ಅಮೆರಿಕ ಅಧ್ಯಕ್ಷೀಯ ಚುನಾವಣೆ 2020 : ಸ್ವಿಂಗ್ ಸ್ಟೇಟ್ಸ್ ಅಂದರೇನು? ಈ ಸಲದ ಚುನಾವಣಾ ವಿಷಯಗಳೇನು?

ವಾಷಿಂಗ್ಟನ್​: ಅಮೆರಿಕ ಅಧ್ಯಕ್ಷೀಯ ಚುನಾವಣೆಯ ಅಂತಿಮ ಹಂತದ ಮತದಾನ ಇಂದು ನಡೆಯುತ್ತಿದೆ. ಈ ಹಂತದಲ್ಲಿ ಅಮೆರಿಕ ಚುನಾವಣೆಯಲ್ಲಿ ನಿರ್ಣಾಯಕವಾಗುವ ರಾಜ್ಯಗಳು ಮತ್ತು ಈ ಸಲದ ಚುನಾವಣಾ ವಿಷಯಗಳು, ಯಾವ ರಾಜ್ಯದಲ್ಲಿ ಯಾರ ಪ್ರಾಬಲ್ಯ ಎಂಬುದರ ಅವಲೋಕನ ಇಲ್ಲಿದೆ.

ಅಧ್ಯಕ್ಷೀಯ ಚುನಾವಣೆಯಲ್ಲಿ 8 ರಾಜ್ಯಗಳು ಅತ್ಯಂತ ಮಹತ್ವದ್ದಾಗಿದ್ದು, ಇಲ್ಲಿ ಹೆಚ್ಚು ಎಲೆಕ್ಟೋರಲ್ ಕಾಲೇಜ್ ಸ್ಥಾನ ಗಳಿಸಿದವರಿಗೆ ಅಧ್ಯಕ್ಷಪಟ್ಟ ಗಟ್ಟಿ. ಪೆನ್ಸಿಲ್ವೇಲಿನಿಯಾ, ಉತ್ತರ ಕರೊಲಿನಾ, ಅರಿಜೋನಾ, ಮಿಚಿಗನ್, ಜಾರ್ಜಿಯಾ, ಫ್ಲಾರಿಡಾ, ಮಿನ್ನೆಸೋಟಾ, ವಿಸ್ಕಾನ್ಸಿನ್ ಇವೇ ಆ ಎಂಟು ‘ಸ್ವಿಂಗ್ ಸ್ಟೇಟ್ಸ್’. ಈ ರಾಜ್ಯಗಳನ್ನು ‘ಬ್ಯಾಟಲ್ ಗ್ರೌಂಡ್’ ಎಂದೂ ಕರೆಯುತ್ತಾರೆ.

ಇದನ್ನೂ ಓದಿ: ಅಯೋಧ್ಯೆಯಲ್ಲಿ ಯಾತ್ರಿ ನಿವಾಸಕ್ಕೆ ಜಾಗ

2016ರಲ್ಲಿ ಈ ರಾಜ್ಯಗಳಲ್ಲಿ ಸಮೀಕ್ಷೆ ಅಂದಾಜು ಬುಡಮೇಲಾಯಿತು. ಡೆಮಾಕ್ರಟಿಕ್ ಪಕ್ಷದ ಹಿಡಿತದಲ್ಲಿದ್ದ ಮಿಚಿಗನ್, ಪೆನ್ಸಿಲ್ವೇನಿಯಾ, ವಿಸ್ಕಾನ್ಸಿನ್​ಗಳಲ್ಲಿ ಹಿಲರಿ ಕ್ಲಿಂಟನ್​ಗೆ ವ್ಯತಿರಿಕ್ತವಾಯಿತು. ಫ್ಲಾರಿಡಾ ಮತ್ತು ಓಹಿಯೊಗಳಲ್ಲಿ ಟ್ರಂಪ್ ಮೇಲುಗೈ ಸಾಧಿಸಿದರು.

