಾರೆ.

ಯಜುವೇಂದ್ರ ಚಹಲ್​ ಹೇಳಿಕೆ ನೀಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಪರ-ವಿರೋಧದ ಚರ್ಚೆಗೆ ಗ್ರಾಸವಾಗಿದೆ. ಕೆಲವರು ಚಹಲ್​ ಹೇಳಿಕೆಗೆ ಮೋಯೆ ಮೋಯೆ ಎಂದು ಕಮೆಂಟ್​ ಮಾಡಿದರೆ ಮತ್ತೊಂದಷ್ಟು ಜನ ಈ ರೀತಿಯ ಹೇಳಿಕೆಗಳು ನಿಮಗೆ ಶೋಭೆ ತರುವುದಿಲ್ಲ ಎಂದು ಚಹಲ್​ ವಿರುದ್ಧ ಅಸಮಾಧಾನ ಹೊರಾಹಾಕಿದ್ದಾರೆ.

https://www.vijayavani.net/miscreants-set-fire-to-school-and-train-in-bangladesh-amid-elections

https://www.vijayavani.net/justin-trudeaus-plane-faces-glitch-in-jamaica-second-time-since-g20-in-india