ಪಂತ್​ RCBಗೆ ಸೇರ್ಪಡೆಯಾಗಲು ವಿರಾಟ್​ ಬಿಡುತ್ತಿಲ್ಲ; ವೈರಲ್​ ಟ್ವೀಟ್​ಗೆ ರಿಷಭ್​ ರಿಯಾಕ್ಷನ್​ ವೈರಲ್​

ನವದೆಹಲಿ: 18ನೇ ಆವೃತ್ತಿಯ ಐಪಿಎಲ್ (IPL)​ ಆರಂಭವಾಗುವುದಕ್ಕೆ ತಿಂಗಳುಗಳು ಬಾಕಿ ಉಳಿದಿದ್ದು, ಒಂದಿಲ್ಲೊಂದು ಕಾರಣಕ್ಕೆ ಕ್ರೀಡಾಭಿಮಾನಿಗಳ ಗಮನ ಸೆಳೆಯುತ್ತಿದೆ. ರಿಟೇನ್​ಗೆ (Retain) ಸಂಬಂಧಿಸಿದಂತೆ ಬಿಸಿಸಿಐ ಈ ವಾರ ನೂತನ ನಿಯಮವನ್ನು ಪ್ರಕಟಿಸಲಿದ್ದು, ಫ್ರಾಂಚೈಸಿಗಳು ಕಾತುರದಿಂದ ಕಾಯುತ್ತಿವೆ. ಏಕೆಂದರೆ ಐದು ಆಟಗಾರರನ್ನು ಉಳಿಸಿಕೊಳ್ಳಬೇಕೆಂಬ ನಿಯಮ ಏನಾದರೂ ಜಾರಿಯಾದಲ್ಲಿ ಫ್ರಾಂಚೈಸಿಗಳು ಉಳಿದ ಆಟಗಾರರನ್ನು ಬಿಡಬೇಕಾಗುತ್ತದೆ. ತಂಡಗಳು ತಮ್ಮ ಕೋರ್ ಅನ್ನು ಹೇಗೆ ಉಳಿಸಿಕೊಳ್ಳುತ್ತವೆ ಎಂಬುದರ ಕುರಿತು ಸಾಕಷ್ಟು ಜಿಜ್ಞಾಸೆ ಹುಟ್ಟಿಕೊಂಡಿದೆ. ಇದೆಲ್ಲದರ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ಒಂದು ಪೋಸ್ಟ್ ವೈರಲ್ ಆಗಿದೆ.

ಅದೇನೆಂದರೆ, ಡೆಲ್ಲಿ ಕ್ಯಾಪಿಟಲ್ಸ್​ನ (Delhi Capitals) ನಾಯಕ ರಿಷಭ್​ ಪಂತ್​ ತಮ್ಮ ಮ್ಯಾನೇಜರ್​ ಮೂಲಕ ಆರ್​ಸಿಬಿ ಮ್ಯಾನೇಜ್​​ಮೆಂಟ್​ಅನ್ನು ಸಂಪರ್ಕಿಸಿದ್ದಾರೆ. ಅಲ್ಲದೇ ಪಂತ್, ಆರ್​ಸಿಬಿ ತಂಡದ ನಾಯಕರಾಗಲು ಬಯಸಿದ್ದರು. ಆದರೆ, ಆರ್​ಸಿಬಿ (RCB) ಮ್ಯಾನೇಜ್​ಮೆಂಟ್ ಪಂತ್ ಅವರ ಬೇಡಿಕೆಗೆ ಸಮ್ಮತಿಸಲಿಲ್ಲ. ಅಲ್ಲದೇ ಪಂತ್ ಆರ್​ಸಿಬಿಗೆ ಬರುವುದು ವಿರಾಟ್ ಕೊಹ್ಲಿಗೆ ಇಷ್ಟವಿಲ್ಲ ಎಂದು ರಾಜೀವ್​ ಎಂಬುವವರು ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿದ್ದರು. ಇದಕ್ಕೆ ಖಾರವಾಗಿ ಪ್ರತಿಕ್ರಿಯಿಸಿರುವ ಪಂತ್​ ಸುದ್ದಿಯನ್ನು ಅಲ್ಲಗೆಳೆದಿದ್ದಾರೆ.