ಇದನ್ನೂ ಓದಿ: Web Exclusive | ಅರಣ್ಯ ರಕ್ಷಣೆಗೆ ಶಕ್ತಿ ತುಂಬಿದ ನೇಮಕಾತಿ…

ಚುನಾವಣಾ ವಿಷಯ: ನಿರುದ್ಯೋಗ- 2.32 ಕೋಟಿ ಜನರಿಗೆ ಸರ್ಕಾರ ನಿರುದ್ಯೋಗ ಭತ್ಯೆ ನೀಡುತ್ತಿದೆ. ಎರಡನೇ ವಿಶ್ವ ಯುದ್ಧದ ನಂತರ ನಿರುದ್ಯೋಗ ಅಧ್ಯಕ್ಷೀಯ ಚುನಾವಣೆಯ ಪ್ರಮುಖ ವಿಷಯವಾಗಿದೆ.
ಆರ್ಥಿಕತೆ- ಕರೊನಾ ಕಾರಣ ದೇಶದ ಆರ್ಥಿಕತೆ ನೆಲಕಚ್ಚಿದೆ. ಉತ್ಪಾದನಾ ವಲಯಗಳು ಸೊರಗಿವೆ. ಜನರಲ್ಲಿ ಖರ್ಚು ಮಾಡುವ ಶಕ್ತಿಯೇ ಇಲ್ಲವಾಗಿರುವುದರಿಂದ ಮಾರುಕಟ್ಟೆ ಭಣಗುಡುತ್ತಿದೆ.
ಕರೊನಾ ನಿಯಂತ್ರಣ- ಅಮೆರಿಕದಲ್ಲಿ ಜುಲೈನಲ್ಲಿ ಗರಿಷ್ಠ ಮಟ್ಟದಲ್ಲಿದ್ದ ಸೋಂಕಿನ ಪ್ರಮಾಣ, ನಂತರ ಇಳಿಕೆ ಕಂಡಿತು. ನಂತರ ಲಾಕ್​ಡೌನ್ ನಿಯಮ ಸಡಿಲ, ಅಧ್ಯಕ್ಷೀಯ ಚುನಾವಣೆ ಕಾರಣ ಸೆಪ್ಟೆಂಬರ್ ಮಧ್ಯಭಾಗದಿಂದ ಮತ್ತೆ ಏರಿಕೆ ಕಂಡಿದೆ. ಸೋಂಕು ಹತೋಟಿ ಜತೆಗೆ ಔಷಧ ವಿತರಣೆ ಹೊಸ ಅಧ್ಯಕ್ಷರ ಆರಂಭದ ಸವಾಲಾಗಲಿದೆ.

ಇದನ್ನೂ ಓದಿ: ತೇಜಸ್ವಿ, ತೇಜ್ ಪ್ರತಾಪ್ ಭವಿಷ್ಯ ಇಂದು ನಿರ್ಧಾರ: ಬಿಹಾರದಲ್ಲಿ 2ನೇ ಹಂತದ ಮತದಾನ

ಡೆಮಾಕ್ರಟಿಕ್ ಬಾಹುಳ್ಯದ ರಾಜ್ಯಗಳು: ನ್ಯೂಯಾರ್ಕ್, ನ್ಯೂಜರ್ಸಿ, ವರ್ವಂಟ್, ಕನೆಕ್ಟಿಕಟ್, ರೋಡ್ ಐಲ್ಯಾಂಡ್, ಇಲಿನಾಯ್್ಸ ವರ್ಜಿನಿಯಾ, ಮೇರಿಲ್ಯಾಂಡ್, ಡೆಲವೇರ್, ಕ್ಯಾಲಿಫೋನಿರ್ಯಾ, ಒರೆಗಾನ್, ವಾಷಿಂಗ್ಟನ್ ಸ್ಟೇಟ್, ಕೊಲೊರಾಡೊ, ನ್ಯೂ ಮೆಕ್ಸಿಕೊ, ಹವಾಯಿ ದ್ವೀಪಗಳು.

ಇದನ್ನೂ ಓದಿ: ಯುವ ಮಾಸ್ ಎಂಟ್ರಿ: ಅಪ್ಪ-ಚಿಕ್ಕಪ್ಪನ ಸಮ್ಮುಖದಲ್ಲಿ ಚಂದನವನಕ್ಕೆ ಆಗಮನ

ರಿಪಬ್ಲಿಕನ್​ಗೆ ಬೆಂಬಲದ ರಾಜ್ಯಗಳು: ಒಕ್ಲಹಾಮ, ಅರ್ಕಾನ್ಸಾಸ್, ಅಲ್ಬಾಮಾ, ಕೆಂಟುಕಿ, ಲೂಸಿಯಾನ, ಟೆನ್ನೆಸ್ಸೀ, ಮಿಸ್ಸಿಸ್ಸಿಪಿ, ದಕ್ಷಿಣ ಕರೊಲಿನಾ, ವ್ಯೂಮಿಂಗ್, ಇದಾಹೊ, ಮಾಂಟಾನಾ, ಉತಾಹ್, ಉತ್ತರ ಮತ್ತು ದಕ್ಷಿಣ ಡಕೋಟಾ, ಕಾನ್ಸಾಸ್, ಮಿಸ್ಸೌರಿ, ಇಂಡಿಯಾನಾ, ಅಲಾಸ್ಕಾ.

https://www.vijayavani.net/us-presidential-election-final-round-voting-today/