ಕಲ್ಕತ್ತಾ: ಹಾಲಿ ಐಪಿಎಲ್ ಆವೃತ್ತಿಯಲ್ಲಿ ಕಲ್ಕತ್ತಾ ನೈಟ್ರೈಡರ್ಸ್ ಪರ ಉತ್ತಮ ಪ್ರದರ್ಶನ ನೀಡುತ್ತಿರುವ ಸುನಿಲ್ ನರೈನ್ ಹಾಗೂ ಆ್ಯಂಡ್ರೆ ರಸೆಲ್ ತಮ್ಮ ಆಲ್ರೌಂಡ್ ಆಟದ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ. ಇದೀಗ ಈ ಇಬ್ಬರು ಆಟಗಾರರ ಕುರಿತು ಕೆಕೆಆರ್ ತಂಡದ ಮಾಜಿ ಬೌಲಿಂಗ್ ಕೋಚ್ ವಾಸಿಂ ಅಕ್ರಮ್ ಈ ಇಬ್ಬರು ಆಟಗಾರರ ಬಗ್ಗೆ ವಿಚಾರ ಒಂದನ್ನು ಹಂಚಿಕೊಂಡಿದ್ದು, ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಐಪಿಎಲ್ನಲ್ಲಿ ನಾನು ಕೆಕೆಆರ್ನ ಬೌಲಿಂಗ್ ಕೋಚ್ ಆಗಿ ಕೆಲಸ ಮಾಡುವಾಗ ಈ ಇಬ್ಬರು ಆಟಗಾರರು ರಾತ್ರಿ ವೇಳೆ ನಿದ್ರಿಸದೆ ಎಚ್ಚರವಾಗಿರುತ್ತಿದ್ದರು. ಹಗಲು ಹೊತ್ತಿನಲ್ಲಿ ಈ ಇಬ್ಬರು ಆಟಗಾರರು ನಿದ್ದೆ ಮಾಡುತ್ತಿದ್ದರು. ಇದು ನನಗೆ ವಿಚಿತ್ರ ಎನ್ನಿಸಿದರೂ ನಾನು ಈ ಬಗ್ಗೆ ಇಬ್ಬರ ಬಳಿ ಕೇಳಲಿಕ್ಕೆ ಹೋಗಿರಲಿಲ್ಲ. ಮುಂದೊಂದು ದಿನ ಈ ಬಗ್ಗೆ ನರೈನ್ ಬಳಿ ಕೇಳಿದಾಗ ಆತ ಕೊಟ್ಟ ಉತ್ತರದಿಂದ ನನಗೆ ಅಚ್ಚರಿಯಾಯಿತು.
ಒಂದು ದಿನ ತಿಂಡಿ ಮಾಡುವ ವೇಳೆ ಸುನೀಲ್ ನರೈನ್ ನಿದ್ದೆ ಮಂಪರಿನಲ್ಲಿ ನಡೆದುಕೊಂಡು ಬಂದಿದ್ದನ್ನು ನಾನು ನೋಡಿದೆ. ಏನಾಗಿದೆ ಎಂದು ನಾನು ಆತನ ಬಳಿ ಪ್ರಶ್ನಿಸಿದಾಗ ಭಾರತಕ್ಕೂ ಹಾಗೂ ವೆಸ್ಟ್ ಇಂಡೀಸ್ಗೂ ಸುಮಾರು 9 ಗಂಟೆಗಳ ವ್ಯತ್ಯಾಸವಿದ್ದು, ನಾವು ರಾತ್ರಿ ಹೊತ್ತು ಮಲಗುವುದಿಲ್ಲ. ಬದಲಾಗಿ ಹಗಲು ಹೊತ್ತಿನಲ್ಲಿ ಮಲಗುತ್ತೇವೆ ಎಂದು ಹೇಳಿದರು. ಇದು ನನಗೆ ಅಚ್ಚರಿ ಎನ್ನಿಸಿದರೂ ಈ ಬಗ್ಗೆ ನಾನು ಅವರಿಬ್ಬರ ಬಳಿ ಹೆಚ್ಚು ಮಾತನಾಡಲು ಹೋಗಲಿಲ್ಲ ಎಂದು ಕೆಕೆಆರ್ ತಂಡದ ಮಾಜಿ ಬೌಲಿಂಗ್ ಕೋಚ್ ವಾಸಿಂ ಅಕ್ರಮ್ ಹೇಳಿದ್ದಾರೆ.