ವಸಿಷ್ಠ ಸಿಂಹ ಈಗ ತಿರುಪತಿ ... ಯಾವ ಚಿತ್ರ ಹೇಳಿ?

ಬೆಂಗಳೂರು​: ವಸಿಷ್ಠ ನಾಯಕನಾಗಿ ಅಭಿನಯಿಸುತ್ತಿರುವ ‘ಓದೆಲ್ಲ ರೈಲ್ವೇ ಸ್ಟೇಶನ್’ ಎಂಬ ತೆಲುಗು ಚಿತ್ರದ ಚಿತ್ರೀಕರಣ ಈಗಾಗಲೇ ಮುಗಿದಿದ್ದು, ಬಿಡುಗಡೆಗೆ ಸಜ್ಜಾಗುತ್ತಿದೆ. ಇಷ್ಟಾದರೂ ಈ ಚಿತ್ರದಲ್ಲಿ ತಮ್ಮ ಪಾತ್ರವೇನು ಮತ್ತು ಲುಕ್​ ಹೇಗಿರುತ್ತದೆ ಎಂಬುದನ್ನು ವಸಿಷ್ಠ ಹೇಳಿಕೊಂಡಿರಲಿಲ್ಲ.

ಇದನ್ನೂ ಓದಿ: ಮತ್ತೆ ಕನ್ನಡಕ್ಕೆ ಬಂದ ‘ಬಾಹುಬಲಿ’ ಕಥೆಗಾರ ವಿಜಯೇಂದ್ರ ಪ್ರಸಾದ್​

ಇದೀಗ ವಸಿಷ್ಠ ತಮ್ಮ ಫಸ್ಟ್​ ಲುಕ್​ ಹಂಚಿಕೊಂಡಿದ್ದು, ಈ ಚಿತ್ರದಲ್ಲಿ ತಿರುಪತಿ ಎಂಬ ಹೆಸರಿನ ಧೋಬಿಯ ಪಾತ್ರದಲ್ಲಿ ನಟಿಸಿರುವುದಾಗಿ ಸೋಷಿಯಲ್​ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.

ಈ ಕುರಿತು ಟ್ವೀಟ್​ ಮಾಡಿರುವ ಅವರು, ''ಓದೆಲ್ಲ ರೈಲ್ವೇ ಸ್ಟೇಶನ್​'ನಲ್ಲಿ ತಿರುಪತಿ ಎಂಬ ಧೋಬಿಯ ಪಾತ್ರ ಮಾಡಿದ್ದೇನೆ. ಈ ತರಹದ ಪಾತ್ರ ಮಾಡಿರಲಿಲ್ಲ' ಎಂದು ಸಿಂಹ ಹೇಳಿದ್ದಾರೆ.

ಕರೀಮ್ ನಗರ್ ಜಿಲ್ಲೆಯ ಒಂದು ಹಳ್ಳಿಯಲ್ಲಿ ನಡೆದ ಘಟನೆಯನ್ನು ಆಧರಿಸಿ ಈ ಚಿತ್ರ ಮಾಡಲಾಗಿದೆಯಂತೆ. ಇಲ್ಲಿ ನಾಯಕ ದೋಭಿಯಾಗಿದ್ದು, ಅವನ ಜೀವನದಲ್ಲಿ ಏನೆಲ್ಲಾ ನಡೆಯುತ್ತದೆ ಎಂಬುದು ಚಿತ್ರದ ಕಥೆ. ವಸಿಷ್ಠಗೆ ನಾಯಕಿಯಾಗಿ ‘ಅಧ್ಯಕ್ಷ’ದ ಹೀಬಾ ಪಟೇಲ್ ನಟಿಸುತ್ತಿದ್ದಾರೆ. ಇನ್ನು ಅಶೋಕ್ ತೇಜ ನಿರ್ದೇಶನ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಡ್ರಗ್ಸ್​ ಪ್ರಕರಣದಲ್ಲಿ ಪ್ರಸಿದ್ಧ ಹಾಸ್ಯ ನಟಿ ದಂಪತಿ ಭಾಗಿ? ಎನ್​ಸಿಬಿ ಅಧಿಕಾರಿಗಳಿಂದ ದಂಪತಿಯ ವಿಚಾರಣೆ

ಲಾಕ್‌ಡೌನ್‌ಗೂ ಮುನ್ನ ನಿರ್ದೇಶಕ ಅಶೋಕ್, ವಸಿಷ್ಠಗೆ ಒಂದು ಕಥೆ ಹೇಳಿದ್ದರಂತೆ. ಅದು ವಸಿಷ್ಠಗೆ ಇಷ್ಟವಾಗದ ಕಾರಣ, ಚಿತ್ರದಲ್ಲಿ ನಟಿಸುವುದಿಲ್ಲ ಎಂದಿದ್ದರಂತೆ. ಆ ನಂತರ, ಅಶೋಕ್​ಗೆ ಇನ್ನೊಬ್ಬ ನಿರ್ದೇಶಕ ಸಂಪತ್ ನಂದಿ ಒಂದು ಕಥೆ ಹೇಳಿದರಂತೆ. 'ಆ ಕಥೆಗೆ ನಾನು ಸೂಟ್ ಆಗುತ್ತೇನೆ ಎಂದನಿಸಿ ಕಥೆ ಹೇಳಿಸಿದ್ದಾರೆ. ಕಥೆ ಕೇಳಿದೆ. ಇದೊಂದು ಸವಾಲಿನ ಪಾತ್ರ. ಇಲ್ಲ ಎನ್ನುವುದಕ್ಕೆ ಸಾಧ್ಯವಾಗದೆ ಒಪ್ಪಿಕೊಂಡೆ’ ಎನ್ನುತ್ತಾರೆ ವಸಿಷ್ಠ.

https://www.vijayavani.net/sai-pallavi-missing-from-1-billion-views-for-rowdy-baby-poster-fans-upset/