ಪ್ಯಾರಿಸ್ ಒಲಿಂಪಿಕ್ಸ್: 4 ಸೆಕೆಂಡ್ ಆಲಸ್ಯಕ್ಕೆ ಬಂದ ಕಂಚೂ ಹೋಯ್ತು.. ಇದು ವಿನೇಶ್ ಮನವಿ ಮೇಲೆ ಪರಿಣಾಮ ಬೀರುತ್ತಾ?

ಪ್ಯಾರಿಸ್: ಒಲಿಂಪಿಕ್ಸ್‌ನಲ್ಲಿ ಗೆದ್ದ ಕಂಚಿನ ಪದಕವನ್ನು ಹಿಂದಿರುಗಿಸಲು ಕೋರ್ಟ್​ ಆಫ್​ ಆರ್ಬಿಟ್ರೇಷನ್​ ಫಾರ್​ ಸ್ಫೋರ್ಟ್ಸಸ(ಕ್ಯಾಸ್) ಅಮೇರಿಕನ್ ಜಿಮ್ನಾಸ್ಟ್‌ಗೆ ಆದೇಶಿಸಿದೆ. ಈ ತೀರ್ಪು ವಿನೇಶ್ ಕೋರಿಕೆಯ ಮೇಲೆ ಪರಿಣಾಮ ಬೀರುತ್ತದೆಯೇ ಎಂಬ ಪ್ರಶ್ನೆ ಎದ್ದಿದೆ.

ಇದನ್ನೂ ಓದಿ: ಜಪೋರಿಜಿಯಾ ಅಣುವಿದ್ಯುತ್​ ಕೇಂದ್ರದಲ್ಲಿ ಭಾರಿ ಪ್ರಮಾಣದಲ್ಲಿ ಬೆಂಕಿ! ಉಕ್ರೇನ್​ ಹೆದರಿಸಲು ರಷ್ಯಾ ಸ್ಫೋಟಿಸಿತೇ?

ಪ್ಯಾರಿಸ್ ಒಲಿಂಪಿಕ್ಸ್ ಕುಸ್ತಿಯಲ್ಲಿ ತನ್ನ ಮೇಲೆ ಹೇರಲಾಗಿರುವ ಅನರ್ಹತೆಯನ್ನು ಪ್ರಶ್ನಿಸಿ ಭಾರತದ ಕುಸ್ತಿಪಟು ವಿನೇಶ್ ಫೋಗಟ್ ಮನವಿ ಸಲ್ಲಿಸಿರುವ ಬೆನ್ನಲ್ಲೇ ಕ್ರೀಡಾ ಮಧ್ಯಸ್ಥಿಕೆ ನ್ಯಾಯಾಲಯ ನೀಡಿದ ಈ ತೀರ್ಪು ಮಹತ್ವ ಪಡೆದುಕೊಂಡಿದೆ. 4 ಸೆಕೆಂಡ್ ತಡವಾಗಿ ಮನವಿ ಮಾಡಿದ ಕಾರಣ ಕಂಚಿನ ಪದಕವನ್ನು ಹಿಂದಿರುಗಿಸಲು ಅಮೇರಿಕನ್ ಜಿಮ್ನಾಸ್ಟ್‌ ಜೋರ್ಡಾನ್ ಚಿಲ್ಸ್ ಗೆ ಆದೇಶಿಸಿತು.

