ನವದೆಹಲಿ: ಟೀಮ್ ಇಂಡಿಯಾದ ಮಾಜಿ ನಾಯಕ, ದಾಖಲೆಗಳ ಸರದಾರ, ‘ರನ್ ಮಷಿನ್’ ವಿರಾಟ್ ಕೊಹ್ಲಿ ಅಂದರೆ ಕ್ರಿಕೆಟ್ ಅಭಿಮಾನಿಗಳಿಗೆ ಅದೇನೋ ವಿಶೇಷ ಪ್ರೀತಿ, ಹುಚ್ಚು ಅಭಿಮಾನ. ಬ್ಯಾಟ್ ಹಿಡಿಯುವ ಕೊಹ್ಲಿ ಮೈದಾನಕ್ಕಿಳಿಯುತ್ತಿದ್ದಾರೆ ಎಂಬುದು ಗೊತ್ತಾದ್ರೆ ಸಾಕು ಸ್ಟೇಡಿಯಂ ಪೂರ ವಿರಾಟ್ ಹೆಸರು ಮೊಳಗಲಿದೆ. ಅಭಿಮಾನದ ಹೊಳೆ ಹರಿಸುವ ಫ್ಯಾನ್ಸ್, ಭಾರತೀಯ ಕ್ರಿಕೆಟ್ ತಂಡದ ಶ್ರೇಷ್ಠ ಆಟಗಾರ ಎಂದು ವಿರಾಟ್ರನ್ನು ಗುಣಗಾನ ಮಾಡುತ್ತಾರೆ. ವಿರಾಟ್ರ ಆಟದ ವೈಖರಿ, ಸ್ಟೈಲಿಶ್ ಲುಕ್ ಹೀಗೆ ಹಲವು ವಿಷಯಗಳನ್ನು ಅನುಸರಿಸುವ ಫ್ಯಾನ್ಸ್ಗಳು ತಮ್ಮ ನೆಚ್ಚಿನ ಸೆಲೆಬ್ರಿಟಿ ನೋಡಲು, ಮಾತನಾಡಿಸಲು ನಾನಾ ರೀತಿಯ ಕಸರತ್ತು ನಡೆಸುತ್ತಾರೆ. ಆದ್ರೆ, ಇಲೊಬ್ಬರು ಮಾತ್ರ ಕೊಹ್ಲಿಯನ್ನು ಸಂಪರ್ಕಿಸಲು ವಿಚಿತ್ರ ಪ್ರಯತ್ನ ಮಾಡಿದ್ದರಂತೆ. ಈ ಕುರಿತು ಸ್ವತಃ ಕೊಹ್ಲಿ ಅವರೇ ಹೇಳಿಕೊಂಡಿದ್ದಾರೆ.
