‘ಪುಷ್ಪ’ ಸಿನಿಮಾದ ‘ಶ್ರೀವಲ್ಲಿ’ ಹಾಡಿಗೆ ಬೆಂಗಾಲಿ ಟ್ವಿಸ್ಟ್ ನೀಡಿದ ಉಷಾ ಉತ್ತುಪ್! ಹೇಗಿದೆ ಬೆಂಗಾಲಿ ಹಾಡು?

'ಪುಷ್ಪಾ' ಸಿನಿಮಾ ಮತ್ತು ಅದರ ಹಾಡುಗಳು ಪ್ರಪಂಚದಾದ್ಯಂತ ಅಪಾರ ಪ್ರೀತಿ, ಬೆಂಬಲವನ್ನು ಪಡೆದಿವೆ. ಈ ಸಿನಿಮಾದ ಹಾಡುಗಳಿಗೆ ವಿದೇಶಿ ಸೆಲೆಬ್ರಿಟಿಗಳು ರೀಲ್ಸ್ ವಿಡಿಯೋಗಳ ಮೂಲಕ ಕುಣಿದು ಕುಪ್ಪಳಿಸಿದ್ದಾರೆ. ಇಷ್ಟೆಲ್ಲಾ ಫೇಮಸ್ ಆಗಿರುವ ಈ ಸಿನಿಮಾದ ಹಾಡುಗಳು ಸದ್ಯ ಇನ್ನೂ ಹೆಚ್ಚು ಹೆಚ್ಚು ದಾಖಲೆಗಳನ್ನು ಮುರಿಯುತ್ತಾ ತಮ್ಮ ಖ್ಯಾತಿ ಹೆಚ್ಚಿಸಿಕೊಳ್ಳುತ್ತಾ ಮುಂದೆ ಸಾಗುತ್ತಿವೆ. ಇಂತಹ, ಸಿನಿಮಾದ ಒಂದು ಹಾಡಿಗೆ ಇದೀಗ ಸ್ವತಃ ಭಾರದ ದೇಶದ ಖ್ಯಾತ ಗಾಯಕಿ ಒಬ್ಬರೂ ತಮ್ಮದೇ ಸ್ಟೈಲ್​ನ ಮತ್ತು ತಮ್ಮದೇ ಭಾಷೆಯಲ್ಲಿ ಒಂದು ಸ್ಪೆಷಲ್ ಟಚ್ ನೀಡಿದ್ದಾರೆ.

ಹೌದು, ನಟ ಅಲ್ಲು ಅರ್ಜುನ್ ಮತ್ತು ನ್ಯಾಷನಲ್ ಕ್ರಶ್ ನಟಿ ರಶ್ಮಿಕಾ ಮಂದಣ್ಣ ಅಭಿನಯಿಸಿರುವ 'ಪುಷ್ಪಾ'ದಂತಹ ಬ್ಲಾಕ್‌ ಬಸ್ಟರ್ ಸಿನಿಮಾದಿಂದ ಅಭಿಮಾನಿಗಳು, ಸೆಲೆಬ್ರಿಟಿಗಳು ಮತ್ತು ಕ್ರಿಕೆಟಿಗರು ಸಹ ಫುಲ್ ಪ್ರಭಾವಿತರಾಗಿದ್ದಾರೆ. ಇನ್ನು, ಈಗಲೂ ಟ್ರೆಂಡಿಂಗ್ ಎನಿಸಿಕೊಂಡಿರುವ ಜನಪ್ರಿಯ ಹಾಡಾದ 'ಶ್ರೀವಲ್ಲಿ'ಯ ಬೆಂಗಾಲಿ ವರ್ಷನ್ ಯೂಟ್ಯೂಬ್​ನಲ್ಲಿ ರಿಲೀಸ್ ಆಗಿದ್ದು, ಇದಕ್ಕೆ ನಮ್ಮ ದೇಶದ ಸೂಪರ್ ಎನರ್ಜಿಟಿಕ್ ಗಾಯಕಿ ಎಂದು ಕರೆಸಿಕೊಂಡಿರುವ ಉಷಾ ಉತ್ತುಪ್ ಅವರು ಧ್ವನಿಯಾಗಿದ್ದಾರೆ.

ಬೆಂಗಾಲಿ ವರ್ಷನ್​ನ 'ಶ್ರೀವಲ್ಲಿ' ಹಾಡು ಯೂಟ್ಯೂಬ್​ನಲ್ಲಿ ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ವೈರಲ್ ಆಗಿದ್ದು, ಒಳ್ಳೆಯ ಪ್ರತಿಕ್ರಿಯೆ ಗಿಟ್ಟಿಸಿಕೊಂಡಿದೆ. ಗಾಯಕಿ ಉಷಾ ಉತ್ತುಪ್ ಹಾಡಿದ್ದು, ರಾಜೀವ್ ದತ್ತಾ ಅವರು ಈ ಬೆಂಗಾಲಿ ವರ್ಷನ್​ಗೆ ಸಾಹಿತ್ಯ ಬರೆದಿದ್ದಾರೆ. ಈ ಹಾಡಿಗೆ ಸದ್ಯ ಯೂಟ್ಯೂಬ್​ನಲ್ಲಿ ಬರೋಬ್ಬರಿ 4 ಲಕ್ಷ ವೀಕ್ಷಣೆಗಳು ಇವೆ. ಬೆಂಗಾಲಿ ಹಾಡಿಗೂ ಈಗ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ರೀಲ್ಸ್ ವಿಡಿಯೋಗಳನ್ನು ಮಾಡಲು ಆರಂಭಿಸಿದ್ದಾರೆ. 

https://www.vijayavani.net/mass-poster-from-sarkaaru-vaari-pata-movie-of-mahesh-babu-movie-released-on-shivarathri/

https://www.vijayavani.net/kajal-aggarwals-pregnancy-workout-video-goes-viral-on-social-media/