ನಿಂಬೆಹಣ್ಣಿನ ಜ್ಯೂಸ್​​ನಲ್ಲಿ ವಿಮಲ್​ ಪಾನ್​ ಮಸಾಲಾ ಮಿಶ್ರಣ; ಬೀದಿಬದಿ ವ್ಯಾಪಾರಿಯ Video Viral

ರಸ್ತೆಬದಿ ವ್ಯಾಪಾರಿಗಳು ಈಗ ಆಹಾರ ಮಾರುಕಟ್ಟೆಯಲ್ಲಿ ವಿವಿಧ ಪ್ರಾಯೋಗಿಕ ಭಕ್ಷ್ಯಗಳನ್ನು ಪರಿಚಯಿಸಿದ್ದಾರೆ. ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಪಾನ್ ದೋಸೆಯ ವಿಡಿಯೋವೊಂದು ವೈರಲ್​ ಆಗಿತ್ತು. ಈ ಆಘಾತದಿಂದ ಆಹಾರ ಪ್ರಿಯರು ಇನ್ನೂ ಚೇತರಿಸಿಕೊಂಡಿರಲಿಲ್ಲ, ಇದೀಗ ವಿಮಲ್ ನಿಂಬು ರಸದ ವಿಡಿಯೋ ಜಾಲತಾಣಗಳಲ್ಲಿ ಕಾಳ್ಗಿಚ್ಚಿನಂತೆ ಹರಿದಾಡುತ್ತಿದೆ(Video Viral).

ಇದನ್ನು ಓದಿ: ಟಿಕೆಟ್​ ಕಲೆಕ್ಟರ್​ ಮಾಡಿದ ಆ ಒಂದು ಕೆಲಸಕ್ಕೆ125 ರೈಲು ಸಂಚಾರ ವಿಳಂಬ; ಕಾರಣ ತಿಳಿದ್ರೆ ಶಾಕ್​ ಆಗ್ತೀರಿ | Metro Train

ಹೌದು, ವಿಮಲ್ ನಿಂಬೆಹಣ್ಣಿನ ಜ್ಯೂಸ್ ಅಂದರೆ ವಿಮಲ್ ಪಾನ್ ಮಸಾಲಾದ ಜ್ಯೂಸ್​​ ಕುರಿತು ಇಲ್ಲಿ ಹೇಳಲಾಗುತ್ತಿದೆ. ವೈರಲ್​ ವಿಡಿಯೋದಲ್ಲಿ ಬೀದಿಬದಿ ವ್ಯಾಪಾರಿಯೊಬ್ಬ ನೀರು ಮತ್ತು ಸೋಡಾಕ್ಕೆ ನಿಂಬೆ, ಪುದೀನ ಎಲೆಗಳು ಮತ್ತು ಮಸಾಲೆ ಸೇರಿಸುವುದನ್ನು ನೀವು ನೋಡಬಹುದು. ಆದರೆ ವಿಡಿಯೋ ಕೊನೆಯಲ್ಲಿ ಆತ ತಯಾರಿಸಿದ ಜ್ಯೂಸ್​​ಗೆ ಪಾನ್​ ಮಸಾಲವನ್ನು ಸೇರಿಸುವುದನ್ನು ಕಾಣಬಹುದು.

ಅಷ್ಟಕ್ಕೆ ಮುಗಿಯುವುದಿಲ್ಲ. ಆತ ನೀರಿನಲ್ಲಿ ಪಾನ್​ ಮಸಾಲವನ್ನು ಚೆನ್ನಾಗಿ ಮಿಶ್ರಣ ಮಾಡಲು ಪ್ರಯತ್ನಿಸುತ್ತಾನೆ. ಬಳಿಕ ಅದು ನೀರಿನಲ್ಲಿ ಕರಗುತ್ತದೆ. ಕೊನೆಯಲ್ಲಿ ಜ್ಯೂಸ್​​ ಅನ್ನು ಪಾನ್ ಮಸಾಲದ ಖಾಲಿ ಪ್ಯಾಕೆಟ್‌ನಿಂದ ಅಲಂಕರಿಸುತ್ತಾನೆ.

ಈ ವೈರಲ್​ ವಿಡಿಯೋವನ್ನು 43 ಮಿಲಿಯನ್ ಮಂದಿ ವೀಕ್ಷಿಸಿದ್ದಾರೆ. 6 ಲಕ್ಷಕ್ಕೂ ಹೆಚ್ಚು ಮಂದಿ ವಿಡಿಯೋ ನೋಡಿ ಶಾಕ್​ ಆಗಿದ್ದಾರೆ. ವಿಡಿಯೋ ಹಂಚಿಕೊಳ್ಳುವಾಗ ವಿಶೇಷ ವಿಮಲ್ ಶಿಕಾಂಜಿ ಎಂಬ ಶೀರ್ಷಿಕೆಯನ್ನು ಬರೆಯಲಾಗಿದೆ. ನೀವು ಹೊರಗಡೆ ಬೀದಿಬದಿಯಲ್ಲಿ ಸೇವಿಸುವ ಊಟ ಅಥವಾ ಯಾವುದೇ ಪದಾರ್ಥಗಳ ಬಗ್ಗೆ ಎಚ್ಚರವಿರಲಿ.(ಏಜೆನ್ಸೀಸ್​)

https://www.vijayavani.net/viral-video-little-girl-most-stylish-way-of-dancing-goes-viral