RCB ನಾಯಕನಾಗಿ Virat Kohli ಫಿಕ್ಸ್​; ಫ್ರಾಂಚೈಸಿ ಹೀಗೆ ಮಾಡುವುದರ ಹಿಂದಿದೆ ಈ ಒಂದು ಕಾರಣ

ಬೆಂಗಳೂರು: 18ನೇ ಆವೃತ್ತಿಯ ಐಪಿಎಲ್​ಗೆ (IPL) ಸಂಬಂಧಿಸಿದಂತೆ ಮೆಗಾ ಹರಾಜು ಪ್ರಕ್ರಿಯೆ ಪೂರ್ಣಗೊಂಡಿದ್ದು, ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (Royal Challengers Bengaluru) ತಂಡವು 19 ಆಟಗಾರರನ್ನು ಖರೀದಿ ಮಾಡಿದ್ದು, 2025ರಲ್ಲಿ ಬಲಿಷ್ಠ ತಂಡವನ್ನು ಕಟ್ಟುವ ಮೂಲಕ ಹೊಸ ಅಧ್ಯಾಯ ಬರೆಯುವ ಮುನ್ಸೂಚನೆಯನ್ನು ನೀಡಿದೆ. ಕಳೆದ ಮೂರು ಆವೃತ್ತಿಗಳಲ್ಲಿ ತಂಡವನ್ನು ಮುನ್ನಡೆಸಿದ್ದ ಫಾಫ್​ ಡು ಪ್ಲೆಸಿಸ್​ (Faf Du Plessis) ಈ ಬಾರಿ ಮೆಗಾ ಹರಾಜಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ಸೇರಿಕೊಂಡಿದ್ದು, ಈಗ ಆರ್​ಸಿಬಿಯನ್ನು (RCB) ಯಾರು ಮುನ್ನಡೆಸಲಿದ್ದಾರೆ ಎಂಬ ಪ್ರಶ್ನೆ ಮೂಡಲು ಶುರುವಾಗಿದೆ.

ಮೆಗಾ ಹರಾಜಿಗೂ ಮುನ್ನ ನಡೆದ ರಿಟೇನ್​ ಪ್ರಕ್ರಿಯೆಯಲ್ಲಿ ಆರ್​ಸಿಬಿ ತಂಡವು ವಿರಾಟ್​ ಕೊಹ್ಲಿ (Virat Kohli) (21 ಕೋಟಿ). ರಜತ್​ ಪಾಟಿದಾರ್ (Rajat Patidar)​ (11 ಕೋಟಿ), ಯಶ್​ ದಯಾಳ್​ (Yash Dayal) (5 ಕೋಟಿ) ಉಳಿಸಿಕೊಂಡಿತ್ತು. ಇನ್ನೂ ನವೆಂಬರ್​ 24-25ರಂದು ಮೆಗಾ ಹರಾಜು ಪ್ರಕ್ರಿಯೆಯಲ್ಲಿ ಒಟ್ಟು 19 ಆಟಗಾರರನ್ನು ತಂಡ  ಖರೀದಿಸಿದ್ದು, ಯಾರು ಸಹ ತಂಡದ ನಾಯಕರಾಗಿ ಈವರೆಗೂ ಗುರುತಿಸಿಕೊಂಡಿಲ್ಲ. ಇದೀಗ ನಾಯಕನ ಸ್ಥಾನಕ್ಕೆ ವಿರಾಟ್​ ಕೊಹ್ಲಿ (Virat Kohli) ಹೆಸರು ಕೇಳಿ ಬರುತ್ತಿದ್ದು, ಇದಕ್ಕೆ ಅಭಿಮಾನಿಗಳು ಕಾರಣವನ್ನು ನೀಡಿ ವಿರಾಟ್​ರನ್ನು ನಾಯಕನನ್ನಾಗಿ ಮಾಡುವಂತೆ ಫ್ರಾಂಚೈಸಿಗೆ ಬೇಡಿಕೆಯನ್ನು ಇರಿಸಿದ್ದಾರೆ.

ಆರ್​ಸಿಬಿ ತಂಡದಲ್ಲಿ ಪ್ರಸ್ತುತ 22 ಆಟಗಾರರಿದ್ದು,  ನಾಯಕತ್ವದ ಅನುಭವ ಹೊಂದಿರುವವರು ವಿರಾಟ್ ಕೊಹ್ಲಿ (Virat Kohli) ಮಾತ್ರ. ಹೀಗಾಗಿಯೇ ಆರ್​ಸಿಬಿ ಫ್ರಾಂಚೈಸಿ ಕ್ಯಾಪ್ಟನ್ಸಿ ಸ್ಥಾನಕ್ಕೆ ವಿರಾಟ್​ಗೆ ಮಣೆ ಹಾಕುವುಸು ಪಕ್ಕಾ ಆಗಿದೆ. ವಿರಾಟ್​ಗೆ (Virat Kohli) ನಾಯಕನ ಪಟ್ಟ ನೀಡಲು  ಈ ಬಾರಿಯ ಮೆಗಾ ಹರಾಜಿನಲ್ಲಿ ಆರ್​ಸಿಬಿ (RCB) ನಾಯಕನ ಸ್ಥಾನ ತುಂಬಬಲ್ಲ ಯಾವುದೇ ಆಟಗಾರನನ್ನು ಟಾರ್ಗೆಟ್​ ಮಾಡದಿರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ.

ಈಗಾಗಲೇ ಫ್ರಾಂಚೈಸಿ ಕೂಡ ವಿರಾಟ್​ರನನ್ನು (Virat Kohli) ನಾಯಕನನ್ನಾಗಿ ಘೋಷಿಸುವುದು ಪಕ್ಕಾ ಆಗಿದ್ದು, ಈ ವಿಚಾರ ಅಧಿಕೃತವಾಗಬೇಕಿದೆ. 2025ರಲ್ಲಿ ವಿರಾಟ್ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕ್ಯಾಪ್ಟನ್ ಆಗಿ ಕಾಣಿಸಿಕೊಳ್ಳುವುದು ಖಚಿತವಾಗಿದ್ದು, ಈ ಬಾರಿ ವಿರಾಟ್​ ಕೊಹ್ಲಿ (Virat Kohli) ಸಾರಥ್ಯದಲ್ಲಿ ಆರ್​ಸಿಬಿ ಪಡೆ ಕಣಕ್ಕಿಳಿಯಲಿದೆ. ಈ ಮೂಲಕ 17 ವರ್ಷಗಳ ಕಪ್ ಗೆಲ್ಲಬೇಕೆಂಬ ಕನಸನ್ನು ನನಸು ಮಾಡಲಿದೆಯಾ ಎಂದು ಕಾದು ನೋಡಬೇಕಿದೆ.

https://www.vijayavani.net/new-born-baby-boy-kidnapped-in-kalburgi-district-hospital-by-ladies-in-nurse-disguise

https://www.vijayavani.net/ipl-historys-youngest-buy-vaibhav-suryavanshi-13-faces-age-fraud-allegations-father-responds