ಮಾಡುವ ಕೆಲಸದಲ್ಲಿ ಪ್ರಭಲ ಇಚ್ಛಾಶಕ್ತಿ, ದೃಢ ನಿರ್ಧಾರವಿದ್ದರೆ, ಎದುರಾಗುವ ಯಾವುದೇ ಅಡೆತಡೆಗಳನ್ನು ಮೀರಿ ನಿಲ್ಲಬಹುದು, ಎನ್ನುವುದನ್ನು ದಯಾನಂದ ದೃಢಪಡಿಸಿದ್ದಾರೆ. ಮೂಲತಃ ದಾವಣಗೆರೆ ಜಿಲ್ಲೆಯ ಚನ್ನಗಿರಿ ತಾಲೂಕಿನ ಮಾದೇನಹಳ್ಳಿಯವರಾದ ದಯಾನಂದ ಪ್ರಾಥಮಿಕ ಪ್ರೌಢ ಶಿಕ್ಷಣವನ್ನು ಚನ್ನಗಿರಿಯಲ್ಲಿ, ಪಿಯು ಶಿವಮೊಗ್ಗ, ಹಾಗೂ ಹುಬ್ಬಳ್ಳಿಯ ಕಿಮ್ಸ್ನಲ್ಲಿ ಎಂಬಿಬಿಎಸ್ ಪದವಿ, ನಿಮ್ಹಾನ್ಸ್ನಲ್ಲಿ ಮನೋವೈದ್ಯಕೀಯ ಶಾಸದಲ್ಲಿ ಡಿಪ್ಲೊಮಾ ಪದವಿ. ತದನಂತರ ದಾವಣಗೆರೆ ಜಿಲ್ಲಾ ಆರೋಗ್ಯ ಆಸ್ಪತ್ರೆಯಲ್ಲಿ ಜಿಲ್ಲಾ ಮನೋವೈದ್ಯರಾಗಿ ಸೇವೆ ಹೀಗೆ ವ್ಯದ್ಯಕೀಯ ಕ್ಷೇತ್ರದಲ್ಲಿ ಹಲವಾರು ಹುದ್ದೆಗಳನ್ನು ಆಲಂಗಿಸಿದ್ದಾರೆ. ಇದಲ್ಲದೇ ನಿವಾಸಿ ವೈದ್ಯರ ಸಂಘದ ರಾಜ್ಯಾಧ್ಯಕ್ಷರಾದ ವೇಳೆ, ನಿವಾಸಿ ವ್ಯದ್ಯರ ಹಕ್ಕುಗಳಿಗೆ ಹೋರಾಟ ಮಾಡುವ ಸಂದರ್ಭ ಎದುರಾದ ಕೆಲವೊಂದು ಘಟನೆಗಳು, ವ್ಯವಸ್ಥೆಯ ಹೋರಗಿದ್ದು ಹೋರಾಟ ಮಾಡುವುದಕ್ಕಿಂತ, ಅದರ ಒಂದು ಭಾಗವಾದರೇ ತಕ್ಕ ಮಟ್ಟಿಗೆ ಅದರಲ್ಲಿ ಬದಲಾವಣೆ ತರಬಹುದು ಎನ್ನುವ ಅಂತಃಕರಣದ ಭಾವ ಮೂಡಿಸಿ ಯುಪಿಎಸ್ಸಿ ಪ್ಲಾಟಾರ್ಮ್ಗೆ ತಂದು ನಿಲ್ಲಿಸಿದವು ಎನ್ನುತ್ತಾರೆ ದಯಾನಂದ. 2022ರಲ್ಲಿ ಯುಪಿಎಸ್ಸಿ ಓದನ್ನು ಪ್ರಾರಂಭಿಸಿದ ಇವರು 2024ರಲ್ಲಿ ಯಶ ಕಂಡಿದ್ದಾರೆ. ಪ್ರಸ್ತುತ ಶಿವಮೊಗ್ಗದ ಸುಬ್ಬಯ್ಯ ಕಾಲೇಜಿನಲ್ಲಿ ಸಹಾಯಕ ಪ್ರಾಧ್ಯಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ತಂದೆ ಲಕ್ಷ್ಮಣ ನಾಯಕ್ ಕೃಷಿಯಲ್ಲಿ ತೊಡಗಿದ್ದರೆ, ತಾಯಿ ಮಂಜುಳಾ ಗೃಹಿನಿ. ಅಕ್ಕ ಶ್ರುತಿ, ತಂಗಿ ಸಂಗೀತಾ ಅವರನ್ನೊಳಗೊಂಡ ಚಿಕ್ಕ ಕುಟುಂಬ ಇವರದು.
