ವಿಜಯವಾಣಿ ವರದಿ ಪ್ರತಿಧ್ವನಿ: ಮುದ್ರಾಂಕ ಶುಲ್ಕದ ಭಾರ ಇಳಿಸಲು ರುದ್ರಗೌಡ ಒತ್ತಾಯ

ಬೆಂಗಳೂರು: ಮುಚ್ಚಳಿಕೆ, ಜಮೀನು ಖರೀದಿ ಮತ್ತಿತರ ವ್ಯವಹಾರಗಳಿಗೆ ಮುದ್ರಾಂಕ ಶುಲ್ಕ ಹೆಚ್ಚಿಸಿರುವ ಸರ್ಕಾರ, ರೈತರ ಮೇಲೆ ದೊಡ್ಡ ಭಾರ ಹೊರಿಸಿದೆ ಎಂದು ವಿಧಾನ ಪರಿಷತ್​ನಲ್ಲಿ ಬಿಜೆಪಿಯ ರುದ್ರಗೌಡ ಕಳವಳ ವ್ಯಕ್ತಪಡಿಸಿದರು.

‘ರೈತರಿಗೆ ಹೊರೆಯಾದ ಮುದ್ರಾಂಕ ಶುಲ್ಕ’ ಶೀರ್ಷಿಕೆಯಡಿ ವಿಜಯವಾಣಿ ಪ್ರಕಟಿಸಿದ ವರದಿಯನ್ನು ವಿಧಾನ ಪರಿಷತ್​ನಲ್ಲಿ ಶೂನ್ಯ ವೇಳೆಯಲ್ಲಿ ಸೋಮವಾರ ಪ್ರಸ್ತಾಪಿಸಿದ ಅವರು, ಮುಚ್ಚಳಿಕೆ, ಅಫಿಡವಿಟ್​ಗೆ ಈ ಮೊದಲು 20 ರೂ. ಶುಲ್ಕವಿದ್ದದ್ದು ಈಗ 100 ರೂ.ಗೆ ಹೆಚ್ಚಿಸಿದ್ದು, ರೈತರ ಜತೆಗೆ ವಿದ್ಯಾರ್ಥಿಗಳಿಗೆ ಸಮಸ್ಯೆಯಾಗಿದೆ.

ಜಮೀನು ವಹಿವಾಟಿಗೆ ಸಂಬಂಧಿತ ಮುದ್ರಾಂಕ ಶುಲ್ಕವನ್ನೂ ಏರಿಸಲಾಗಿದೆ. ಬರಗಾಲದಲ್ಲಿ ಈ ನಿರ್ಧಾರ ಸರಿಯಾ ದುದಲ್ಲ. ಮುದ್ರಾಂಕ ಶುಲ್ಕ ವಿಚಾರದಲ್ಲಿ ರೈತರಿಗೆ ಪ್ರತ್ಯೇಕ ವ್ಯವಸ್ಥೆ ಜಾರಿಗೆ ತರಬೇಕು ಎಂದು ಹೇಳಿದರು.

ಅಲ್ಲದೆ, ಶುಲ್ಕದ ಹೊರೆ ಇಳಿಸಬೇಕು ಎಂದು ರುದ್ರಗೌಡ ಮನವಿ ಮಾಡಿದಾಗ ಸಂಬಂಧಿಸಿದ ಸಚಿವರಿಂದ ಉತ್ತರ ಕೊಡಿಸುವುದಾಗಿ ಸಭಾನಾಯಕ ಎನ್.ಎಸ್.ಬೋಸರಾಜು ಭರವಸೆ ನೀಡಿದರು.

https://www.vijayavani.net/rent-of-rs-2-lakhs-per-day-mvd-slaps-fine-of-rs-12-lakh-on-rolls-royce-which-ran-without-paying-tax-in-kerala