ಕನ್ನಡ, ತೆಲುಗಿನಲ್ಲಿ ಉಪ್ಪಿ ರಿಯಲ್ ವಾಯ್ಸ್
"ಯುಐ' ವಿಶೇಷತೆ ಎಂದರೆ ಕನ್ನಡದ ಜತೆ ತೆಲುಗು ಭಾಷೆಯಲ್ಲೂ ಉಪೇಂದ್ರ ಅವರೇ ಡಬ್ಬಿಂಗ್ ಮಾಡಲಿದ್ದಾರೆ. 1997ರಲ್ಲಿ ಉಪೇಂದ್ರೆ ಕನ್ನಡದ "ಓಂ' ಚಿತ್ರವನ್ನು ತೆಲುಗಿನಲ್ಲಿ "ಓಂಕಾರಂ' ಹೆಸರಿನಲ್ಲಿ ರಿಮೇಕ್ ಮಾಡಿದ್ದರು. ಆ ಚಿತ್ರದ ಪ್ರಾರಂಭದಲ್ಲಿ ಖುದ್ದು ಅವರೇ ನರೇಷನ್ ಮಾಡಿದ್ದರು. ಆ ಬಳಿಕ "ಕನ್ಯಾದಾನಂ', "ಒಕೇ ಮಾಟ', "ರಾ', "ಸನ್ ಆಫ್ ಸತ್ಯಮೂರ್ತಿ' ಸೇರಿ ಕಳೆದ ವರ್ಷ ತೆರೆಕಂಡ "ನಿ' ಚಿತ್ರದಲ್ಲೂ ಉಪ್ಪಿ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದರು. ಹೀಗಾಗಿ ತೆಲುಗು ಭಾಷೆಯ ಮೇಲೆ ಹಿಡಿತವಿರುವ ಕಾರಣ, ಅವರೇ ಖುದ್ದು ತೆಲುಗಿನಲ್ಲೂ ಡಬ್ ಮಾಡಲಿದ್ದಾರೆ. "ಯುಐ' ಪ್ಯಾನ್ ಇಂಡಿಯಾ ಚಿತ್ರವಾಗಿದ್ದು ಕನ್ನಡ, ತೆಲುಗು, ಹಿಂದಿ, ತಮಿಳು ಹಾಗೂ ಮಲಯಾಳಂ ಭಾಷೆಗಳಲ್ಲಿ ಮೂಡಿಬರುತ್ತಿದೆ. ಸಿನಿಮಾ ಅಷ್ಟೂ ಭಾಷೆಗಳಲ್ಲಿ ಏಕಕಾಲದಲ್ಲಿ ರಿಲೀಸ್ ಆಗಲಿರುವ ಕಾರಣ ಡಬ್ಬಿಂಗ್ಗೆ ಹೆಚ್ಚು ದಿನ ನೀಡಲಾಗಿದೆ.
