VIDEO | ಕರೊನಾ ರೋಗಿ ಸತ್ತಿದ್ದಕ್ಕೆ ವೈದ್ಯನನ್ನು ಹಿಗ್ಗಾಮುಗ್ಗಾ ಥಳಿಸಿದರು! ಹಲ್ಲೆ ಮಾಡಿದ 24 ಜನರು ಜೈಲಿಗೆ

ಗೌಹಾಟಿ : ಕರೊನಾ ಸೋಂಕಿತ ಆಸ್ಪತ್ರೆಗೆ ಕರೆದೊಯ್ದಾಗ ಮೃತಪಟ್ಟ ಹಿನ್ನೆಲೆಯಲ್ಲಿ ಸಂಬಂಧಿಕರು ವೈದ್ಯರನ್ನು ಹಿಗ್ಗಾ ಮುಗ್ಗಾ ಥಳಿಸಿರುವ ಘಟನೆ ಅಸ್ಸಾಂನಿಂದ ವರದಿಯಾಗಿದೆ. ಕೋವಿಡ್​ ಕೇರ್​ ಕೇಂದ್ರಕ್ಕೆ ಹೊಸದಾಗಿ ಸೇರಿದ ಕಿರಿಯ ವೈದ್ಯನ ಮೇಲೆ ಹಿಂಸಾಚಾರ ನಡೆಸಿದ ಈ ಪ್ರಕರಣದಲ್ಲಿ, ಇದೀಗ 24 ಜನರನ್ನು ಪೊಲೀಸರು ಬಂಧಿಸಿದ್ದಾರೆ.

ಅಸ್ಸಾಂನ ಹೊಜಾಯ್ ಜಿಲ್ಲೆಯ ಒಡಲಿ ಮಾಡೆಲ್ ಹಾಸ್ಪಿಟಲ್​ನಲ್ಲಿ ಕರೊನಾ ಸೋಂಕಿತರೊಬ್ಬರು ನಿನ್ನೆ ಮಧ್ಯಾಹ್ನ ಮೃತಪಟ್ಟರು. ಇದರಿಂದ ಭಾವೋದ್ವೇಗಕ್ಕೊಳಗಾದ ಕುಟುಂಬಸ್ಥರು ಯುವ ವೈದ್ಯ ಡಾ. ಸೇಯುಜ್​ ಕುಮಾರ್ ಸೇನಾಪತಿ ಅವರನ್ನು ಥಳಿಸಿದರು. ವೈದ್ಯನ ಮೇಲೆ ಹಲವು ಜನರು ಹಲ್ಲೆ ಮಾಡುತ್ತಾ, ಕಾಲಿನಲ್ಲಿ ಒದೆಯುತ್ತಿದ್ದ ವಿಡಿಯೋ ಜಾಲತಾಣದಲ್ಲಿ ವೈರಲ್ ಆಗಿತ್ತು.

"ಈ ಬರ್ಬರ ಹಲ್ಲೆಯ ಪ್ರಕರಣದಲ್ಲಿ 24 ಆರೋಪಿಗಳನ್ನು ಬಂಧಿಸಲಾಗಿದೆ. ಆದಷ್ಟು ಬೇಗ ಚಾರ್ಜ್​ಶೀಟ್​ ಸಲ್ಲಿಸಲಾಗುವುದು. ನಾನು ಈ ತನಿಖೆಯನ್ನು ವೈಯಕ್ತಿಕವಾಗಿ ಪರಿವೀಕ್ಷಿಸುತ್ತಿದ್ದು, ನ್ಯಾಯ ಒದಗಿಸಲಾಗುವುದು ಎಂದು ಭರವಸೆ ನೀಡುತ್ತೇನೆ" ಎಂದು ಸಿಎಂ ಹಿಮಂತ ಬಿಸ್ವ ಶರ್ಮ ಇಂದು ಬೆಳಿಗ್ಗೆ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: ಬೆಚ್ಚಿಬೀಳಿಸಿದ್ದ ಬಾಂಗ್ಲಾ ಯುವತಿ ಗ್ಯಾಂಗ್‌ ರೇಪ್‌: ಗುಪ್ತಾಂಗಕ್ಕೆ ಬಾಟ್ಲಿ ತುರುಕಿ ವಿಕೃತಿ ಮೆರೆದಿದ್ದವ ಇವನೇ…

ಹಲ್ಲೆಗೊಳಗಾದ ಡಾ.ಸೇನಾಪತಿ ಅವರು, ಎಂಬಿಬಿಎಸ್​ ಕೋರ್ಸ್​ ಮುಗಿಸಿ ಗ್ರಾಮಾಂತರ ಪ್ರದೇಶದಲ್ಲಿ ತಮ್ಮ ಮೊದಲ ದಿನದ ಡ್ಯೂಟಿಗೆ ಹಾಜರಾಗಿದ್ದರು ಎನ್ನಲಾಗಿದೆ. "ನಾನು ಮಧ್ಯಾಹ್ನ 1.30 ಕ್ಕೆ ಕೋವಿಡ್​ ಡ್ಯೂಟಿಗೆ ರಿಪೋರ್ಟ್​ ಮಾಡಿಕೊಂಡಾಗ ರೋಗಿಯ ಸಂಬಂಧಿಕರು ಆತನ ಪರಿಸ್ಥಿತಿ ಗಂಭೀರವಾಗಿದೆ ಎಂದರು. ನಾನು ರೋಗಿಯನ್ನು ಪರೀಕ್ಷೆ ಮಾಡಿದಾಗ ಆತ ಅದಾಗಲೇ ಸತ್ತುಹೋಗಿದ್ದ. ಸಂಬಂಧಿಕರು ತಕ್ಷಣ ಆಸ್ಪತ್ರೆಯ ಫರ್ನಿಚರ್​ ಒಡೆದು ನನ್ನ ಮೇಲೆ ಹಲ್ಲೆ ಮಾಡಿದರು" ಎಂದು ಸೇನಾಪತಿ ಹೇಳಿದ್ದಾರೆ.

ಐಎಂಎ ಅಸ್ಸಾಂ ವಿಭಾಗ ಈ ಹಲ್ಲೆಯನ್ನು ಖಂಡಿಸಿ, ರೋಗಿಗಳ ಸಂಬಂಧಿಕರ ಭಾವನೆಗಳನ್ನು ಎದುರಿಸುವುದು ವೈದ್ಯ ಸಮುದಾಯಕ್ಕೆ ಕಷ್ಟವಾಗುತ್ತಿದೆ ಎಂದಿತ್ತು. ಕೋವಿಡ್​ ಡ್ಯೂಟಿ ಮಾಡುವವರಿಗೆ ಈ ರೀತಿಯ ಪುರಸ್ಕಾರ ಕೊಡುವುದು ಎಷ್ಟು ಸರಿ ಎಂದು ಪ್ರಶ್ನಿಸಿತ್ತು. (ಏಜೆನ್ಸೀಸ್)

https://www.vijayavani.net/hotels-vaccine-and-stay-offer-covaxin-stored-in-normal-fridge/

https://www.vijayavani.net/man-who-said-he-was-cured-of-corona-from-eye-drops-dies-in-hospital/