ಒಲಿಂಪಿಕ್ಸ್‌ನಲ್ಲಿ ಆ.5 ರಂದು ನಡೆದ ಜಿಮ್ನಾಸ್ಟಿಕ್ಸ್ ಸ್ಪರ್ಧೆಗಳಲ್ಲಿ 13.666 ಅಂಕಗಳೊಂದಿಗೆ ಐದನೇ ಸ್ಥಾನ ಪಡೆದರು. ರೊಮೇನಿಯಾದ ಅನಾ ಬಾರ್ಬೊಸು 13,700 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಆದಾಗ್ಯೂ, ಜೋರ್ಡಾನ್‌ನ ತರಬೇತುದಾರರು ತಮ್ಮ ಸ್ಕೋರ್ ಅನ್ನು ತಪ್ಪಾಗಿ ನಮೂದಿಸಲಾಗಿದೆ ಎಂದು ಪ್ರತಿಪಾದಿಸಿ ಮರುಪರಿಶೀಲನೆಗೆ ಮನವಿ ಮಾಡಿದರು. ಅಂತರಾಷ್ಟ್ರೀಯ ಜಿಮ್ನಾಸ್ಟಿಕ್ ಫೆಡರೇಶನ್ ಇದನ್ನು ಪರಿಶೀಲಿಸಿ ಅಂಕವನ್ನು ಪರಿಷ್ಕರಿಸಿದೆ.

ಜೋರ್ಡಾನ್ ಚಿಲ್ಸ್ ಸ್ಕೋರ್‌ಗೆ 0.1 ಸೇರಿಸಿ, ಯೂಎಸ್​ ಜಿಮ್ನಾಸ್ಟ್ ಬಾರ್ಬೋಸಾರನ್ನು ಮೂರನೇ ಸ್ಥಾನಕ್ಕೆ ತಳ್ಳಲಾಗಿದೆ. ಆಕೆಗೆ ಕಂಚಿನ ಪದಕವನ್ನು ನೀಡಲಾಗಿದೆ. ಆದರೆ ರೊಮೇನಿಯನ್ ತಂಡವು ಮೊಕದ್ದಮೆ ಹೂಡಿತು. ಜೋರ್ಡಾನ್‌ನ ತರಬೇತುದಾರರು ಮರುಪರಿಶೀಲನೆಗೆ ಒಂದು ನಿಮಿಷದ ಗಡುವುಗಿಂತ ನಾಲ್ಕು ಸೆಕೆಂಡುಗಳ ನಂತರ ಮನವಿ ಮಾಡಿದರು. ವಿಚಾರಣಾ ನ್ಯಾಯಾಲಯವು ಬಾರ್ಬೋಸಾ ಪರವಾಗಿ ತೀರ್ಪು ನೀಡಿತು. ಜೋರ್ಡಾನ್ ಗೆ ತನ್ನ ಕಂಚನ್ನು ಹಿಂದಿರುಗಿಸಲು ಆದೇಶಿಸಿದೆ. ಈ ಕುರಿತು ಅಂತಾರಾಷ್ಟ್ರೀಯ ಜಿಮ್ನಾಸ್ಟಿಕ್ ಫೆಡರೇಷನ್ ಪ್ರತಿಕ್ರಿಯಿಸಿದೆ.

ಮಧ್ಯಸ್ಥಿಕೆ ನ್ಯಾಯಾಲಯ ಮತ್ತೊಮ್ಮೆ ಅಂಕವನ್ನು ಪರಿಷ್ಕರಿಸಿತು. ಅದು ತೀರ್ಪನ್ನು ಗೌರವಿಸುತ್ತದೆ ಎಂದು ಹೇಳಿದೆ. ಇದರ ಪರಿಣಾಮವಾಗಿ, ರೊಮೇನಿಯಾದ ಜಿಮ್ನಾಸ್ಟ್‌ಗಳಿಗೆ ಕಂಚಿನ ಪ್ರಶಸ್ತಿ ನೀಡಲಾಗುವುದು ಎಂದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಘೋಷಿಸಿದೆ.

ಈ ತೀರ್ಪು ವಿನೇಶ್​ ಮನವಿ ಮೇಲೆ ಯಾವ ರೀತಿಯ ಪರಿಣಾಮ ಬೀರುತ್ತದೆ ಎಂಬ ಕುತೂಹಲ ಈಗ ಮೂಡಿದೆ. ಆ.13ಕ್ಕೆ ವಿನೇಶ್​ಗೆ ಪದಕ ನೀಡುವ ಕುರಿತು ತೀರ್ಪು ಹೊರಬೀಳಲಿದೆ.

https://www.vijayavani.net/supriyasule-says-her-phone-whatsapp-hacked-dont-call-or-text-me