ಪೀಲಿಂಗ್ಸ್​ ಸಾಂಗ್​ಗೆ ಅಜ್ಜಿಯ ಮಸ್ತ್​ ಸ್ಟೆಪ್ಸ್​! ವೈರಲ್​ ವಿಡಿಯೋ ನೋಡಿ ಹುಬ್ಬೇರಿಸಿದ ನೆಟ್ಟಿಗರು | Peelings song

Peelings song : ಐಕಾನ್​​ ಸ್ಟಾರ್​ ಅಲ್ಲು ಅರ್ಜುನ್ ನಟನೆಯ ಪುಷ್ಪ-2 ಸಿನಿಮಾ ಬಾಕ್ಸ್​ ಆಫೀಸ್​ನಲ್ಲಿ ಧೂಳೆಬ್ಬಿಸಿರುವುದು ಎಲ್ಲರಿಗೂ ಗೊತ್ತೇ ಇದೆ. ಡಿಸೆಂಬರ್​ 5ರಂದು ಬಿಡುಗಡೆಯಾದ ಈ ಸಿನಿಮಾ ಸುಮಾರು 1700 ಕೋಟಿ ರೂ.ಗೂ ಅಧಿಕ ಹಣ ಗಳಿಸಿದೆ ಎನ್ನಲಾಗಿದೆ. ಈಗಲೂ ಚಿತ್ರಮಂದಿರದಲ್ಲಿ ಪ್ರದರ್ಶನ ಕಾಣುತ್ತಿದೆ. ಈ ಸಿನಿಮಾದ ಹಾಡುಗಳು ಕೂಡ ಸಿಕ್ಕಾಪಟ್ಟೆ ಹಿಟ್​ ಆಗಿವೆ. ಸಾಮಾಜಿಕ ಜಾಲತಾಣವಂತೂ ಈ ಚಿತ್ರದ ಹಾಡುಗಳಿಂದಲೇ ತುಂಬಿ ಹೋಗಿದೆ.

ಕಿಸಿಕ್​ ಕಿಸಿಕ್... ಸೂಸೆಕಿ ಮತ್ತು ಪೀಲಿಂಗ್ಸ್​ ಸಾಂಗ್ಸ್​ ಪ್ರೇಕ್ಷಕರ ಮನ ಗೆದ್ದಿದೆ. ಅದರಲ್ಲೂ ಪೀಲಿಂಗ್ಸ್​ ಸಾಂಗ್​ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಅದಕ್ಕೆ ಕಾರಣ ಅಲ್ಲು ಅರ್ಜುನ್​ ಮತ್ತು ರಶ್ಮಿಕಾ ಮಂದಣ್ಣ ಸಖತ್ತಾಗಿ ಹೆಜ್ಜೆ ಹಾಕಿರುವುದು. ಇದೇ ಹಾಡಿಗೆ ಅನೇಕರು ಸೊಂಟ ಬಳುಕಿಸಿ ಸಾಮಾಜಿಕ ಜಾಲತಾಣದಲ್ಲಿ ರೀಲ್​ಗಳನ್ನು ಹರಿಬಿಟ್ಟಿದ್ದಾರೆ. ಕೆಲವು ರೀಲ್‌ಗಳಂತೂ ಸಿಕ್ಕಾಪಟ್ಟೆ ವೈರಲ್ ಆಗಿವೆ. ಆದರೆ, ಈ ಒಂದು ರೀಲ್ ಮಾತ್ರ ಅದೆಲ್ಲವನ್ನು ಮೀರಿಸಿ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.