ಇದನ್ನೂ ಓದಿ: ಕೋಚ್​ ಗಂಭೀರ್​ರನ್ನು ತಬ್ಬಿ ಕಿಸ್​ ಮಾಡಿದ ವಿರಾಟ್! ವೈರಲ್​ ಆಗುತ್ತಿದೆ ಡೆಲ್ಲಿ ಹುಡುಗರ ವಿಡಿಯೋ

ಇದು ಶುದ್ಧ ಸುಳ್ಳು. ಸಾಮಾಜಿಕ ಜಾಲತಾಣಗಳಲ್ಲಿ ಇಂತಹ ಸುಳ್ಳು ಸುದ್ದಿಗಳನ್ನು ಯಾಕೆ ಹಬ್ಬಿಸುತ್ತೀರಿ. ಸಂವೇದನಾಶೀಲ ವ್ಯಕ್ತಿಗಳು ತುಂಬಾ ಕೆಟ್ಟವರು. ಯಾವುದೇ ಕಾರಣಕ್ಕೂ ನಂಬಲಾಗದ ವಾತಾವರಣ ನಿರ್ಮಿಸಬೇಡಿ. ಇದು ಮೊದಲ ಬಾರಿ ಅಲ್ಲ ಮತ್ತು ಕೊನೆಯದಾಗಿರುವುದಿಲ್ಲ. ಬರೆಯುವ ಮೊದಲು ದಯವಿಟ್ಟು ನಿಮ್ಮ ಆಪಾದಿತ ಮೂಲಗಳನ್ನು ಪರಿಶೀಲಿಸಿ. ದಿನೇ ದಿನೇ ಈ ರೀತಿಯ ಕೆಲಸಗಳು ಹೆಚ್ಚಾಗುತ್ತಿವೆ. ಈ ರೀತಿಯಾಗಿ ಸುಳ್ಳು ಸುದ್ದಿ ಹಬ್ಬಿಸುವವರಿಗೆ ಈ ಹೇಳಿಕೆ ಅನ್ವಯವಾಗುತ್ತದೆ ಎಂದು ಪಂತ್​ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

ಅಪಘಾತವಾದ 635 ದಿನಗಳ ಬಳಿಕ ಟೆಸ್ಟ್​ ಕ್ರಿಕೆಟ್​ಗೆ ಮರಳಿದ ಬಳಿಕ ಪಂತ್​ ಭರ್ಜರಿ ಶತಕ ಸಿಡಿಸುವ ಮೂಲಕ ಎದುರಾಳಿಗಳಿಗೆ ಖಡಕ್​ ಸಂದೇಶ ರವಾನಿಸಿದ್ದಾರೆ. ಮುಂಬರುಬ ವಾರ್ಡರ್​ ಗವಾಸ್ಕರ್​ ಟ್ರೋಫಿ, ಚಾಂಪಿಯನ್ಸ್​ ಟ್ರೋಫಿ, ಐಪಿಎಲ್​, ವಿಶ್ವ ಟೆಸ್ಟ್​ ಚಾಂಪಿಯನ್​​ಶಿಪ್​ನಲ್ಲೂ ಕೂಡ ಈ ಫಾರ್ಮ್​ ಮುಂದುವರೆಯಲಿದೆಯಾ ಎಂದು ಕಾದು ನೋಡಬೇಕಿದೆ.

https://www.vijayavani.net/karnataka-withdraws-general-consent-to-cbi-to-investigate-cases-in-state-amid-muda-row

https://www.vijayavani.net/tragedy-46-drown-duirng-bath-amid-jitiya-festival-in-bihar