ಅನಾವಶ್ಯಕವಾಗಿ ಹಾರ್ನ್ ಹೊಡೆಯುತ್ತಿದ್ದ ಬಸ್ ಚಾಲಕರಿಗೆ ತಕ್ಕ ಶಾಸ್ತಿ ಮಾಡಿದ ಪೊಲೀಸರು; Viral Video ನೋಡಿದ್ರೆ ನೀವು ಸರಿ ಅಂತೀರಾ

ವಾಹನಗಳಲ್ಲಿರುವವರಿಗೆ ಹಾರ್ನ್ ಮಾಡುವುದು ಎಂದರೆ ನಿಮ್ಮ ಮುಂದಿರುವ ವಾಹನದ ಚಾಲಕನನ್ನು ಎಚ್ಚರಿಸುವುದು, ಅದನ್ನು ಹೊರತುಪಡಿಸಿ ಹೆದರಿಸುವುದಲ್ಲ. ಆದರೆ ಕೆಲವು ಬಸ್ ಮತ್ತು ಟ್ರಕ್ ಚಾಲಕರು ತಮ್ಮ ವಾಹನಗಳಿಗೆ ಇಂತಹ ಹಾರ್ನ್ ಅಳವಡಿಸುತ್ತಾರೆ. ಇದನ್ನು ಕೇಳಿದರೆ ರಸ್ತೆಯಲ್ಲಿರುವವರಿಗೆ ಹೃದಯಾಘಾತ ಆಗುವುದೊಂದೆ ಬಾಕಿ ಎನ್ನುವಂತಿರುತ್ತದೆ. ಏಕೆಂದರೆ ಅದರ ಪಿಚ್ ಮತ್ತು ಧ್ವನಿ ಕಿವಿಗೆ ತುಂಬಾ ಜೋರಾಗಿರುತ್ತದೆ.(Viral Video)

ಇದನ್ನು ಓದಿ: ಮೊದಲ ಸ್ವದೇಶಿ ಉಪಗ್ರಹ ಉಡಾವಣೆ ಮಾಡಿದ ಪಾಕ್​; Viral Post ನೋಡಿ ‘ವಾಟರ್ ಟ್ಯಾಂಕ್’ ಎಂದ ನೆಟ್ಟಿಗರು

ಕರ್ಕಶವಾದ ಹಾರ್ನ್ ಅಳವಡಿಸಿದ ನಂತರ ಜನವಸತಿ ಪ್ರದೇಶಗಳ ರಸ್ತೆಗಳಲ್ಲಿಯೂ ಈ ಜನರು ಹಾರ್ನ್​ ಮಾಡುತ್ತಿರುತ್ತಾರೆ. ಇದರಿಂದ ಸಾರ್ವಜನಿಕರು ಸಾಕಷ್ಟು ತೊಂದರೆ ಅನುಭವಿಸುತ್ತಿದ್ದಾರೆ. ಹೀಗಿರುವಾಗ ಕರ್ನಾಟಕದಲ್ಲಿ ಟ್ರಾಫಿಕ್​​ ಪೊಲೀಸೊಬ್ಬರು ಜೋರಾಗಿ ಹಾರ್ನ್ ಮಾಡುವ ಬಸ್ ಚಾಲಕರನ್ನು ಹಿಡಿದು ತಕ್ಕ ಪಾಠ ಕಲಿಸಿದ್ದಾರೆ. ನೆಟ್ಟಿಗರು ಈ ಶಿಕ್ಷೆಯ ಹಿಂದಿನ ಉದ್ದೇಶವನ್ನು ಇಷ್ಟಪಡುತ್ತಿದ್ದಾರೆ.

