ಸಚಿನ್-ಸೆಹ್ವಾಗ್ ಕಾಲದಲ್ಲಿ ಕೊಹ್ಲಿ ಆಡಿದ್ದರೆ ಇಷ್ಟೊಂದು ಜನಪ್ರಿಯತೆ ಸಿಗ್ತಿರಲಿಲ್ಲ: ಪಾಕ್ ಮಾಜಿ ಕ್ರಿಕೆಟಿಗ | Virat Kohli

Virat Kohli: ಅಂತಾರಾಷ್ಟ್ರೀಯ ಏಕದಿನ ಪಂದ್ಯಗಳಲ್ಲಿ ಟೀಮ್ ಇಂಡಿಯಾ ಸ್ಟಾರ್​ ಬ್ಯಾಟರ್​, 'ರನ್​ ಮಷಿನ್'​ ವಿರಾಟ್​ ಕೊಹ್ಲಿ ಸಾಧನೆ ಅಪಾರ. ದಿಗ್ಗಜ ಬ್ಯಾಟರ್​ಗಳ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಮುಂಚೂಣಿಯಲ್ಲಿರಿಸಿರುವ ಕಿಂಗ್ ಕೊಹ್ಲಿ, 51 ಏಕದಿನ ಪಂದ್ಯಗಳಲ್ಲಿ ಬರೋಬ್ಬರಿ 14,000 ರನ್​ ದಾಖಲಿಸಿದ್ದಾರೆ. ಈ ಮೂಲಕ ಏಕದಿನ ಫಾರ್ಮೆಟ್​ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ ಕೊಹ್ಲಿ ಮೂರನೇ ಸ್ಥಾನ ಅಲಂಕರಿಸಿದ್ದಾರೆ. ಇಂದು (ಮಾ.02) ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯ ಮೂರನೇ ಪಂದ್ಯದಲ್ಲಿ ನ್ಯೂಜಿಲೆಂಡ್​ ಎದುರು ಆಡಲಿರುವ ಭಾರತ ಪರ ವಿರಾಟ್​ ಮತ್ತೊಂದು ಶತಕ ದಾಖಲಿಸಲಿ, ಮಗದೊಂದು ದಾಖಲೆ ಬರೆಯಲಿ ಎಂದು ಅಭಿಮಾನಿಗಳು ಆಶಿಸಿದ್ದಾರೆ.

ಇದನ್ನೂ ಓದಿ: ಭಾರತೀಯರಲ್ಲಿ ನಿದ್ರೆ… ಜಾಗತಿಕ ನಿದ್ರಾ ಸಮೀಕ್ಷೆಯಲ್ಲಿ ಆಘಾತಕಾರಿ ಸಂಗತಿ ಬಹಿರಂಗ! Sleep Crisis

ಟೆಸ್ಟ್ ಮತ್ತು ಟಿ20 ಫಾರ್ಮೆಟ್​ನಲ್ಲಿಯೂ ಅದ್ಭುತ ಪ್ರದರ್ಶನ ತೋರುವ ವಿರಾಟ್​, ಬಲಗೈ ಬ್ಯಾಟ್ಸ್‌ಮನ್ ಪೀಳಿಗೆಯ ಶ್ರೇಷ್ಠ ಬ್ಯಾಟರ್​ ಎಂದೇ ಗುರುತಿಸಿಕೊಂಡಿದ್ದಾರೆ. ಇಂದು ನ್ಯೂಜಿಲೆಂಡ್ ವಿರುದ್ಧ ತಮ್ಮ 300ನೇ ಏಕದಿನ ಪಂದ್ಯವನ್ನು ಆಡಲಿರುವ ಕೊಹ್ಲಿ ಕುರಿತು ಪಾಕಿಸ್ತಾನದ ದಿಗ್ಗಜ ಕ್ರಿಕೆಟಿಗ ವಕಾರ್ ಯೂನಿಸ್ ಕುತೂಹಲಕಾರಿ ವಿಷಯವನ್ನು ಹಂಚಿಕೊಂಡಿದ್ದಾರೆ.

ದಿಗ್ಗಜ ಬ್ಯಾಟರ್ಸ್​

"ತಮ್ಮ ವೃತ್ತಿಜೀವನದಲ್ಲಿ ವಿರಾಟ್​ ಸಾಧನೆಗಳ ಮೈಲಿಗಲ್ಲು ತಲುಪಿದ್ದಾರೆ ಎಂಬುದರಲ್ಲಿ ಅನುಮಾನವೇ ಬೇಡ. ಅವರು ಶ್ರೇಷ್ಠ ಆಟಗಾರ. ತಂಡದ ಸ್ಟಾರ್ ಬ್ಯಾಟರ್​ ಆಗಿ ರೋಹಿತ್ ಶರ್ಮ ಕೂಡ ಇದ್ದಾರೆ. ವಿರಾಟ್ ಮತ್ತು ರೋಹಿತ್​ರನ್ನು ಹೊರತುಪಡಿಸಿ ಹೇಳುವುದಾದರೆ, ಇನ್ನಾರು ಅಷ್ಟು ಉತ್ತಮವಾಗಿಲ್ಲ. ಅಂದಿನ ಕಾಲಘಟ್ಟದಲ್ಲಿ ವೀರೇಂದ್ರ ಸೆಹ್ವಾಗ್, ಸಚಿನ್, ವಿವಿಎಸ್ ಲಕ್ಷ್ಮಣ್, ಸೌರವ್ ಗಂಗೂಲಿ ಮತ್ತು ರಾಹುಲ್ ದ್ರಾವಿಡ್ ಎಲ್ಲರೂ ಉತ್ತಮ ಆಟಗಾರರಾಗಿದ್ದರು. ಇವರ ಸಮಯದಲ್ಲಿ ವಿರಾಟ್ ಏನಾದರೂ ಆಡಿದಿದ್ದರೆ, ಖಂಡಿತ ಈ ದಾಖಲೆ ಮತ್ತು ಇಷ್ಟೊಂದು ಜನಪ್ರಿಯತೆ ಗಳಿಸಲು ಸಾಧ್ಯವಾಗುತ್ತಿರಲಿಲ್ಲ" ಎಂದಿದ್ದಾರೆ.

ವಿರಾಟ್​ ಯುಗ

"ಕೊಹ್ಲಿ ಹೆಚ್ಚುವರಿ ರನ್​ ಏನೋ ಸುಲಭವಾಗಿ ಗಳಿಸುತ್ತಿದ್ದರು. ಆದರೆ, ಸಚಿನ್ ಮತ್ತು ಇತರ ದಿಗ್ಗಜ ಬ್ಯಾಟರ್​ಗಳನ್ನು ಸಂಪೂರ್ಣವಾಗಿ ಹಿಂದಿಕ್ಕಲು ಸಾಧ್ಯವಾಗುತ್ತಿರಲಿಲ್ಲ. ಏಕೆಂದರೆ, ಸಚಿನ್​ ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿಯೂ ಗರಿಷ್ಠ ದಾಖಲೆ ಹೊಂದಿದ್ದಾರೆ. ಅವರ ಕೊಡುಗೆಗಳು ಕೊಹ್ಲಿಗೆ ಪ್ರಾಮುಖ್ಯತೆ ಮತ್ತು ಆದ್ಯತೆ ಸಿಗಲು ಅವಕಾಶ ಮಾಡಿಕೊಡುತ್ತಿರಲಿಲ್ಲ" ಎಂದು ಯೂನಿಸ್ ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/check-out-gold-rates-today