ನವಜಾತು ಶಿಶುವಿನ ಪ್ರಾಣ ಅಪಾಯಕ್ಕಿಟ್ಟು ರೈಲು ಹತ್ತಲು ದಂಪತಿ ಯತ್ನ; Viral Video ನೋಡಿ ನೆಟ್ಟಿಗರು ಗರಂ

ರೈಲು ಪ್ಲಾಟ್‌ಫಾರ್ಮ್ ತಲುಪಿದ ತಕ್ಷಣ ಜನರು ಅದನ್ನು ಹತ್ತಲು ಪ್ರಯತ್ನಿಸುತ್ತಾರೆ. ಆದರೆ ಅನೇಕ ಬಾರಿ ಪ್ಲಾಟ್‌ಫಾರ್ಮ್‌ನಲ್ಲಿ ರೈಲು ನಿಲ್ಲದಿದ್ದರೂ ಜನರು ಪ್ರಾಣದ ಬಗ್ಗೆ ಚಿಂತಿಸದೆ ಹಳಿಯಿಂದ ಹತ್ತಲು ಹೋಗುತ್ತಾರೆ. ತಮ್ಮ ಜೀವಕ್ಕೆ ಅಪಾಯವನ್ನುಂಟುಮಾಡುವ ಯಾವುದನ್ನೂ ಮಾಡಬಾರದು ಎಂದು ಆಗಾಗ್ಗೆ ರೈಲ್ವೆ ಇಲಾಖೆ ಜನರಿಗೆ ಅರಿವು ಮೂಡಿಸುತ್ತದೆ. ಆದರೆ ಜನರ ಅಸಡ್ಡೆಯ ನಡವಳಿಕೆಯನ್ನು ಬಿಡುವುದಿಲ್ಲ. ಇಂತಹದ್ದೇ ಆಘಾತಕಾರಿ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್(Viral Video) ಆಗುತ್ತಿದೆ.

ಇದನ್ನು ಓದಿ: ಕಾಲೇಜು ಸಮಾರಂಭದಲ್ಲಿ ನೃತ್ಯ ಮಾಡುವಾಗ ಟಾಪ್​ ತೆಗೆದ ವಿದ್ಯಾರ್ಥಿನಿ; ಇದು ಅಶ್ಲೀಲತೆಯ ಮಿತಿ ಎಂದ ನೆಟ್ಟಿಗರು | Viral Video

ವೈರಲ್​ ವಿಡಿಯೋದಲ್ಲಿ ದಂಪತಿ ರೈಲು ಹಿಡಿಯಲು ನವಜಾತ ಶಿಶುವಿನೊಂದಿಗೆ ಹಳಿಗಳನ್ನು ಹೇಗೆ ತಲುಪುತ್ತಾರೆ ಎಂಬುದನ್ನು ನೋಡಬಹುದು. ಮೊದಲು ಮಹಿಳೆ ತುಂಬಾ ಕಷ್ಟಪಟ್ಟು ರೈಲು ಹತ್ತುತ್ತಾಳೆ. ಇದರ ನಂತರ ಅವರು ತಾವು ತಂದಿರುವ ಲಗೇಜ್​ ಅನ್ನು ತೆಗೆದುಕೊಳ್ಳುತ್ತಾರೆ. ಶಿಶುವನ್ನು ತಮ್ಮ ಕೈಗೆ ಪಡೆದುಕೊಳ್ಳುವಷ್ಟರಲ್ಲಿ ರೈಲು ಚಲಿಸಲು ಪ್ರಾರಂಭಿಸುತ್ತದೆ. ವಿಡಿಯೋ ನೋಡಿದರೆ ಒಂದು ಸೆಕೆಂಡ್‌ ಮುಂಚೆಯೇ ರೈಲು ಆರಂಭವಾಗಿದ್ದರೆ ಭಾರೀ ಅವಘಡ ಸಂಭವಿಸುವುದನ್ನು ತಪ್ಪಿಸಲು ಯಾರಿಂದಲೂ ಸಾಧ್ಯವಾಗುತ್ತಿರಲಿಲ್ಲ ಎಂಬುದು ಗೋಚರಿಸುತ್ತದೆ.

ವಿಡಿಯೋ ನೋಡಿದ ನೆಟ್ಟಿಗರು ಆಕ್ರೋಶ ಹೊರಹಾಕುತ್ತಿದ್ದಾರೆ. ನಿಜವಾಗಿಯೂ ಇಂತಹ ಜನರಿಗೆ ಅವಮಾನ, ಮಗುವು ಅವರ ಆದ್ಯತೆಯಾಗಿರಲಿಲ್ಲ, ಅವಳು ಮಗುವಿಗಿಂತ ಹೆಚ್ಚು ಲಗೇಜ್​ ಮೇಲೆ ಗಮನವಿದೆ, ಇದು ಮೂರ್ಖತನ, ಈ ರೀತಿ ಯಾರು ಮಾಡಬಾರದು, ಮಗುವಿನ ಜೀವವನ್ನು ಏಕೆ ಅಪಾಯಕ್ಕೆ ತಳ್ಳುತ್ತಿದ್ದಾರೆ ಎಂದು ಕಾಮೆಂಟ್ ಮಾಡಿದ್ದಾರೆ.

https://www.vijayavani.net/viral-video-temple-private-guards-fought-with-devotess