ವೈರಲ್​ ವಿಡಿಯೋದಲ್ಲಿ ಟ್ರಾಫಿಕ್ ಪೊಲೀಸ್​ ಒಬ್ಬರು ಬಸ್ ಚಾಲಕನನ್ನು ರಸ್ತೆಗೆ ಕರೆದುಕೊಂಡು ಹೋಗಿ ಬಸ್ಸಿನ ಬಾನೆಟ್ ಮೇಲಿರುವ ಹಾರ್ನ್ ಭಾಗಕ್ಕೆ ಕಿವಿ ಹಾಕುವಂತೆ ಕೇಳುವುದನ್ನು ಕಾಣಬಹುದು. ಬಸ್ ಚಾಲಕನೊಬ್ಬ ತನ್ನ ಕಿವಿಯನ್ನು ಬಾನೆಟ್ ಬಳಿ ಇಟ್ಟಾಗ ಪೊಲೀಸಪ್ಪ ಹೋಗಿ ಹಾರ್ನ್ ಮಾಡುತ್ತಾರೆ. ಇದರಿಂದ ಬಸ್ಸಿನೊಳಗೆ ಕೂತು ಅನವಶ್ಯಕವಾಗಿ ಹಾರ್ನ್ ಮಾಡಿದಾಗ ಕೆಳಗೆ ವಾಹನ ಚಲಾಯಿಸುವವರಿಗೆ ಹೇಗನಿಸುತ್ತದೆ ಎಂದು ತಿಳಿಯಬಹುದು.

ಇಬ್ಬರು ಬಸ್ ಚಾಲಕರಿಗೆ ಟ್ರಾಫಿಕ್ ಪೊಲೀಸರು ನೀಡಿರುವ ಈ ಶಿಕ್ಷೆ ಶಿಕ್ಷೆಯಷ್ಟೇ ಅಲ್ಲ ಆ ಚಾಲಕರಿಗೆ ಇನ್ನು ಮುಂದೆ ಇಂತಹ ಕೆಲಸ ಮಾಡಬಾರದು ಎಂಬ ಪಾಠವೂ ಆಗಿದೆ. ಸರಿಸುಮಾರು 1 ನಿಮಿಷದ ವಿಡಿಯೋ ಈ ಶಿಕ್ಷೆಯ ಈ ಸೃಜನಶೀಲ ಅಂಶದೊಂದಿಗೆ ಕೊನೆಗೊಳ್ಳುವುದನ್ನು ನೋಡಬಹುದು.

ಈ ವಿಡಿಯೋವನ್ನು ಇದುವರೆಗೂ 2 ಲಕ್ಷ 60 ಸಾವಿರಕ್ಕೂ ಹೆಚ್ಚು ವೀಕ್ಷಿಸಿದ್ದು, ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಏರ್ ಹಾರ್ನ್​ಗಳು ಕಾನೂನುಬಾಹಿರ ಅದನ್ನು ಸ್ಥಳದಲ್ಲೇ ಏಕೆ ಚಲನ್ ಮಾಡಿ ತೆಗೆದುಹಾಕುವುದಿಲ್ಲ?, ಇದು ಅಮಾನವೀಯವಾಗಿದ್ದರೂ ಈ ರೀತಿ ಮಾಡಿದ್ದಕ್ಕಾಗಿ ನಾನು ಪೊಲೀಸರನ್ನು ಪ್ರಶಂಸಿಸುತ್ತೇನೆ, ಭಾರತೀಯ ರಸ್ತೆಗಳಲ್ಲಿ ಹಾರ್ನ್ ಮಾಡುವುದು ದೊಡ್ಡ ಸಮಸ್ಯೆಯಾಗಿದೆ, ಇದು ವಿಶೇಷವಾಗಿ ವಯಸ್ಸಾದ ಜನರು-ಮಕ್ಕಳು ಮತ್ತು ರೋಗಿಗಳ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಇದನ್ನು ಕಟ್ಟುನಿಟ್ಟಾಗಿ ನಿಯಂತ್ರಿಸಬೇಕು, ಶಿಕ್ಷೆ ನೋಡಿ ನನಗೆ ಸಂತೋಷವಾಯಿತು ಎಂದು ಕಾಮೆಂಟ್​ ಮಾಡಿದ್ದಾರೆ.

https://www.vijayavani.net/viral-video-russian-woman-asks-100-rupees-for-1-selfie-to-get-rid-of-clicking-photos-in-beach