ಇದನ್ನೂ ಓದಿ: ಯಾವುದೇ ಕಾರಣಕ್ಕೂ ಬೇಡ… ಸೌತ್​ ಬ್ಯೂಟಿ ನಿತ್ಯಾ ಮೆನನ್​​ ನಿರ್ಧಾರದಿಂದ ಅಭಿಮಾನಿಗಳಿಗೆ ಬೇಸರ! Nithya Menen

ಯುವಕ-ಯುವತಿಯರು ಸಿನಿಮಾ ಹಾಡಿಗೆ ಸೊಂಟ ಬಳುಕಿಸಿ ರೀಲ್ಸ್​ ಮಾಡುವುದನ್ನು ನೋಡಿರುತ್ತೀರಿ. ಆದರೆ, ಇತ್ತೀಚಿಗೆ ವೈರಲ್​ ಆಗಿರುವ ರೀಲ್​ನಲ್ಲಿ ವೃದ್ಧೆಯೊಬ್ಬರು ಮಸ್ತ್​​ ಸ್ಟೆಪ್ಸ್​ ಹಾಕಿದ್ದಾರೆ. ಇಳಿ ವಯಸ್ಸಿನಲ್ಲಿ ವೃದ್ಧೆ ಕುಣಿದು ಕುಪ್ಪಳಿಸಿರುವ ರೀತಿಯನ್ನು ಕಂಡು ಜನರು ಆಶ್ಚರ್ಯಚಕಿತರಾಗುತ್ತಿದ್ದಾರೆ. ಅಜ್ಜಿಯು "ಪೀಲಿಂಗ್ಸ್" ಹಾಡಿನಲ್ಲಿ ನಾಯಕಿ ರಶ್ಮಿಕಾ ಮಂದಣ್ಣ ಅವರ ಸ್ಟೆಪ್‌ಗಳಿಗೆ ಸರಿ ಸಮಾನವಾಗಿಯೇ ಹೆಜ್ಜೆ ಹಾಕಿದ್ದಾರೆ. ಸದ್ಯ ಈ ವಿಡಿಯೋ ವೈರಲ್ ಆಗುತ್ತಿದ್ದು, ಅದನ್ನು ನೋಡಿದವರು ಅಜ್ಜಿಯನ್ನು ಹೊಗಳುತ್ತಿದ್ದಾರೆ.

ಮೆಗಾ ಫ್ಯಾಮಿಲಿ ಫ್ಯಾನ್​ ಫಾರೆವರ್​ ಹೆಸರಿನ ಎಕ್ಸ್​ ಖಾತೆಯಲ್ಲಿ ವಿಡಿಯೋವನ್ನು ಶೇರ್​ ಮಾಡಲಾಗಿದ್ದು, ಈವರೆಗೂ ಒಂದೂವರೆ ಲಕ್ಷಕ್ಕೂ ಅಧಿಕ ಮಂದಿ ವಿಡಿಯೋ ವೀಕ್ಷಣೆ ಮಾಡಿದ್ದಾರೆ. ನೆಟ್ಟಿಗರು ಈ ವಿಡಿಯೋಗೆ ವಿವಿಧ ರೀತಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ. ಈ ವಯಸ್ಸಿನಲ್ಲೇ ಈ ಅಜ್ಜಿ ಹೀಗೆ ಡಾನ್ಸ್​ ಮಾಡಬೇಕಾದರೆ, ಯುವತಿಯಾಗಿದ್ದಾಗ ಯಾವ ರೇಂಜ್​ನಲ್ಲಿ ನೃತ್ಯ ಮಾಡಿರಬಹುದು? ಎಂದು ಕೆಲವರು ಕಾಮೆಂಟ್​ ಮಾಡಿದ್ದಾರೆ. ಅಂದಹಾಗೆ ಈ ವಿಡಿಯೋ ನೋಡಿ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್​ ಮೂಲಕ ನಮಗೆ ತಿಳಿಸಿ. (ಏಜೆನ್ಸೀಸ್​)

https://www.vijayavani.net/maha-kumbh-mela-2025-all-about-kumbh-dates-types-of-kumbh-shahi-snan-dates-and-all-you-need-to-know

https://www.vijayavani.net/no-one-can-blame-when-that-actress-came-instead-of-honey-rose