Viral News| ಈ ಕುಟುಂಬದ ವಾರ್ಷಿಕ ಆದಾಯ 2 ರೂಪಾಯಿ; ಆದರೆ...

ಭೋಪಾಲ್​: ಒಂದು ಬಡ, ಮಧ್ಯಮ ವರ್ಗದ ಕುಟುಂಬ ನಡೆಸಲು ಕನಿಷ್ಠ ಎಂದರೆ ತಿಂಗಳಿಗೆ 5-6 ಸಾವಿರ ರೂಪಾಯಿಗಳು ಬೇಕಾಗುತ್ತದೆ. ನಾವು ಖರ್ಚು ಕಮ್ಮಿ ಮಾಡಿ ಎಷ್ಟೇ ಉಳಿಸುತ್ತೇವೆ ಎಂದರೂ ತಿಂಗಳಿಗೆ ಮಿನಿಮಮ್​ ಹಣ ಮೀಸಲಿಡಲೇಬೇಕಾಗುತ್ತದೆ. ಆದರೆ, ಮಧ್ಯಪ್ರದೇಶದಲ್ಲೊಂದು ಕುಟುಂಬ ವರ್ಷಕ್ಕೆ ಬರೀ ಎರಡು ರೂಪಾಯಿ ಸಂಪಾದಿಸುತ್ತಿದ್ದು, ಬರುವ ಹಣದಲ್ಲೇ ಜೀವನ ನಡೆಸುತ್ತಿದ್ದೀರಾ ಎಂದು ನೀವು ನಂಬುತ್ತೀರಾ. ಆಶ್ಚರ್ಯವೆನಿಸಿದರೂ ಇದು ನಿಜ.

ಈ ವರ್ಷದ ಆರಂಭದಲ್ಲಿ ಈ ಕುಟುಂಬವು ಆದಾಯ ಪ್ರಮಾಣ ಪತ್ರದಲ್ಲಿ (Income Certificate) ಎರಡು ರೂಪಾಯಿ ಇನ್​ಕಮ್​ ತೋರಿಸಿದ್ದಕ್ಕಾಗಿ ಸಖತ್​ ಸುದ್ದಿಯಾಗಿತ್ತು. ಐದು ಜನರಿರುವ ಈ ಕುಟುಂಬವು ವರ್ಷಕ್ಕೆ ಬರೀ ಎರಡು ರೂಪಾಯಿ ಸಂಪಾದನೆಯಲ್ಲಿ ಅದೇಗೆ ಜೀವನ ಸಾಗಿಸುತ್ತದೆ ಎಂದು ಹಲವರು ಆಶ್ಚರ್ಯಪಟ್ಟಿದ್ದರು. ಆದರೆ, ಇದೀಗ ಅಸಲಿ ಸಂಗತಿ ಬಯಲಾಗಿದ್ದು, ಅಧಿಕೃತ ದಾಖಲೆಯನ್ನು ಬಿಡುಗಡೆ ಮಾಡಲಾಗಿದೆ. ಈ ಸುದ್ದಿ ಸಖತ್​ ವೈರಲ್​ (Viral News) ಆಗುತ್ತಿದೆ.

ಮಧ್ಯಪ್ರದೇಶದ ಘೋಘ್ರಾ ಗ್ರಾಮದ ನಿವಾಸಿ 12ನೇ ತರಗತಿ ವ್ಯಾಸಂಗ ಮಾಡುತ್ತಿರುವ ಬಲರಾಮ್ ಚಾದರ್ ಅವರ ಹೆಸರಿನಲ್ಲಿ ಈ ಪ್ರಮಾಣಪತ್ರವನ್ನು ಜನವರಿಯಲ್ಲಿ ನೀಡಲಾಗಿತ್ತು. ಈ ವಿಚಾರ ಬೆಳಕಿಗೆ ಬರುತ್ತಿದ್ದಂತೆ ಮಾಧ್ಯಮಗಳು ಹಾಗೂ ಸ್ಥಳೀಯಾಡಳಿತ ಫ್ಯಾಕ್ಟ್​​​ಚೆಕ್​ ಮಾಡಿದ್ದು, ಇದು ಮುದ್ರಣ ದೋಷದಿಂದ ಆಗಿರುವ ಎಡವಟ್ಟು ಎಂದು ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: Muda Scam| 'ಕೆಟ್ಟ ಮೇಲೆ ಬುದ್ಧಿ ಬಂತು' ಎಂಬ ಮಾತು ಮುಖ್ಯಮಂತ್ರಿಗಳಿಗೆ ಅನ್ವಯಿಸುತ್ತಿದೆ: ವಿಜಯೇಂದ್ರ ಟೀಕೆ

ಈ ಕುರಿತು ಮಾತನಾಡಿರುವ ಬಲರಾಮ್ ಚಾದರ್ ಕುಟುಂಬಸ್ಥರು, ಸಾಮಾನ್ಯ ಸೇವಾ ಕೇಂದ್ರದಿಂದ ನೀಡಲಾಗಿರುವ ಆದಾಯ ಪ್ರಮಾಣಪತ್ರದಲ್ಲಿ ತಪ್ಪಾಗಿದ್ದು, ನಮ್ಮ ಕುಟುಂಬದ ವಾರ್ಷಿಕ ಆದಾಯ 40 ಸಾರಿ ರೂಪಾಯಿ ಇದೆ ಎಂದು ಅಧಿಕಾರಿಗಳಿಗೆ ಮಾಹಿತಿ ನೀಡಿದರೂ ಸಹ ಈ ರೀತಿ ತಪ್ಪಾಗಿ ನಮೂದಿಸಿ ಕೊಟ್ಟಿದ್ದಾರೆ. ಇದಾದ ಬಳಿಕ ಹೊಸ ಆದಾಯ ಪ್ರಮಾಣಪತ್ರವನ್ನು ನೀಡಲಾಗಿದ್ದ, ಅದರಲ್ಲಿ ಎಲ್ಲವನ್ನೂ ಸರಿಯಾಗಿ ನಮೂದಿಸಲಾಗಿದೆ ಎಂದು ಚಾದರ್​ ಕುಟುಂಬಸ್ಥರು ತಿಳಿಸಿದ್ದಾರೆ.

ಇತ್ತ ವಿಚಾರ ಬೆಳಕಿಗೆ ಬರುತ್ತಿದ್ದಂತೆ ಸರ್ಕಾರ ತನಿಖೆಗೆ ಆದೇಶಿಸಿದ್ದು, ವರದಿ ಸಲ್ಲಿಸಿ ತಪ್ಪಿತಸ್ಥ ಅಧಿಕಾರಿಗಳ ವಿರುದ್ಧ ಕಠಿಣ ಕ್ರಮ ಜರುಗಿಸುವಂತೆ ಸೂಚಿಸಿದೆ. ಇತ್ತ ವಿಚಾರ ಹೊರಬರುತ್ತಿದ್ದಂತೆ ಅಧಿಕಾರಿಗಳನ್ನು ವರ್ಗಾವಣೆ ಮಾಡಲಾಗಿದ್ದು, ಲೋಪದೋಷಕ್ಕೆ ಅಧಿಕಾರಿಗಳ ತಲೆದಂಡವಾಗುವ ಸಾಧ್ಯತೆ ಹೆಚ್ಚಿದೆ.

https://www.vijayavani.net/people-thought-the-game-was-fixed-ex-pakistan-star-reveals-shocking-detail

https://www.vijayavani.net/vachanas-are-the-medicine-to-correct-wrongs-union-minister-v-somanna-abhima